[᭘᭕ 85 B]
᭘᭕
ᬧᬭᬕᬬᬦ᭄ᬫᬦᬶᬲ᭄ᬲᬦᬾᬫᬸᬗ᭄ᬕᬸᬄᬤᬤᭀᬲ᭄ᬩᬸᬗ᭄ᬓᬳᬶᬂᬢᬗ᭄ᬓᬶᬮᬦ᭄᭟ᬫᬓ᭄ᬚᬂᬋᬲᭂᬧ᭄ᬫᬶᬋᬗᬂᬓᬢᬭᬾᬂᬳᬓ᭄ᬱᬶᬮ᭄ᬯᬶᬃᬕᭂᬦ᭄ᬤᬶᬲ᭄ᬫᬓᬤᬶᬳᬶᬤ᭄ᬯᬕᬸᬂᬧᬸᬢ᭄ᬭᬫ᭄ᬦᭂᬩ᭄ᬫ᭄ᬦᭂᬩ᭄ᬤᬶᬚ᭄ᬭᭀᬦᬶᬂᬋᬤᬶᬳᬦᬯᬂᬦᬯᬂᬳᬓ᭄ᬱᬶᬢᬦ᭄ᬱᬸᬫ᭄ᬮᬧᬶᬂᬫᬦ᭄ᬤᬸᬮᬸᬳᬫᬬ
ᬫᬬᬲᬸᬭᬢ᭄ᬯᬶᬦᬘᬕᬶᬦᬦ᭄ᬢᬶᬤᬤᬶᬫᬢᬸᬃᬳᬦᬓ᭄ᬓᬕᬸᬂᬩᬕᬸᬲ᭄ᬓᬭᬂ᭟ᬤᬾᬯᬕᬸᬂᬗ᭄ᬕᬶᬄᬓᬾᬫᬜᬸᬭᬢ᭄ᬳᬶᬦ᭄ᬤᬬᬂᬧᬤᬩᭀᬂᬫ᭄ᬩᭀᬗᬶᬦ᭄ᬳᬶᬤᬾᬯᬕᬸᬂᬧᬸᬢ᭄ᬭᬦᬶᬫ᭄ᬩᬮ᭄ᬳᬭᬄᬢᭀᬂᬜᬶᬤᬬᬂᬲᬧᬶᬄᬧᬦ᭄ᬩᬧᬵᬫᬸᬍᬓᬶᬜ᭄ᬘᬶᬢ᭄
ᬳᬶᬧᭂᬕᭂᬕ᭄ᬓ᭄ᬜᭂᬫ᭄ᬫᬳᬢᬸᬃᬳᬭᬄᬢᭀᬂᬦᬸᬕᬓᬮ᭄ᬳ᭄ᬲᬮᬘᬸᬃᬮᬘᬸᬭᬾᬲᬧᬶᬄᬤᬤᬶᬢᬸᬢᬸᬣᬶᬤ᭄ᬯᬕᬸᬂᬧᬸᬢ᭄ᬭᬫᬜᬸᬭᬢ᭄᭟ᬳᬶᬓᭂᬲ᭄ᬬᭂᬕ᭄ᬩ᭄ᬘᬢ᭄ᬫᬜ᭄ᬫᬓ᭄ᬫᬦ᭄ᬳᬸᬓᬂᬯᬶᬭᬵᬲ᭄ᬢ᭄ᬭᬕ᭄ᬮᬶᬲ᭄ᬗᬓᬓ᭄ᬮᬳᬸᬢ᭄ᬫᬲᬲᬸᬯᬓ᭄ᬳᬭᬄᬲᬧᬶᬄᬕᬢᬶᬕᬢᬶ
ᬲᬫᬶᬳᬶᬤ᭄ᬥᬵᬫᬗᬓ᭄ᬱᬶᬮᬳᬸᬬ᭄ᬫᬃᬡ᭄ᬦᬲᬮᬶᬂᬢᭂᬫ᭄ᬩᬸᬂᬩᬶᬦ᭄ᬤᬃᬧᬤᬵᬗᬼᬕᬬᬂᬳᬶᬤᬾᬯᬕᬸᬂᬧᬸᬢ᭄ᬭᬫᬶᬗᬶᬲ᭄ᬜᬭᬸᬜᬭᬸᬓ᭄ᬜᭂᬫ᭄ᬮᬳᬸᬢ᭄ᬫᬗᬦ᭄ᬤᬶᬓᬵ᭟ᬚᬮᬄᬚᬦᬶᬫᬤᬩ᭄ᬥᬩᬦ᭄ᬦᬗ᭄ᬓᬶᬮ᭄ᬫᬗᬢᬸᬭᬂᬢᬸᬮᬶᬲ᭄ᬚᬮᬦᬂᬚᬦᬶ
[᭘᭖ 86 A]
