[᭗ 7B]
᭗
ᬓᬂ᭟᭕᭓᭟ᬦᬾᬳᬤᬓᭀᬚᬭᬦ᭄ᬰᬵᬲ᭄ᬢ᭄ᬭ᭞ᬲᬂᬭᬵᬫᬤᬾᬯᬦᬾᬗᬹᬦᬶ᭞ᬓᬓᬸᬢᬂᬳᬶᬤᬭᬶᬗᬮᬲ᭄᭞ᬳᬭᬶᬦᬾᬲᬂᬩ᭄ᬭᬢᬢᬸᬫᬹᬢ᭄᭞ᬳᬲᬶᬄᬳᬶᬤᬢᬦ᭄ᬫᬢᬸᬮᬓ᭄᭞ᬓᬾᬢᭀᬧᬢᬶᬄ᭞ᬢᬸᬢᬸᬃᬦᬶᬭᬦᬾᬳᬶᬗᭂᬢᬂ᭟
᭕᭔᭟ᬕᬸᬲ᭄ᬢᬶᬧᬢᬶᬄᬲᬸᬓᬫ᭄ᬬᬃᬱ᭞ᬫᬶᬯᬄᬓᬯᬸᬮᬦᬾᬲᬫᬶ᭞ᬳᬦᬸᬮᬶᬫᬧᬫᬶᬢ᭄ᬩᬸᬤᬮ᭄᭞ᬧᬫᬃᬕ᭄ᬕᬶᬦᬾᬗᬦ᭄ᬢᬸᬦᬦ᭄ᬢᬸᬦ᭄᭞ᬫᬦ᭄ᬤᭂᬕ᭄ᬲᬩᬶᬮᬂᬳᬢᬶᬦ᭄ᬤᬓ᭄᭞ᬲᬃᬯ᭄ᬯᬶᬦᭀᬮᬶᬄ᭞ᬫᬲᬶᬄᬲ᭄ᬥᬶᬄᬬᬫᬢᬶᬗ᭄ᬳᬮ᭄᭟᭕᭕᭟ᬳᬶ
ᬘᬦ᭄ᬤ᭄ᬭᬯᬢᬶᬓᭀᬘᬧᬦ᭄᭞ᬭᬶᬗᬮᬲ᭄ᬳᬶᬤᬓᬲ᭄ᬬᬲᬶᬄ᭞ᬓᬮᬶᬄᬯ᭄ᬯᬂᬚ᭄ᬭᭀᬲᬦᬸᬗ᭄ᬕᬮ᭄᭞ᬩᬚᬂᬘ᭄ᬦᬶᬓ᭄ᬮᬶᬲ᭄ᬢᬸᬳᬬᬸ᭞ᬯᬃᬡ᭄ᬦᬦᬾᬮ᭄ᬯᬶᬃᬢᬶᬮᭀᬢ᭄ᬢᬫ᭞ᬫᬗᬾᬤᬦᬶᬦ᭄᭞ᬫᬳᬭᬦ᭄ᬳᬶᬧ᭄ᬭᬵᬡᬘᬶᬢ᭄ᬢ᭟᭕᭖᭟ᬲᬋᬂᬓᬮᬶᬄ
ᬳᬶᬤᬭᬶᬗᬮᬲ᭄᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬓᬾᬦᬾᬲᬚᬤᬤᬶᬚᬦ᭄ᬫ᭞ᬲᬗ᭄ᬰᬭᬢᬶᬢ᭄ᬬᬂᬦᬸᬳᬶᬥᬸᬧ᭄᭞ᬬᬦ᭄ᬧᬥᬾᬯᬾᬦ᭄ᬢᭂᬦ᭄ᬳ᭄ᬬᬂᬲ᭄ᬯᬾᬘ᭄ᬙᬵ᭞ᬧᬶᬲᬦ᭄ᬳᬫ᭄ᬩᬶᬮ᭄᭞ᬳᬸᬭᬶᬧ᭄ᬢᬶᬢ᭄ᬬᬗᬾᬕ᭄ᬮᬶᬲᬂ᭟᭕᭗᭟ᬧᬘᬂᬧᬸᬦᬧᬶᬓ
[᭘ 8A]
᭘
