[᭖ 6B]
᭖
ᬬᬫᬕᬸᬬᬂ᭞ᬳᬤᬫᬩᬸᬤ᭄ᬥᬶᬫᬦᬸᬢᬸᬕ᭄᭞ᬳᬤᬳᬲ᭄ᬥᬶᬄᬦᬶᬕ᭄ᬢᬶᬕ᭄ᬢᬗ᭄ᬓᬄ᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬳᬶᬯᬶᬭᬦᬵᬣᬓᬧᬸᬭ᭟᭔᭕᭟ᬗᬦ᭄ᬤᬶᬓᬫᬢᬸᬃᬧ᭄ᬭᬓᬰ᭞ᬭᬶᬂᬲᬂᬧ᭄ᬭᬪᬸᬧ᭄ᬭᬫᬾᬰ᭄ᬯᬭᬷ᭞ᬳᬾᬮᬶᬗᬂᬭᬢᬸᬳᬾᬮᬶᬗᬂ᭞ᬳᬢᬸᬃ
ᬢᬶᬢ᭄ᬬᬗᬾᬦᬾᬤᬸᬫᬸᬦ᭄᭞ᬳᬶᬘᬦ᭄ᬤ᭄ᬭᬯᬢᬶᬓᬮᬶᬦ᭄ᬢᬂ᭞ᬤᭀᬱᬧᬢᬶ᭞ᬧᬸᬦᬧᬶᬫᬮᬶᬄᬲ᭄ᬥᬶᬳᬂ᭟᭔᭖᭟ᬬᬾᬦ᭄ᬳᬶᬭᬢᬸᬓᬭᬶᬲ᭄ᬯᬾᬘ᭄ᬙᬵ᭞ᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬫᬢᬶᬗ᭄ᬕᬮ᭄ᬭᬶᬂᬤᬍᬫ᭄ᬧᬸᬭ᭞ᬫ᭄ᬦᭂᬂᬳᬶᬤᬲᬂᬧ᭄ᬭ
ᬪᬸ᭞ᬭᬭᬶᬲ᭄ᬩᬸᬤᬮ᭄ᬓᬧᬫᬺᬫᬦ᭄᭞ᬗᬶᬦᭂᬩ᭄ᬓᭀᬭᬶ᭞ᬲᬋᬂᬓᬮᬶᬄᬓᬧᬫᬺᬫᬦ᭄᭟᭔᭗᭟ᬢᭀᬂᬳᬤᬩᬦᬶᬫᬧ᭄ᬢᬵ᭞ᬫᬗᬸᬘᬧ᭄ᬬᬾᬄᬫᬢᬗ᭄ᬮᬶᬂ᭞ᬲᬭ᭄ᬯᬂᬢᭀᬂᬤᬤᬶᬳᭂᬗ᭄ᬲᬧ᭄᭞ᬳᬤᬗᬸᬦ᭄ᬢᬸᬓ᭄ᬫᬳᭂᬧ᭄ᬢᬸᬳᬸᬦ᭄᭞
ᬳᬤᬢᭀᬫᬦᬸᬮᬶᬲ᭄ᬢᬦᬄ᭞ᬓᬵᬗ᭄ᬕᬾᬦ᭄ᬢᬗ᭄ᬓᬶᬲ᭄᭞ᬳᬤᬲ᭄ᬥᬶᬄᬫᬤ᭄ᬓᭂᬲᬦ᭄᭟᭔᭘᭟ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬰᬹᬦ᭄ᬬᬲ᭄ᬧᬶᬫᬓᬧᬸᬭᬶ᭞ᬳᬤᬲ᭄ᬥᬶᬄᬤᬶᬧ᭄ᬤᭂᬫᬦ᭄᭞ᬢᬦ᭄ᬓᬯᬃᬡ᭄ᬦᬦᬾᬭᬶᬂᬤᬸᬮᬸ᭞ᬳᬶᬘᬦ᭄ᬤ᭄ᬭᬯᬢᬶ
[᭗ 7A]
᭗
ᬓᭀᬘᬧᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬫᬫᬃᬕ᭄ᬕ᭟᭔᭙᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬳᬦᬓᬾᬮ᭄ᬬᬸᬫᬩᬮᬶᬄ᭞ᬳᬤᬲ᭄ᬥᬶᬄᬫᬗᬢᭀᬦᬂ᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬳᬬᬸ᭞ᬓᬤᬶᬩᬸᬮᬦᬾᬧᬹᬃᬡ᭄ᬦᬫ᭞ᬫ
ᬗᬾᬤᬦᬶᬦ᭄᭞ᬧᬦ᭄ᬢᭂᬲ᭄ᬫᬓᬲᬭᬶᬦ᭄ᬚᬕᬢ᭄᭟᭕᭐᭟ᬮᬸᬄᬫ᭄ᬯᬦᬶᬧᬥᬢ᭄ᬓᬵ᭞ᬫᬩᬮᬶᬄᬮᬦ᭄ᬢᬲ᭄ᬫᬗᬶᬭᬶᬂ᭞ᬢᬦ᭄ᬓᭀᬘᬧ᭄ᬳᬶᬤᬭᬶᬂᬚᬮᬦ᭄᭞ᬭᬶᬂᬳᬮᬲ᭄ᬯᬬᬄᬯᬸᬲ᭄ᬭᬯᬸᬄ᭞ᬳᬶᬘᬦ᭄ᬤ᭄ᬭᬯᬢᬶᬳᬗᬸᬘᬧ᭄᭞ᬩᬧᬧᬢᬶᬄ᭞ᬮᬄ
ᬫᬸᬮᬶᬄᬲᬶᬭᬮᬸᬫᬫ᭄ᬧᬄ᭟᭕᭑᭟ᬳᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬤᬾᬯᬫᬡᬶᬓ᭄᭞ᬫᬧᬫᬶᬢ᭄ᬢᬶᬢ᭄ᬬᬂᬫᬢᬸᬮᬓ᭄᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬫᬶᬯᬄᬧᬜ᭄ᬚᬓᬾᬫᬓ᭄ᬚᬂ᭞ᬢᬶᬢ᭄ᬬᬂᬧᬫᬶᬢ᭄᭞ᬫᬸᬮᬶᬄᬢᬸ
ᬮᬓ᭄ᬓᬦᬕᬭ᭟᭕᭒᭟ᬢᬸᬃᬢᬶᬢ᭄ᬬᬂᬫᬦᬸᬦᬲ᭄ᬳᬶᬘ᭄ᬙᬵ᭞ᬗᬯᬸᬮᬢᬶᬢ᭄ᬬᬂᬳᬶᬭᬶᬓᬶ᭞ᬫᬦᬢᬓᬶᬦ᭄ᬲᬸᬓᬤᬸᬄᬓ᭞ᬤ᭄ᬬᬲ᭄ᬢᬸᬧᬘᬂᬢᬶᬢ᭄ᬬᬂᬧᬸᬧᬸᬢ᭄᭞ᬳᬶᬘᬦ᭄ᬤ᭄ᬭᬯᬢᬶᬳᬗᬸᬘᬧ᭄᭞ᬫᬶᬢᬸᬢᬸᬭᬶᬦ᭄᭞ᬲᬓᬶᬗᬭᬶᬲ᭄ᬫᬦᬸᬮ