ᬓᬢᬸᬩᬦ᭄ᬜᬭᬤ᭄ᬓᬨᬮ᭄ᬓᬮ᭄ᬢᭂᬕᬓᬶᬦ᭄ᬲ᭄ᬬᭂᬕ᭄ᬳᬶᬤ᭄ᬥᬵᬫᬗᬶᬢᬸᬗᬶᬦ᭄ᬤᬯᬰᬲᬦᬾᬭᬳᬬᬸᬢ᭄ᬯᬭᬫᬶᬲᬶᬧᬘᬮᬳᬶᬓᭂᬲ᭄ᬬᭂᬕ᭄ᬮᬸᬢ᭄ᬫᬂᬗ᭄ᬢᬾᬓᬶᬦ᭄ᬦᬾᬩᬶᬦ᭄ᬧ᭄ᬯᬦ᭄ᬤᬾᬯᬰᬵᬫ᭄ᬮᬄᬫᬮᬬᬃ᭟ᬲᬫ᭄ᬧᬸᬦ᭄ᬲᬫᬶᬳᬸᬲ᭄ᬲᬦ᭄ᬫᬳ᭄ᬬᬲ᭄ᬫᬩ᭄ᬭᬶᬬᬸᬓ᭄ᬭᬭᬶᬲ᭄ᬫᬫᬃᬕ᭄ᬕᬶ
ᬳᬶᬤᬾᬯᬕᬸᬂᬳᬚᬶᬓᭀᬤᬮ᭄ᬭᬶᬂᬩᬮᬾᬫᬦ᭄ᬤᬧᬵᬫ᭄ᬮᬶᬗ᭄ᬕᬶᬄᬢᬗ᭄ᬓᬶᬮᬦ᭄ᬢᭂᬩᭂᬂᬢᬶᬢᬶᬩ᭄ᬳᬶᬤᬾᬯᬕᬸᬂᬧᬸᬢ᭄ᬭᬭᬳᬸᬄᬫ᭄ᬧᭂᬲ᭄ᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄ᬫᬳᬶᬗ᭄ᬮᬳᬸᬢ᭄ᬫ᭄ᬦᬾᬓᬦ᭄ᬳᬚᬓ᭄ᬫᬓ᭄ᬚᬂ᭟ᬲᬫᬶᬲᬫ᭄ᬧᬸᬦ᭄ᬦᬸᬦᬲ᭄ᬮᬸᬕ᭄ᬭᬫᬸᬗ᭄ᬕ
ᬳᬦ᭄ᬳᬢᬧ᭄ᬫᬮᬶᬗ᭄ᬕᬶᬄᬧᬶᬗᬚᭂᬂᬳᬶᬤ᭄ᬯᬕᬸᬂᬧᬸᬢ᭄ᬭᬲᬭᬭᬲ᭄ᬗ᭄ᬭᬶᬫᬗᬶᬂᬳᬢᬶᬢᬸᬳᬸᬳ᭄ᬬᬂᬲ᭄ᬫᬭᬫᬸᬃᬢ᭄ᬢᬶᬓ᭄ᬜᭂᬫ᭄ᬩᬸᬓᬵᬫᬫ᭄ᬩᬄᬫᬤᬸᬜᬭᬾᬭᬾᬮᬸᬢ᭄ᬗᬦ᭄ᬤᬶᬓᬵᬩᬶᬄᬳᬢᬸᬭᬂᬳᭂᬦ᭄ᬢᭀᬕ᭄ᬮᬶᬲ᭄ᬳᬶᬤᬩᬕᬸᬲ᭄ᬳᭀᬓᬵᬕ᭄ᬮᬶᬲ᭄ᬫᬗᬢᬸᬭᬂ᭟ᬳᬶᬤ᭄ᬯᬕᬸᬂᬳᬚᬶᬗ
ᬦ᭄ᬤᬶᬓᬵᬮᬳᬸᬢᬂᬕᬕᬳᬶᬦ᭄ᬘᬳᬶᬤᬩᬕᬸᬲ᭄ᬳᭀᬓᬵᬗ᭄ᬮᬸᬕᬲᬸᬭᬢ᭄ᬳᬸᬲ᭄ᬓᬢᬸᬃᬳᬶᬤ᭄ᬯᬕᬸᬂᬳᬚᬶᬫᬫᬳᭀᬲ᭄ᬚ᭄ᬭᭀᬦᬶᬂᬋᬤ᭄ᬤᬶᬧᬸᬧᬸᬢ᭄ᬓᬧᬶᬤᬃᬢ᭄ᬣᬲᬫ᭄ᬧᬸᬦ᭄ᬫᬤᭂᬓᭂᬲᬦ᭄ᬗᬦ᭄ᬤᬶᬓᬵᬓᬾᬦ᭄ᬓᬾᬦ᭄ᬚᬩᬦ᭄ᬳᬶᬭᬵᬚᬦᬶᬭᬾᬳᬶᬂᬢᬓᬸᬢ᭄
Kaca:Bali-lontar-gaguritan-cokoratu-02-250ppi.pdf/86
Kaca puniki sampun kauji-wacén
