[᭕᭕ 55B]
᭕᭕
ᬍᬯᬶᬄ᭞ᬢᬚᭂᬧ᭄ᬓᬩᬶᬦᬵᬯ᭞ᬓᬵᬮᬕᬚᬾᬦ᭄ᬤᬺᬫᬵᬓᬵ᭞ᬓᬸᬭᬂᬧ᭄ᬭᬬᬢ᭄ᬦᬭᬶᬂᬚᬸᬭᬶᬢ᭄᭞ᬓᭀᬦ᭄ᬢᬮ᭄ᬢᭂᬦ᭄ᬤᬲ᭄ᬦ᭄ᬬ᭄᭞ᬳᬦᬶᬪᬫᬭᬶᬂᬰᬶᬣᬶ᭟ᬕᭂᬢᬶᬄᬜᬦᬾᬳᬡᬫ᭄ᬩᬸᬃᬳᬭᬯᬾᬬ
ᬦ᭄᭞ᬓᬯᬦ᭄ᬤᬦ᭄ᬜᬦᬾᬓᬭᬶ᭞ᬫᬗᬗ᭄ᬕᬃᬓ᭄ᬓᬮᬾᬯᬂ᭞ᬫᬗᬥᭂᬕ᭄ᬋᬂᬕᬦᬶᬂᬭᬣ᭞ᬤᬾᬢ᭄ᬬᬫᭀᬳᬓᬵᬮᬭᬸᬦ᭄ᬢᬶᬓ᭄᭞ᬦ᭄ᬤᬭᬸᬂᬕᬚᬾᬦ᭄ᬤᬺ᭞ᬧᬦᬳᬾᬫᬓᬤᬶᬳᬗᬶᬦ᭄᭟
ᬤᬤ᭄ᬬᬜᬲᬮᬶᬂᬤᬭᬸᬫ᭄ᬧᬓᬂᬕᬚᬄ᭞ᬭᬶᬂᬲᬂᬭᬶᬭᬣᬦ᭄ᬭᬧᬢᬶ᭞ᬲᬳᬲᬫᬦᬸᬚᬄ᭞ᬤᬤᬶᬩᬗᬬᬂᬪᬝᬵᬭ᭞ᬓᬳᬸᬤᬸᬳᬶᬂᬰ᭄ᬭᬣᬶᬫᬢᬶ᭞ᬳᬶᬤᬲ᭄ᬦᬕ᭄ᬦᬵᬣ᭞ᬭᬭᬶᬳᬦᬵ
ᬫ᭄ᬩᬸᬢ᭄ᬕᬵᬥᬯ᭄ᬱᬶ᭟ᬲᬶᬮᬶᬄᬕᬥᬧᬥᬧᬸᬭᬸᬱᬭᬶᬂᬭᬡ᭞ᬧ᭄ᬭᬧ᭄ᬢᬲᬶᬭᬓ᭄ᬭ᭄ᬬᬦᬧᬢᬶᬄ᭞ᬢ᭄ᬓᬫᬗᭂᬫ᭄ᬩᬸᬮ᭄ᬮᬦ᭞ᬭᬶᬂᬲᬂᬳᬫ᭄ᬯᬄᬳᬕ᭄ᬦᬶᬧ᭄ᬚᬄ᭞ᬫᬱ᭄ᬢᬓᬩᭂᬜ᭄ᬘᬃᬓᭂᬮᬦ᭄ᬢᬶᬕ᭄᭞ᬤᬶᬦᬦ᭄ᬤᬾᬂ
[᭕᭖ 56A]
ᬕᬥᬵ᭞ᬤᬾᬦᬶᬭᬭᬓ᭄ᬭ᭄ᬬᬦᬧᬢᬶᬄ᭟ᬲᬸᬃᬬ᭄ᬬᬓ᭄ᬳᬸᬫᬸᬂᬫ᭄ᬓᭂᬳᬤᬶᬕᭂᬦ᭄ᬢᭂᬭᬶᬂᬲ᭄ᬕᬭ᭞ᬲᬂᬧᬜ᭄ᬘᬚᬡᬫᬧᬸᬮᬶᬄ᭞ᬕᬚᬄᬤᬳᬢ᭄ᬕᬵᬮᬓ᭄᭞ᬧᬦᬳᬾᬫᭂᬓᬤᬶᬳᬸᬚᬦ᭄᭞ᬪᬵ
ᬮᬓ᭄ᬭᬱ᭄ᬡᬳᬓ᭄ᬯᬾᬄᬫᬢᬶ᭞ᬰ᭄ᬭᬷᬳᬮᬬᬸᬤ᭄ᬥ᭞ᬫᬫᭂᬦ᭄ᬤᬓ᭄ᬧᬭᬫᬗ᭄ᬓᬶᬦ᭄᭟ᬗᬬᬢ᭄ᬧᬦᬄᬧᬥᬓᬩᬶᬦᬵᬯᬭᬸᬧᬵ᭞ᬲᬂᬧᬜ᭄ᬘᬚᬦ᭄ᬬᬭᬸᬦ᭄ᬢᬶᬓ᭄᭞ᬓᬶᬢᬪᬵᬮᬤᬾᬯ
᭞ᬦᬾᬚᬦᬶᬕᬦ᭄ᬢᬶᬦ᭄ᬫᬸᬫᬢ᭄ᬬ᭞ᬮᬦ᭄ᬢᬲ᭄ᬳᬶᬧᬸᬦ᭄ᬫᬵᬦᬸᬤᬶᬂ᭞ᬓᬾᬢᭀᬲᬸᬫ᭄ᬩᬸᬂᬦ᭄ᬬ᭞ᬫᬯᬗ᭄ᬲᬸᬮ᭄ᬳᬶᬧᬸᬦ᭄ᬳᬕ᭄ᬮᬶᬲ᭄᭟ᬤᬤᬶᬫᬶᬚᬶᬮ᭄ᬢᭀᬫᬭᬳᬩᬺᬥᬸᬫᬶᬮᬄ᭞ᬲᬓᬶᬂᬮᬶᬤᬄᬜ
ᬦᬾᬫᬶᬚᬶᬮ᭄᭞ᬦ᭄ᬤᭂᬲᭂᬓᬂᬫᬦᬸᬚᬄ᭟ᬳᬶᬤᬲᬂᬪᬵᬮᬤᬾᬯ᭞ᬳᬸᬮᬸᬓᬸᬓ᭄ᬓᬳᬗ᭄ᬕᭀᬦ᭄ᬢᬗ᭄ᬓᬶᬲ᭄᭞ᬤᬤᬶᬜᬫᬓᬺᬧ᭄᭞ᬫᬸᬓ᭄ᬢᬵᬕᭂᬮ᭄ᬢᭀᬫᬭᬰᬓ᭄ᬢᬶ᭟ᬲᬸᬩᬓᬵᬮᬄᬲᬶ
Kaca:Bali-lontar-gaguritan-boma-300ppi.pdf/56
Kaca puniki sampun kauji-wacén
