[᭒᭘ 28B]
᭒᭘
ᬢ᭄ᬓᬵ᭞ᬮ᭄ᬬᬂᬓᬳ᭄ᬬᬸᬦ᭄ᬳᬶᬤᬲᬂᬧᬸᬢ᭄ᬭᬷ᭞ᬧ᭄ᬥᬲ᭄ᬭᬵᬯᬸᬄ᭞ᬲᬂᬦᬺᬧᬢᬶᬧᬸᬢᬺᬲᬵᬫ᭄ᬩ᭟ᬫᬕ᭄ᬮᬶᬬᬸᬭᬦ᭄ᬭᬶᬂᬚ᭄ᬭᭀᬓᬸᬢᬵ᭞ᬧᬸᬢ᭄ᬭᬷᬲᬳᬶᬲᬦᬶᬂᬧᬸᬭᬶ᭞ᬓᬾᬯᬮᬤᬾᬯᬷᬮᭀᬢᬫᬵ᭞ᬫᬗ᭄ᬭ
ᬯᭀᬲ᭄ᬲᬋᬂᬢ᭄ᬯᬦ᭄ᬤᬾᬯᬷ᭞ᬫᬗᬸᬢᬸᬲ᭄ᬧᬭᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬢᬺᬱ᭄ᬡᬦᬾᬓᬤᬸᬭᬸᬲ᭄᭞ᬳᬶᬧᬸᬱ᭄ᬧᬯᬢᬶᬳᬤᬦ᭄ᬜᬵ᭞ᬧᬸᬦᬶᬓᬓᭂᬳᬗ᭄ᬕᬾᬦ᭄ᬘᬾᬢᬶ᭞ᬤᬳᬢ᭄ᬭᬶᬭᬶᬄᬘᬾ
ᬢᬓᬭᬫᬓᬭᬸᬡ᭟ᬯᭀᬂᬲᬓᬶᬂᬓᬾᬦ᭄ᬥ᭄ᬭᬦ᭄ᬫᬸᬮᬦ᭄ᬬ᭞ᬫᬋᬓᭂᬦ᭄ᬭᬶᬂᬪᬝᬵᬭᬶ᭠ᬲᬸᬘᬶ᭞ᬲᬯᬶᬚᬶᬦᭀᬭᬦᬯᬶᬓᬦ᭄᭞ᬫᬜᬶᬮᬶᬩ᭄ᬳᬶᬧᬸᬦ᭄ᬫᬵᬫᬃᬕ᭄ᬕᬶ᭞ᬩᬶᬬᬸᬃᬡᬕᬭᬦᬾ᭠
ᬲᬵᬫᬶ᭞ᬲᬵᬫ᭄ᬧᬸᬦ᭄ᬳᬤᭀᬄᬧᬫᬃᬕ᭄ᬕᬶᬦ᭄ᬳᬶᬧᬸᬦ᭄᭞ᬢ᭄ᬯᬭᬩᬶᬲᬫᬭᬃᬬ᭄ᬬᬦ᭄᭞ᬲᬂᬭᬵᬚᬧᬸᬢᬺᬳᬶᬦᬸᬗ᭄ᬲᬶ᭞ᬤᬳᬢ᭄ᬭᬶᬭᬶᬄᬳᬶᬧᬸᬦ᭄ᬗᭂᬫᬦᬶᬦ᭄ᬲᬂᬗᬸᬚᬃ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟
[᭒᭙ 29A]
ᬕᬶᬧᬶᬄᬫᬜᬸᬫ᭄ᬩᬄᬲᬂᬲᬵᬫ᭄ᬩ᭞ᬳᬶᬗ᭄ᬕᬶᬄᬤᬾᬯᬤ᭄ᬯᬦᬶᬂᬢᬶᬢ᭄ᬬᬂᬫᬭᬶᬓᬶ᭞ᬲᬤ᭄ᬬ᭠ᬫᬫᬋᬓ᭄ᬳᬶᬭᬢᬸ᭞ᬢᬶᬢ᭄ᬬᬂᬫᭂᬗᬢᬸᬭᬂᬲᬸᬭᬢ᭄᭞ᬫᬶᬯᬄᬲ᭄ᬥᬄᬤᬸᬮᬸᬭᬦ᭄ᬳᬶᬧᬸᬦ᭄ᬤᬾ
ᬯᬵᬕᬸᬂ᭞ᬕᬦ᭄ᬢᬾᬦ᭄ᬳᬗ᭄ᬕᬾᬦᬸᬮᬓᬂ᭞ᬧᬶᬦᬸᬦᬲ᭄ᬭᬳᬤᬾᬦ᭄ᬤᬾᬯᬷ᭟ᬦᬯᬶᬯᬾᬦ᭄ᬢᭂ᭠ᬦ᭄ᬧᬓᬳ᭄ᬬᬸᬦᬦ᭄᭞ᬩᭂᬘᬶᬓ᭄ᬢᬶᬢ᭄ᬬᬂᬗᬶᬭᬶᬂᬳᬶᬭᬢᬸᬫᬗ᭄ᬓᬶᬦ᭄᭞ᬫᬦᬶᬲ᭄ᬘᬘᬶᬗᬓ᭄ᬳᬶᬭᬢᬸ
᭞ᬧᬸᬦᬶᬓᬳᬗ᭄ᬕᬾᬦ᭄ᬗᬾᬦᬓᬂ᭞ᬭᬵᬚᬚ᭄ᬯᬢ᭄ᬣᬓᬾᬢᭀᬳᬶᬥᭂᬧ᭄ᬲᬭᬷᬫᬵᬢᬹᬃ᭞ᬲᬂ᭠ᬲᬵᬫ᭄ᬩᬭᬶᬂᬕ᭄ᬮᬶᬲ᭄ᬗᬦ᭄ᬤᬶᬓ᭞ᬭᬶᬂᬘᬾᬢᬶᬦᬾᬭᬵᬤᬾᬦ᭄ᬤᬾᬯᬷ᭟ᬳᭂᬫ᭄ᬩᭀᬓ᭄ᬲᬵᬫ᭄ᬧᬸᬦ᭄ᬲᬸᬫ
ᬦ᭄ᬤᬾᬬᬵ᭞ᬳᬶᬭᬜᬤ᭄ᬬᬫᬋᬓ᭄ᬲᬂᬓᬤᬶᬭᬢᬶᬄ᭞ᬲᬵᬫ᭄ᬧᬸᬦᬂᬗᬢᬸᬭᬶᬦ᭄ᬳᬶᬩᬸᬓ᭄᭞ᬓᭂᬫᬶᬢ᭄ᬳᬶᬤᬳᬧᬗ᭄ᬫᭂᬮᬄ᭞ᬳ᭄ᬦᬾᬳᬢᬸᬭᬂᬳᬶᬭᬦᬾᬳᬸᬲᬤ᭄ᬥᬮᬸᬳᬸᬂ᭞ᬕᬦ᭄ᬢᬾᬦᬾ
Kaca:Bali-lontar-gaguritan-boma-300ppi.pdf/29
Kaca puniki sampun kauji-wacén
