[᭑᭑᭗ 117B]
᭑᭑᭗
ᬫᬶᬭᬳ᭄ᬫᬢ᭄ᬫᬸᬮ᭄ᬬ᭞ᬮᬵᬫ᭄ᬧᬳᬶᬭᬫᬦᬹᬢ᭄ᬢᬧ᭄ᬲᬶᬭᬶᬂᬳᬢᬶ᭞ᬤᬾᬦ᭄ᬳᬾᬮᬶᬂᬲᬤᬬᬦᬶᬧᬸᬦ᭄᭞ᬲᬸᬭᬸᬧ᭄ᬮᬦ᭄ᬢᬗ᭄ᬕᬮᬶᬭ᭞ᬲᬵᬫ᭄ᬧᬸᬦ᭄ᬲᬫᬵᬃᬩᬶᬬᬾᬦ᭄ᬲᬦᬶᬓᬶᬮᬦ᭄ᬩᬾᬲᬸᬓ᭄᭞ᬦᬶᬓᬸᬓᬯ᭄ᬭᬸᬳᬾᬢ᭄ᬬᬂᬚᬯ᭞ᬚᬯᬶᬓᬂᬳᬕᬫᬩᬸᬤ᭄ᬥᬶ᭟ᬓᬂᬭᬕᬗᭂ
ᬩᬭᬢ᭄ᬧᬮ᭄ᬯ᭞ᬘᬶᬦᬭᬶᬢᬵᬢᬶᬬᬂᬲᬸᬓ᭄ᬱ᭄ᬫᬓᬂᬩᭂᬤᬶᬭᬶ᭞ᬧᭀᬦ᭄ᬤᭀᬫ᭄ᬩᬸᬤ᭄ᬥᬶᬢᬸᬤᬸᬄᬓᬯ᭄ᬭᬸᬄ᭞ᬮᬫᬸᬦ᭄ᬧ᭠ᬮ᭄ᬯᬓᬸᬫᬫ᭄ᬧᬄ᭞ᬲᬮᬄᬧᬦ᭄ᬤᭀᬫ᭄ᬯᬸᬲ᭄ᬫᭂᬲ᭄ᬢᬶᬘᬶᬮᬓᬦᬶᬧᬸᬦ᭄᭞ᬧᬮ᭄ᬯᬋᬩᬄᬢᬶᬬᬂᬧᭂᬚᬄ᭞ᬧᬦ᭄ᬤᭀᬫ᭄ᬧᬶᬲᬄᬮᬦ᭄ᬢᬶᬬᬗᬶᬂ᭟
ᬫᬶᬮᬦᬾᬧ᭄ᬭᬬᭀᬕᬶᬫᬧᬦ᭄᭞ᬫᬓ᭄ᬲᬶᬄᬕᭂᬲᬂᬧᬮ᭄ᬯᬫᬓ᭄ᬲᬶᬄᬮᬸᬫᬭᬶᬲ᭄᭞ᬬᬾᬦ᭄ᬢᬦ᭄ᬫᬧᬦ᭄ᬕᭂᬲᬗᬶᬧᬸᬦ᭄᭞ᬧᭂᬚᬄᬫᬮᬶᬄᬲᬕᭂᬤ᭞ᬦᭂᬢᭂᬧᬦᬳᬭᬦ᭄ᬓᬫᬦᬸᬱᬦᬶᬧᬸᬦ᭄᭞ᬩᬳᬶᬢᬭᬕᬯᬸᬲ᭄ᬩᬸᬩ᭄ᬭᬄ᭞ᬢᬶᬬᬗᬾᬧᬶᬲᬄᬮᬦ᭄ᬩᬸᬤ᭄ᬥᬶ᭟
ᬧᬸᬦᬶᬓᬵᬯᬱ᭄ᬝᬦᬶᬂᬲᬳ᭄ᬤᬢ᭄᭞ᬧᬶᬲᬳᬶᬭᬲᬸᬓ᭄ᬱ᭄ᬫᬮᬯᬦ᭄ᬓᬂᬩᬸᬤ᭄ᬥᬶ᭞ᬳᭂᬲᬄᬧᬶᬲᬄᬢᭂᬕᭂᬲᬶᬧᬸᬦ᭄᭞ᬩᬸᬤ᭄ᬥᬶᬦᬶᬓᬸᬤᬢᬶᬂᬳ᭄ᬬᬂ᭞ᬬᬾᬦ᭄ᬯᬸᬲ᭄ᬧᬶᬲᬄᬭᬕᬩᬸᬤ᭄ᬥᬶᬓᬵᬋᬧᬶᬧᬸᬦ᭄᭞ᬲᬬᭀᬕ᭄ᬬᬲᬦ᭄ᬢᬸᬦ᭄ᬩᬾᬢᬸᬮ᭄ᬮᬄ᭞ᬢᬶᬬᬗᬾᬓᬩᭂᬓ᭄ᬢᬗ
[᭑᭑᭘ 118A]
