[᭕᭖ 56B]
᭕᭖
ᬓᬧᬾᬳᬶᬧᬜ᭄ᬘᬚᬦ᭄ᬬ᭞ᬫᬗ᭄ᬭᬲᬚᬦᬶᬫᬢᬶ᭞ᬲᬜ᭄ᬚᬢ᭄ᬣᬉᬢ᭄ᬢᬫ᭞ᬳᬰᭀᬭᬭᬡᬗ᭄ᬕᬡ᭞ᬫᬸᬭᬾᬂᬗᬂᬧᬓ᭄ᬱᬫᬗ᭄ᬓᬶᬦ᭄᭞ᬲᬂᬳᬮᬥᬭ᭞ᬫᬦᬄᬍᬳᬸᬮᬶᬤᬸᬭᬶ᭟
ᬢ᭄ᬓᬗᬗ᭄ᬕᬾᬢ᭄ᬩᬯᭀᬂᬜᬦᬾᬩᬦ᭄ᬢᬗ᭄ᬕᬮ᭄᭞ᬓᭀᬦ᭄ᬢᬮ᭄ᬦ᭄ᬬᬫᬭᬶᬂᬓ᭄ᬱᬶᬣᬶ᭞ᬧᬋᬓᬦ᭄ᬬᬲᬶᬗ᭄ᬲᬮ᭄᭞ᬭᬄᬦ᭄ᬬᬫᬓᬸᬭᬯᬶᬬᬦ᭄᭞ᬓᬯᬦ᭄ᬤᬦ᭄ᬜᬦᬾᬫᬜᬕᬶᬃ᭞ᬳᬧ᭄ᬝᬦ᭄ᬬᬭᬾᬗ᭄ᬕᬄ
᭞ᬫᬜᬕᬾᬕᬕ᭄ᬦᬶᬩᬾᬂᬓ᭄ᬱᬶᬣᬶ᭟ᬯᬸᬲ᭄ᬓᬵᬯᭂᬦᬗ᭄ᬳᬶᬂᬧᬢᬶᬄᬧᬜ᭄ᬘᬚᬡ᭞ᬳᬬ᭄ᬯᬳᬕ᭄ᬭᬶᬯᬲ᭄ᬫᬸᬭᬸᬦ᭄ᬢᬶᬓ᭄᭞ᬫᬧᬸᬮᬶᬄᬗᭂᬮᬶᬲᬂ᭞ᬢᬸᬫᬦ᭄ᬤᬂᬲᬳᬭᬣ᭞ᬓ᭄ᬭᭀᬥᬫᬦᬄᬫᬗᬸᬚ
ᬦᬶᬦ᭄᭞ᬲᬂᬦᬵᬣᬰᬮ᭄ᬬ᭞ᬫᭂᬫᬧᬕ᭄ᬢᬦ᭄ᬕᬶᬕᬶᬲᬦ᭄᭟ᬲᬶᬮᬶᬄᬧᬦᬄᬫᬧᬦ᭄ᬧᬥᬯᬶᬭᬾᬂᬧ᭄ᬭᬂ᭞ᬧᬥᬯᬶᬤᬕ᭄ᬥᬓᬮᬶᬄ᭞ᬧ᭄ᬭᬪᬸᬫᬤᬺᬭᬵᬚ᭞ᬲᬳᬲᬫᬫᭂᬦ᭄ᬢᬂᬧᬦᬄ᭞ᬩ᭄ᬭᬵᬳ᭄ᬫᬳ
[᭕᭗ 57A]
ᬱ᭄ᬝ᭄ᬭᬤᬳᬢ᭄ᬧᬶᬗᬶᬢ᭄᭞ᬫᬸᬭᬸᬩ᭄ᬚᬂᬕᭂᬦ᭄ᬬ᭞ᬭᬶᬂᬕ᭄ᬮᬶᬲ᭄ᬓᬮᬾᬩᬂᬫᬗ᭄ᬓᬶᬦ᭄᭟ᬤᬤᬶᬲᬤ᭄ᬬᬦᬵᬗ᭄ᬳᬶᬂᬫᬍᬬᬂᬭᬣ᭞ᬥᭂᬓ᭄ᬥᭂᬓ᭄ᬭᬶᬫ᭄ᬧᬸᬂᬲᬦᬾᬫᬗ᭄ᬓᬶᬦ᭄᭞ᬭᬯᬶᬂᬓᬸᬤᬦᬾᬧ᭄ᬚᬄ᭞ᬧ᭠
ᬢᬶᬄᬳᬬᬕᬭᬶᬯ᭞ᬫᬓᭂᬩᬸᬃᬫ᭄ᬫᬵ ᬗᬸᬗ᭄ᬲᬶᬮᬗᬶᬢ᭄᭞ᬲ᭄ᬯᬭᬦ᭄ᬬᬮ᭄ᬯᬶᬃᬕ᭄ᬮᬧ᭄᭞ᬫᬗᬸᬦ᭄ᬤᬪᬚᬺᬱ᭄ᬳᬓ᭄ᬢᬶ᭟ᬭᬭᬶᬲ᭄ᬫᬵᬗ᭄ᬭᬓ᭄ᬫᬵᬦᬸᬦ᭄ᬤᬾᬦᬂᬫᬗ᭄ᬤᬾᬢᬗᬃ᭞ᬧ᭄ᬢᭂᬂᬦᭀᬭᬓᬧᬶᬦᬓ᭄ᬱᬶ
ᬫᬗᬦ᭄ᬤᭂᬮᬶᬂᬫᬾᬕ᭞ᬳᬶᬤᬲᬂᬰᬮ᭄ᬬᬧ᭄ᬭᬢᬬ᭄ᬦᬵ ᭞ᬤᬶᬭᬣᬗᬥᭂᬕᬾᬂᬧ᭄ᬤᬣᬶ᭞ᬗᬸᬦ᭄ᬤᬂᬢᭀᬫᬭ᭞ᬮᬶᬫᬦ᭄ᬜᬦᬾᬓᭂᬧᬢᬶᬢᬶᬲ᭄᭟ᬤᬤᬶᬳᭂᬫ᭄ᬧᬮ᭄ᬮᬶᬫᬦ᭄ᬜᬦᬾᬭᬶᬂᬓᭂᬦ
ᬯᬦ᭄᭞ᬢ᭄ᬓᬭᭀᬤᬺᬓᭂᬦᬵᬫ᭄ᬧᭂᬓᬶᬦ᭄᭞ᬦᬾᬓᬶᬯᬗᬸᬦ᭄ᬤᭂᬕᬥᬵ᭞ᬭᬭᬶᬲ᭄ᬫᬵᬗ᭄ᬭᬓ᭄ᬲ᭄ᬯᬭᬦ᭄ᬳᬶᬓ᭞ᬲᬂᬰᬮ᭄ᬬᬫᬫᬦᬄᬫᬮᬶᬄ᭞ᬧᭂᬕᬢ᭄ᬦᬾᬓᬶᬯ᭞ᬲᬬᬦ᭄ᬚᬭᭀᬤᬺ
Kaca:Bali-lontar-gaguritan-boma-300ppi.pdf/57
Kaca puniki sampun kauji-wacén
