[᭑᭓ 13B]
᭑᭓
ᬲ᭄᭞ᬲᭀᬓ᭄ᬧᬸᬮᬶᬄᬫᬋᬓ᭄ᬳᬶᬤᬾᬯ᭟ᬓᬾᬢᭀᬲᬂᬓᬺᬱ᭄ᬡᬵᬢ᭄ᬫᬚᬵ᭞ᬯᬶᬘᬓ᭄ᬱᬡᬗᬰᬶᬳᬰᬶᬄ᭞ᬓᬤᬶᬫᬥᬸᬕᬸᬮᬤ᭄ᬭᬯᬵ᭞ᬳᬪᬕᬸᬲᬺᬂᬕᬭᬶᬪᬸᬫᬶ᭞ᬳᬶᬤᬲᬂ
ᬭᬵᬚᬧᬸᬢ᭄ᬭᬶ᭞ᬫᭂᬦ᭄ᬥᭂᬧ᭄ᬫᬵᬗᬸᬦ᭄ᬢᬸᬓ᭄ᬢᬹᬃᬋᬗᬸ᭞ᬓᬾᬯᬮᬜᭀᬮᭀᬃᬩᬵᬦ᭄ᬧ᭠ᬮ᭄ᬬᬢ᭄᭞ᬜᬭᬾᬭᬾᬲᬂᬲᬵᬫ᭄ᬩᬫᬗ᭄ᬓᬶᬦ᭄᭞ᬦᬶᬮᭀᬢᬫᬧ᭄ᬭᬚ᭄ᬜᬦ᭄ᬤᬦᬾᬫᭂᬗᬦ᭄ᬤᬶᬓ
᭟ᬥᬸᬄᬫᬵᬲ᭄ᬢᬶᬢ᭄ᬬᬗᬾᬳᬶᬤᬾᬯ᭞ᬲᬵᬫ᭄ᬧᬸᬦ᭄ᬲᬸᬫᬦᬂᬲᬬᬫᬮᬶᬄ᭞ᬭᬸᬧᬦᬾᬲᬂᬦᬺᬧᬵᬢ᭄ᬫᬚ᭞ᬓᬤᬶᬲᬗ᭄ᬳ᭄ᬬᬂᬲ᭄ᬫᬭᬫᬹᬃᬣᬶ᭞ᬢᬦ᭄ᬜᬵᬦ᭄ᬤᬂᬯᬥᬩᬸᬯᬶᬦ᭄᭞ᬲᬗ᭄ᬳ᭄ᬬᬂᬥᬃᬫ᭄ᬫᬵ
ᬤᬾᬯᬢᬸᬳᬸ᭞ᬳᬢᬸᬭᬾᬲᬂᬦᬶᬮᭀᬢᬫᬵ᭞ᬲᬂᬲᬵᬫ᭄ᬩᬫ᭄ᬦᬵᬓᬾᬦᬶᬦ᭄ᬲᬂᬤᬾᬯᬷ᭞ᬲᬵᬫ᭄ᬩᬶᬮ᭄ᬗᬸᬘᬧ᭄ᬢᭀᬬᬦ᭄ᬳᬓ᭄ᬱᬶᬭᬵᬚᬚ᭄ᬯᬶᬢ᭄ᬣᬵ᭟ᬲᬂᬤᬾᬯᬶᬤᬤᬶᬗᬦ᭄ᬤᬶᬓᬲ
[᭑᭔ 14A]
ᬧᬲᬶᬭᬗᬸᬕᬸᬚᬦᬶ᭞ᬫᬸᬜᬶᬦ᭄ᬓ᭄ᬭᬸᬕ᭄ᬢᭀᬳᬤᬦ᭄ᬜᬵ᭞ᬲᭀᬓ᭄ᬫᬸᬜᬶᬕᭂᬤᬾᬢᭀᬂᬫᬶᬲᬶ᭞ᬬᬾᬦ᭄ᬜᬓᬧᬶᬢᬺᬱ᭄ᬡᬚᬢᬶ᭞ᬳᬯᬓᬾᬓᬸᬢᬗᭂᬫᬮᬸ᭞ᬲᬤᬸᬓᬾᬫ
ᬭᬶᬂᬰ᭄ᬯᬃᬕ᭄ᬕᬦ᭄᭞ᬓᬾᬢᭀᬲᬯᬸᬭᬾᬲᬂᬧᬸᬢ᭄ᬭᬶ᭞ᬫᬗᬸᬮᬳᬂᬦᬸᬮᬸᬤᬂᬫᬗᬯᬸᬓ᭄ᬤᬤᬵ᭟ᬲᬂᬲᬵᬫ᭄ᬩᬫᬗᬭᬲ᭄ᬳᬭᬲ᭄᭞ᬲᬳᬯᬘᬦᬦᬾᬮ᭄ᬯᬶᬃᬕ᭄ᬕᭂᬦ᭄ᬤᬶᬲ᭄᭞ᬳᬕᬸᬂ
ᬲᬶᬦᬵᬫ᭄ᬧᬸᬭᬫᬶᬭᬄ᭞ᬧᭂᬘᬓ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬢᬶᬢ᭄ᬬᬂᬦᭀᬭᬦᬳᬸᬦᬶᬂ᭞ᬤᬸᬓ᭄ᬧᬫᬃᬕ᭄ᬕᬶᬦ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬫᬦᬸᬭᬸᬦ᭄ᬭᬶᬂᬫᬤ᭄ᬬᬧᬵᬥ᭞ᬤᬤᬶᬢᬶᬢ᭄ᬬᬂᬦᬸᬢᬸᬕ᭄ᬕᬶ
ᬧᬶᬄ᭞ᬢ᭄ᬯᬭᬳᬾᬮᬶᬂᬢᬶᬢ᭄ᬬᬂᬢᬗᬶᬦᬶᬦ᭄ᬳᬶᬫᬶᬭᬄ᭟ᬢᬦᬸᬘᬧᭂᬦ᭄ᬫᬵᬭᬶᬂᬳᬮ᭠ᬲ᭄᭞ᬭᬶᬤᬾᬲᬬᭂᬫᬗᬫ᭄ᬩᬳᬶᬦ᭄᭞ᬲᬵᬫ᭄ᬧᬸᬦ᭄ᬭᬵᬯᬸᬄᬭᬶᬂᬫᬥᬸᬭᬵ᭞ᬲᬂᬭᬵᬚᬧᬸ᭠
Kaca:Bali-lontar-gaguritan-boma-300ppi.pdf/14
Kaca puniki sampun kauji-wacén
