[᭘᭖ 86 B]
᭘᭖
ᬚᬩᬦᬶᬂᬫᬸᬮᬶᬄᬮᬳᬸᬢᬂ᭟ᬦᬄᬚᬮᬦ᭄ᬫᬮᬸᬫᬸᬮᬶᬬᬦ᭄ᬫᬾᬫᬾᬦᬾᬫᬲᬶᬄᬢᬸᬢᬸᬭᬶᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬫᬜᬸᬫ᭄ᬩᬄᬢ᭄ᬤᬸᬦ᭄ᬫᬗ᭄ᬭᬭᬶᬲ᭄ᬧᬸᬭᬶᬫᬩ᭄ᬭᬶᬬᬸᬓ᭄ᬱᬫᬶᬗᬶᬭᬶᬂᬭᬯᬸᬄᬭᬶᬂᬧᬲᬭᬾᬦᬕᬸᬂᬳᬶᬩᬸᬦ᭄ᬥᬵᬫᬗᬦ᭄ᬤᬶᬓᬵᬳᬾᬦᬵᬕ᭄ᬕᬮ᭄ᬧᬤ᭄ᬥᬵᬗ᭄ᬮᬳᬸᬢ᭄ᬫ
ᬳᬶᬳᬶᬤᬾᬯᬕᬸᬂᬳᬚᬶᬭᬭᬶᬲ᭄ᬫᬗᬦ᭄ᬤᬶᬓᬵ᭟ᬦᬾᬢᬸᬮᬶᬲ᭄ᬳᬶᬩᬳᬸᬢ᭄ᬓᬳᬶᬜ᭄ᬚᭀᬂᬓᬤᬳᬸᬳᬦ᭄ᬫᬸᬮᬶᬄᬤᬾᬯᬰᬳᬧᬂᬩᬶᬦ᭄ᬧ᭄ᬯᬦ᭄ᬓᬧᭀᬢ᭄ᬬᬂᬢᬓᬸᬢ᭄ᬕᬢᬶᬭᬶᬂᬓᬓᬚᬶᬫ᭄ᬩᭀᬓ᭄ᬱᬵᬭᬶᬳᬶᬤᬾᬯᬕᬸᬂᬩ᭄ᬬᬂᬕ᭄ᬮᬸᬗᬦ᭄ᬳᬶᬓᬗᭂᬫ᭄ᬩᭂᬂᬯᬱ᭄ᬧᭂᬳᬤᬶᬦᬾᬦ᭄ᬥᬵᬗᬚᬓ᭄ᬚᬦᬶ
ᬬᬾᬜᬲ᭄ᬕᭂᬃᬳᬶᬘᬂᬦᬸᬦ᭄ᬤᬾᬦ᭄ᬓᬓᭀᬭᬶᬧᬦ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬜᭂᬫ᭄ᬩᬄᬫᬳᬢᬸᬃᬫᬦᬸᬤᬸᬢ᭄ᬳᬢᬶᬦᬸᬦᬲᬂᬦᬾᬚᬕᬵᬢᬫ᭄ᬧᭂᬓᬮᬶᬄᬚᬕᬵᬋᬋᬄᬯ᭄ᬬᬓ᭄ᬢᬶᬧ᭄ᬭᬧᬸᬢ᭄ᬭᬲᬳᬸᬃᬧᬓ᭄ᬱᬶᬧᬢᬸᬳᬢᬸᬭᬾᬫᬩ᭄ᬭᬶᬬᬸᬓ᭄ᬘᬦ᭄ᬤᭂᬕ᭄ᬳᬶᬤ᭄ᬯᬕᬸᬩ᭄ᬬᬂᬲᭀᬓ᭄ᬢᬸᬮᬶᬲ᭄ᬳᬶᬭ
ᬫᬢᬶᬢᬶᬧ᭄ᬲᬸᬩᬲᬜ᭄ᬚᬧᬸᬢᬸᬲ᭄ᬧᬦᬮᬶᬓ᭄ᬧᬶᬂᬲᬧ᭄ᬢᬵ᭟ᬫᬩ᭄ᬭᬶᬬᬸᬓ᭄ᬫᬧᬫᬶᬢ᭄ᬩᬸᬤᬮ᭄ᬭᬳᬸᬄᬭᬶᬂᬓᬫᬦ᭄ᬢ᭄ᬭᬶᬬᬦ᭄ᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬮᬦᬂᬳᬸᬘᬧᬂᬫᬺᬫ᭄ᬗᬶᬂᬢᬦ᭄ᬳᬫ᭄ᬭᬢᬶᬳᬶᬳᬶᬕᬜ᭄ᬚᬃᬫᬢᬸᬃᬳᬭᬶᬲ᭄ᬤ᭄ᬯᬕᬸᬂᬯᬾᬦ᭄ᬢᭂᬦ᭄ᬓᬩᬃᬯᬯᬸᬭ