ᬮᬶᬄ᭟ᬤᬢ᭄ᬲᬶᬧᬢ᭄ᬓᬮᬯᬵᬦ᭄ᬳᬰ᭄ᬫ᭞ᬬᬾᬦ᭄ᬧᬶᬲᬳᬭᬵᬕᬲᬸᬓ᭄ᬱ᭄ᬫᬮᬦ᭄ᬩᬸᬤ᭄ᬥᬶ᭞ᬫᬺᬢᬕᬶᬲ᭄ᬓᬂᬳᭂᬫ᭄ᬩᬸᬄᬳᭂᬫ᭄ᬩᬸᬄ᭞ᬬᬾᬦ᭄ᬢᬸ᭠ᬗ᭄ᬕᬮ᭄ᬓᬩᭂᬲᬭᬦ᭄᭞ᬳᭀᬭᬲᬸᬭᬸᬧ᭄ᬢᬗ᭄ᬕᬮᬶᬂᬲᬮᬫᬶᬦᬶᬧᬸᬦ᭄᭞ᬦᬶᬓᬸᬤᬾᬦ᭄ᬘᭂᬢᬯᬲ᭄ᬧᬤ᭞ᬓᬯ᭄ᬭᬸᬄᬚᬯᬲᬵᬫ᭄ᬧᬹᬃᬡ᭄ᬦᬤᬶ᭟ᬅ
ᬧᬦ᭄ᬳᬭᬮᬾᬓᬯᬸᬮ᭞ᬯᬚᬶᬩ᭄ᬯᭂᬂᬦᬂᬳᬢᬸᬭᬦ᭄ᬮᬯᬵᬦ᭄ᬕᬸᬲ᭄ᬢᬶ᭞ᬳᬶᬬᬰᬩᬾᬓᬸᬮ᭄ᬮᬄᬩᬭᬸ᭞ᬗᬸᬦ᭄ᬓᬸᬮᬦᬓᬂᬮᬫ᭞ᬭᬕᬦᬶᬂᬯᭀᬂᬳᬶᬂᬩᬾᬢᬸᬮ᭄ᬮᬄᬯᬱ᭄ᬝᬦᬶᬧᬸᬦ᭄᭞ᬦᬶᬓᬸᬤᬾᬦ᭄ᬘᭂᬢᬯᬲ᭄ᬧᬤ᭞ᬓᬯ᭄ᬭᬸᬄᬚᬯᬲᬵᬫ᭄ᬧᬸᬃᬡ᭄ᬦᬶᬤᬶ᭟ᬳᬧᬦ᭄ᬳᬭᬮᬾ᭠
ᬓᬯᬸᬮ᭞ᬯᬚᬶᬩ᭄ᬯᭂᬦᬂᬳᬢᬸᬭᬦ᭄ᬮᬯᬵᬦ᭄ᬕᬸᬲ᭄ᬢᬶ᭞ᬳᬶᬬᬱᬩᬾᬢᬸᬮ᭄ᬮᬄᬩᬭᬸ᭞ᬮᬫᬓᬂᬓᬳᬸᬗ᭄ᬓᬸᬮᬦ᭄᭞ᬰᬭᬶᬭᬦᬶᬂ᭠ᬯᬂᬬᬩᬾᬢᬸᬮ᭄ᬮᬄᬦᬫᬦᬶᬓᬸ᭞ᬧ᭄ᬭᬳᬸᬕᬯ᭄ᬬᬵᬦᬶᬂᬳᬮ᭄ᬮᬚ᭄᭞ᬲᬓᬶᬂᬰᬩ᭄ᬤᬓᬸᬦ᭄ᬤᬤᭀᬲᬶᬂ᭟ᬬᬾᬦ᭄ᬢᬶᬬᬂᬩᬳᬶᬢᬚᬯ᭄ᬯ᭞ᬲᬕᭂ
ᬤ᭄ᬫᬧᬦ᭄ᬲᬦ᭄ᬢᬸᬦ᭄ᬩᬾᬢᬸᬮ᭄ᬮᬄᬫᬮᬶᬄ᭞ᬓᬂᬳᬲᬮ᭄ᬭᭀᬄᬮᬧᬶᬲ᭄ᬩᬕᬸᬲ᭄᭞ᬬᬾᬦ᭄ᬧᬮ᭄ᬯᬢᬶᬬᬂᬳᬶᬲ᭄ᬮᬫ᭄᭞ᬦ᭄ᬭᬶᬫᬄᬦ᭄ᬤᭂ᭠ᬮᬸᬚᬹᬃᬢᭂᬗ᭄ᬕᬩᬗ᭄ᬓᬾᬢᬶᬬᬂᬋᬫᬸᬓ᭄᭞ᬕᭂᬲᬗᬾᬓᬵᬦ᭄ᬢᬸᬦ᭄ᬧᬗ᭄ᬭᬱ᭞ᬢᬦ᭄ᬧᬦᬮᬃᬓᬯ᭄ᬭᬸᬄᬳᬾᬮᬶᬂ᭟ᬧᬸᬦᬶᬓᬵ ᬢᬶᬬᬂᬘᬶᬮ᭠
Kaca:Bali-lontar-gaguritan-dharmma-gandul-300ppi.pdf/118
Kaca puniki sampun kauji-wacén
