[᭑᭔ 14B]
᭑᭔
ᬢᬺᬓᬧᬸᬭᬶ᭞ᬰ᭄ᬭᬷᬳᬭᬶᬫᬹᬃᬣᬶᬓᬧᬗ᭄ᬕᬶᬄ᭞ᬫᬲᬦ᭄ᬤᬶᬂᬭᬶᬂᬤᬾᬯᬳᬬᬸ᭞ᬦᬭᬾᬰ᭄ᬯᬭᬚᬵᬫ᭄ᬩᬯᬢ᭄ᬬ᭞ᬓᬳ᭄ᬬᬸᬦ᭄ᬜᬵᬮᬶᬫᬸᬭᬂᬳᬢᬶ᭞ᬤᬳᬢ᭄ᬲᬸᬗ᭄ᬲᬸᬢ᭄᭞ᬓᬳ᭄ᬬᬸᬦᬾᬭᬶᬂ
ᬳᬶᬤᬲᬂᬲᬵᬫ᭄ᬩᬵ᭟ᬲᬂᬭᬵᬚᬧᬸᬢ᭄ᬭᬧ᭄ᬭᬲ᭄ᬢᬵ᭞ᬳᬾᬦᬓ᭄ᬳᬶᬤᬫᬓᭂᬓᬮᬶᬄ᭞ᬲᬂᬦᬵᬣᬳᬮᭀᬦ᭄ᬗᬵᬦ᭄ᬤᬶᬓ᭞ᬳᬶᬄᬧᬸᬭᬸᬰᬤᬳᬢ᭄ᬘᬳᬶ᭞ᬮᬶᬂᬗᬶᬭᬲᬂᬰ᭄ᬭᬷᬳᬚᬶ᭞ᬲᬂᬲᬵᬫ᭄ᬩᬫ
ᬡᬫ᭄ᬩᬄᬤᬶᬢᬸ᭞ᬤᬾᬯᬶᬚᬵᬫ᭄ᬩᬯᬢᬶᬳᬃᬰᬵ᭞ᬲᬂᬦᬵᬣᬗᬸᬘᬧᬾᬂᬳᬢᬶ᭞ᬲᬧᬺᬢᬶ᭠ᬗ᭄ᬓᬄᬲᬂᬭᬵᬚᬧᬸᬢᬺᬓᬖ᭄ᬭᬶᬗᬦ᭄᭟ᬢᬹᬃᬫ᭄ᬫᬵᬲᬯᬂᬢᬵᬫ᭄ᬧᬓ᭄ᬦᬓᬵ᭞ᬫᭂᬭᬯᬢ᭄ᬭᬵᬯᬢ᭄ᬤᬶᬭ
ᬕᬶ᭞ᬲᬫᬃᬳᬦ᭄ᬢᬸᬓ᭄ᬓᬵᬚᬸᬭᬸᬳᬦ᭄᭞ᬲᬂᬓᬺᬱ᭄ᬡᬳᬶᬘᬫᭂᬗᬓ᭄ᬱᬶ᭞ᬓᬕᬯᭀᬓᬦ᭄ᬥᬺᬧᬢ᭄ᬣᬶ᭞ᬫᬜᬶᬗᬓ᭄ᬱᬂᬲᬵᬫ᭄ᬩᬤᬶᬢᬸ᭞ᬕ᭄ᬮᬶᬲ᭄ᬳᬶᬤᬫᭂᬗᬦ᭄ᬤᬶᬓᬵ᭞ᬢᬶᬯᬓᬂᬭᬶᬂᬲᬂᬤᬭᬸ
[᭑᭕ 15A]
ᬓᬶ᭞ᬲᬂᬤᬭᬸᬓᬶᬫᭂᬗᬢᬸᬭᬂᬢ᭄ᬯᬭᬳᬶᬯᬂ᭟ᬲᬢ᭄ᬬᬓ᭄ᬢᬶᬲᬸᬗ᭄ᬓᬦ᭄ᬓᬵᬲ᭄ᬫᬭᬦ᭄᭞ᬯᬶᬓᬦ᭄ᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬲᬯ᭄ᬬᬓ᭄ᬢᬶᬳᬶᬤᬲᬂᬲᬵᬫ᭄ᬩ᭞ᬲ᭄ᬥᭂᬓ᭄ᬫᭂᬗᬫᭀᬂᬭᬵᬚᬧᬸᬢ᭄ᬭᬶ᭞ᬳᬬᬸᬦᬾ
ᬢᬦ᭄ᬜᬵᬦ᭄ᬤᬂᬲᬦ᭄ᬥᬶᬂ᭞ᬯᬶᬤ᭄ᬬᬤᬭᬶᬮᬶᬦ᭄ᬢᬂᬳᬬᬸ᭞ᬢ᭄ᬯᬦ᭄ᬤᬾᬯᬷᬦᬶᬮᭀᬢᬫᬵ᭞ᬫᭂᬗᬚᬓ᭄ᬲᬂᬲᬵᬫ᭄ᬩᬗᬸᬦᬶ᭞ᬮᬸᬗᬜᬶᬮᬶᬩ᭄ᬧᬥᬢᬸᬗ᭄ᬕᬮ᭄ᬮᬦ᭄ᬕᬵᬭ᭟ᬜᬶᬤᬺᬭᬶᬂᬦᬶᬤ᭄ᬭᬦᬶᬂᬪᬵᬮ᭞
ᬯᬾᬦ᭄ᬢᭂᬦ᭄ᬢᬵᬫᬦ᭄ᬲᬂᬪᬕᬯᬦ᭄ᬢᬶ᭞ᬳᬶᬤᬲᬂᬫᬓᭂᬓᬮᬶᬳ᭄ᬬ᭞ᬳᬶᬭᬶᬓᬳᬤᬫ᭠ᬦᬸᬜ᭄ᬘᬶᬂ᭞ᬭᬶᬂᬳᬶᬤᬤᬲᬂᬭᬤᬾᬦ᭄ᬤᬾᬯᬶ᭞ᬧᬥᬓᬢᬺᬱ᭄ᬡᬦ᭄ᬭᬶᬂᬓᬳ᭄ᬬᬸᬦ᭄᭞ᬢ᭄ᬯᬭᬚᭂᬦᬸᬲᬸ
ᬫᬦ᭄ᬤᬾᬬᬵ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬩ᭄ᬭᬱ᭄ᬢᬩᬱ᭄ᬫᬶ᭞ᬲᭀᬭᭀᬄᬫᬸᬲᬸᬄ᭞ᬲᬂᬧᬦ᭄ᬤᬶᬣᬭᬶᬂ᭠ᬢᬧᬯᬡ᭟ᬧᬤᬡ᭄ᬥᬲᬶᬦᬫ᭄ᬬᬦ᭄ᬳᬾᬦᬓ᭄᭞ᬳᬵᬦᬓ᭄ᬳᬶᬭᬢᬸᬫᬮᬮᬶ᭞ᬤᬸᬭᬸᬂᬚᭂ
Kaca:Bali-lontar-gaguritan-boma-300ppi.pdf/15
Kaca puniki sampun kauji-wacén