[᭘᭗ 87 A]
ᬓᬜ᭄ᬘᭀᬓᭀᬃᬳᬶᬤᬾᬯ᭄ᬯᬳᬶᬤ᭄ᬯᬕᬸᬂᬧᬸᬢ᭄ᬭᬫᬧᬫᬶᬢ᭄ᬚᬕᬵᬫᬦ᭄ᬢᬸᬓ᭄ᬦᬾᬫᬮᬄᬓᬮᬶᬄᬭᬳᬶᬦᬵ᭟ᬳᬶᬤ᭄ᬯᬕᬸᬂᬮᬦᬂᬫᬦᬶᬫ᭄ᬩᬮ᭄ᬫᬤᬓ᭄ᬧᬗᭂᬲᬚᬵᬫᬸᬮᬶᬄᬢᬸᬚᬸᬢ᭄ᬬᬂᬓᬲᬗ᭄ᬓᬮᬵᬢ᭄ᬯᬭᬫᬶᬮᬸᬧᬘᬂᬗᬶᬭᬶᬂᬳᬶᬕ᭄ᬲᬶᬂᬦᬶᬫ᭄ᬩᬮ᭄ᬳᬭᬶᬲ᭄ᬧᬢᬸ
ᬢ᭄ᬬᬂᬫᬓᬢᬸᬚᬸᬘᭀᬓᭀᬃᬤᬾᬯᬲᬸᬗ᭄ᬓᬦ᭄ᬲ᭄ᬥᭂᬂᬫ᭄ᬮᬄᬳᬗ᭄ᬕᭀᬭᬗ᭄ᬓᬶᬲ᭄ᬢᭀᬦ᭄ᬤᬾᬦ᭄ᬧ᭄ᬕᬢ᭄ᬚᬕ᭄ᬭᬯᬸᬄᬳᬶᬤ᭄ᬯᬕᬸᬂᬧᬸᬢ᭄ᬭ᭟ᬩᬶᬄᬤᬶᬚᬳᬶᬤ᭄ᬯᬕᬸᬂᬮᬦᬂᬫᬢᬸᬃᬳᬶᬧᬋᬓᬦ᭄ᬘ᭄ᬭᬶᬓ᭄ᬭᬳᬶᬓ᭄ᬘᭀᬓᭀᬃᬳᬶᬤᬾᬯᬭᬶᬂᬧᬫᬺᬫᬦ᭄ᬯᬳᬸ
ᬗ᭄ᬭᬜ᭄ᬚᬶᬂᬳᬶᬤ᭄ᬯᬕᬸᬂᬧᬸᬢ᭄ᬭᬕ᭄ᬮᬶᬲ᭄ᬫᬸᬗ᭄ᬕᬳᬦ᭄ᬱᬫᬶᬫᬩ᭄ᬭᬶᬬᬸᬓ᭄ᬗ᭄ᬭᬜ᭄ᬚᬶᬂᬓ᭄ᬜᭂᬫ᭄ᬗᬦ᭄ᬤᬶᬓᬵᬩᬸᬓᬵᬫᭂᬫ᭄ᬩᬄᬫᬤᬸᬕᭂᬦ᭄ᬥᬶᬲ᭄ᬚᬦᬶᬓᬾᬦ᭄ᬓᬾᬦ᭄ᬳᬶᬤᬵᬗ᭄ᬮᬄᬓᬾᬲᭂᬗ᭄ᬕᬗᬦ᭄᭟ᬳᬶᬓᭂᬲ᭄ᬬᭂᬕ᭄ᬕ᭄ᬢᬃᬫᬦᬶᬫ᭄ᬩᬮ᭄ᬗᬶᬭᬶᬂᬚᬤ᭄ᬯᬕᬸᬂᬫᬕᬶᬗ᭄ᬱᬶᬃᬤᬶᬓᭀᬭᬶᬧᬦ᭄
ᬗᬮᬶᬄᬩᬮ᭄ᬬᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬫ᭄ᬭᬶᬬᬸᬓᬶᬦ᭄ᬳᬶᬦ᭄ᬤᬬᬂᬗᬮᬶᬄᬳ᭄ᬮᬶᬃᬲᬶᬜᬬᬜᬓ᭄ᬫᬕᬸᬭᬸᬳᬶᬤ᭄ᬯᬕᬸᬂᬮᬦᬂᬦᬶᬫ᭄ᬩᬮ᭄ᬢᬦ᭄ᬜᬦ᭄ᬤᬂᬚᬕᬵᬩᬯᭀᬲᬶᬦ᭄ᬕᬦ᭄ᬢᭀᬲ᭄ᬮᬘᬸᬃᬓᬶᬚᬲᬶᬫᬮᬶᬄᬧᬾᬳᬾᬤᬂ᭟ᬭᬵᬓᬦ᭄ᬥᬵᬓ᭄ᬜᭂᬫ᭄ᬗᬦ᭄ᬤᬶᬓᬵ
Kaca:Bali-lontar-gaguritan-cokoratu-02-250ppi.pdf/87
Kaca puniki sampun kauji-wacén
