[᭒᭗ 27B]
᭒᭗
ᬢᬸᬗᬶᬦ᭄᭞ᬬᬦ᭄ᬳᬓᬸᬤᬂᬮᬓ᭄ᬱᬥᭂᬧᬵ᭞ᬢᭂᬕᬮ᭄ᬜᬵᬦᬾᬓᬧᭀᬦ᭄ᬤᭀᬓᬶᬦ᭄᭞ᬤᬾᬭᬲᬂᬬᬥᬸᬲᬵᬫᬶ᭞ᬫᬶᬭᬶᬩ᭄ᬤᬶᬧᬗᬶᬧ᭄ᬬᬦ᭄ᬢᬸᬳᬸ᭞ᬧᭀᬦ᭄ᬤᭀᬓᬾᬭᬶᬂᬕ᭄ᬮᬶᬲ᭄ᬧᭂᬭᬕᬢ᭄᭞
ᬳᭀᬃᬢ᭄ᬢᬵᬦᬾᬲᬮᬶᬂᬳᭀᬃᬢ᭄ᬢᬳᬶᬦ᭄᭞ᬯᬢᭂᬓ᭄ᬬᬥᬸ᭞ᬦᬾᬭᬯᬸᬄᬲᬵᬫᬶᬓᬚᬸᬢ᭟ᬲᭀᬭᭀᬄᬧᬸᬢ᭄ᬭᬶᬤᬕᬶᬂᬧᬸᬭ᭄ᬬ᭞ᬤᬳᬢ᭄ᬫᬭᬲ᭄ᬫᬵᬫᬶᬕᬶ᭞ᬤᬾᬦᬶᬂᬓᬜ᭄ᬘᬵᬦᬾᬢᬦ᭄ᬢᬸᬫᬄ
᭞ᬮᬸᬗᬧᬥᬗᭂᬦ᭄ᬤᭀᬦ᭄ᬚᬸᬭᬶᬢ᭄᭞ᬲᬶᬦᬵᬫ᭄ᬬᬦ᭄ᬧᬥᬫᬗᭂᬮᬶᬂ᭞ᬭᬯᬶᬂᬧ᭄ᬬᬵᬦᬓ᭄ᬜᬵᬦᬾᬧᬲ᭄ᬮᬕᬸᬢ᭄᭞ᬮ᭄ᬬᬦ᭄ᬫᬵᬮᬶᬄᬬᭂᬧᬥᬩᬶᬗᬃ᭞ᬮᬾᬦ᭄ᬯᬾᬦ᭄ᬢᭂᬦ᭄ᬥ᭄ᬬ᭄ᬳ᭄ᬓᬶᬢᬾᬂᬳᬢᬶ᭞ᬳᭀᬃ
ᬢ᭄ᬓᬵᬤ᭄ᬯᬢᭂᬓ᭄ᬬᬥᬸᬯᬗ᭄ᬰᬦᬾᬯᬸᬲ᭄ᬧ᭄ᬭᬧ᭄ᬢᬵ᭟ᬧᬭᬧᬸᬢ᭄ᬭᬶᬤᬕᬶᬂᬚ᭄ᬭᭀ᭞ᬦᬾᬦᬾ᭠ᬕᭂᬮᬸᬲᬵᬫᬶᬳᬚ᭄ᬭᬶᬄ᭞ᬫᬧᬦ᭄ᬳᬤᬮ᭄ᬬᬦ᭄ᬫᬵᬢᬶᬗ᭄ᬓᬄ᭞ᬫᬗᭂᬡᬄᬚᬭᬳᬚᬦᬶ᭞ᬩᬵᬦ᭄ᬲ
[᭒᭘ 28A]
ᬯᬢᭂᬓ᭄ᬧ᭄ᬭᬚᬸᬭᬶᬢ᭄᭞ᬲᬦᬾᬮᬾᬦᬦ᭄ᬯᬾᬦ᭄ᬢᭂᬦ᭄ᬳᬶᬩᬸᬓ᭄᭞ᬦᬾᬦᬾᬢᬺᬱ᭄ᬡᬢ᭄ᬓᬾᬦ᭄ᬲᭀᬫᬄ᭞ᬦᬤ᭄ᬬᬧᬶᬦ᭄ᬚᭂᬮᬾᬓᬧᬗ᭄ᬕᬶᬄ᭞ᬲᬬᬗᬗᭂᬩᬓᬮ᭄ᬤᬤᬶᬚᬚᬭᬳᬦ᭄᭟ᬭᬓ᭄ᬱ
ᬲᬗᭂᬩᬕᬶᬦ᭄ᬧᬸᬭ᭄ᬬ᭞ᬲᬦᬵᬣᬦᭀᬭᬭᬶᬂᬧᬸᬭᬶ᭞ᬪᬵᬮᬦᬾᬳᬶᬩᬸᬓ᭄ᬱᬶᬦᬵᬫ᭄ᬬᬦ᭄᭞ᬲᬦᬾᬘᭂᬮᬂᬫᬗᭂᬚᭀᬳᬶᬦ᭄᭞ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬬᭂᬲᬵᬫᬶ᭞ᬫᬗ᭄ᬭᬵᬯᭀᬲᬂ
ᬤᬕᬶᬂᬳᬶᬧᬸᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬬᭂᬫᭂᬦᬗ᭄ᬕᬮ᭄᭞ᬯᬢᭂᬓᬶᬂᬳᬶᬓᬺᬱ᭄ᬡᬫᬳᬶ᭞ᬧ᭄ᬭᬬᬗᬯᬸᬕ᭄᭞ᬚ᭄ᬭᭀᬦ᭄ᬳᬶᬤᬦᬾᬲᬂᬪᭀᬫ᭟ᬫᭂᬲᬳᬸᬢ᭄ᬧᬲ᭄ᬮᬾᬂᬢᬶᬫ᭄ᬩᬮ᭄᭞ᬲᬦᬾᬗ
ᬮᬶᬄᬤᬬᬲᬵᬫᬶ᭞ᬫᬢᭂᬩᭂᬗᬦ᭄ᬧᬥᬗ᭄ᬭᬯᭀᬲ᭄᭞ᬓᬾᬯᭂᬄᬧᬘᬂᬫᬦᬦ᭄ᬤᬶᬗᬶᬦ᭄᭞ᬲᬂᬯᬢᭂᬓ᭄ᬬᬥᬸᬯᬺᬱ᭄ᬡᬶ᭞ᬤᬾᬯᬷᬬᬚ᭄ᬜᬯᬢᬶᬳᬗ᭄ᬭᬸᬗᬸ᭞ᬲᬂᬯᬢᭂᬓ᭄ᬬᬥᬸᬦᬾ
Kaca:Bali-lontar-gaguritan-boma-300ppi.pdf/28
Kaca puniki sampun kauji-wacén