ᬭᬶᬬᬂ᭞ᬲᬳᬶᬲᬳᬶᬓᬤᬶᬓᬥᬲᬶᬄ᭞ᬫᬗᭂᬦ᭄ᬢᬓᭂᬦ᭄ᬢᬓ᭄ᬭᬶᬗᬮᬲ᭄᭞ᬭᬳᬶᬦᬯ᭄ᬗᬶᬢᬦᬢᬸᬭᬸ᭞ᬫᬕᬍᬂᬕᬍᬂᬬᬾᬄᬫᬢ᭞ᬲᬸᬓᬫᬢᬶ᭞ᬫᬳ᭄ᬬᬸᬦ᭄ᬳᬶᬤᬦᬸᬯᭂᬓ᭄ᬭᬕ᭟᭕᭘᭟ᬳᬤᬸᬄᬜᬳᬶᬧ᭄ᬭᬡᬘᬶᬢ᭄ᬢ᭞ᬦᬶᬭᬫᬢᬶᬗ᭄ᬕ
ᬮ᭄ᬦᬾᬚᬦᬶ᭞ᬫᬗᬮᬳᬶᬦ᭄ᬜᬳᬶᬧ᭄ᬚᬄ᭞ᬳ᭄ᬤᬜᬳᬶᬲ᭄ᬥᬶᬄᬲᬸᬗ᭄ᬲᬸᬢ᭄᭞ᬬᬾᬦᬶᬭᬲᬸᬩᬧᬭᬢ᭄ᬭ᭞ᬤᬶᬢᬸᬜᬳᬶ᭞ᬭᬸᬭᬸᬩᬶᬦ᭄ᬩᬵᬦ᭄ᬲᬸᬢ᭄ᬭᬧ᭄ᬝᬓ᭄᭟᭕᭙᭟ᬓ᭄ᬫᬜᬳᬶᬮᬦ᭄ᬢᬲ᭄ᬫᬢᬸᬮᬓ᭄᭞ᬓᬮᬳᬶᬦ᭄ᬫᬦᬶᬭᬫᬸᬮᬶᬄ᭞ᬗ
ᬮᬦ᭄ᬢᬲ᭄ᬜᬳᬶᬓᬚ᭄ᬭᭀ᭞ᬫᬵᬢᬸᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬢᬶᬗ᭄ᬓᬳᬶᬭᬦᬾᬭᬶᬗᬮᬲ᭄᭞ᬳᬧᬂᬳᬸᬦᬶᬂ᭞ᬳᬶᬤᬭᬶᬂᬭᬵᬕᬘᬸᬦ᭄ᬢᬓ᭟᭖᭐᭟ᬫᬢᬸᬃᬳᬶᬧ᭄ᬭᬡᬘᬶᬢ᭄ᬢ᭞ᬤᬸᬄᬤᬾᬯᬲᬂᬮ᭄ᬯᬶᬃᬭᬢᬶᬄ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬫ
ᬢᬶᬗ᭄ᬕᬮ᭄ᬫᬮᬶᬄᬫᬯᬦ᭄ᬢᬸᬦ᭄᭞ᬬᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬧ᭄ᬚᬄ᭞ᬫᬗ᭄ᬤᬾᬤ᭄ᬭᬶᬓᬶ᭞ᬲᬶᬦᬋᬗᬦ᭄ᬚ᭄ᬮᬾᬫ᭄ᬮᬄ᭟᭖᭑᭟ᬯ᭄ᬬᬤᬶᬦ᭄ᬢᬶᬢ᭄ᬬᬂᬧᬘᬂᬢᬸᬮᬓ᭄᭞ᬤᬶᬓᬧᬦ᭄ᬳᬫᬗ᭄ᬕᬶᬄᬩ᭄ᬘᬶᬓ᭄᭞ᬮᬫᬸᬦ᭄ᬫᬢᬢᬓᬦ᭄ᬓᬯᭀᬦ᭄᭞ᬳ᭄ᬜᬾᬦ᭄ᬳᬦᬓᬾᬦᬾ
