[᭒᭓23B]
᭒᭓
ᬲᬦ᭄᭟ᬳᬦᬓ᭄ᬫᬩᬸᬜ᭄ᬘᬶᬂᬤᬤᬓᬦ᭄᭞ᬩᭂᬮᬶᬂᬚᬦᬶᬍᬓᬤ᭄ᬫᬦᬶ᭞ᬢᭀᬫᬗᬸᬤ᭄ᬬᬂᬲᬗ᭄ᬓᬦ᭄ᬓᬾᬢᭀ᭞ᬜᬾᬦ᭄ᬋᬓᬾᬩᬸᬶᬩᬓᬮ᭄ᬫᬩᬸᬜ᭄ᬘᬶᬂ᭞ᬦᬾᬓᬾᬦᬾᬋᬓᬾᬩᬶᬩᬶ᭞ᬯᬘᬦᬦᬾᬲᬓᬾᬂᬮᬸᬳᬸᬃ᭞ᬓᭀᬘᬧ᭄ᬳᬶ
ᬩᭀᬢᭀᬄᬮᬭ᭞ᬫᬩᬸᬜ᭄ᬘᬶᬂᬓᬾᬦ᭄ᬳᬶᬮᬸᬗᬲᬶᬄ᭞ᬲᬗ᭄ᬓᬦ᭄ᬤᬸᬬᬸᬢ᭄᭞ᬧ᭄ᬭᬓᬸᬮᬶᬢ᭄ᬲᬫᬶᬗᬶᬩᬸᬓᬂ᭟ᬢᭀᬳᬾᬚᬍᬫᬓᬾᬦ᭄ᬓᬾᬦᬦ᭄᭞ᬢᬶᬤᭀᬂᬲᬦ᭄ᬩᬶᬩᬶᬩᬩᬾᬓᬶ᭞ᬧᭀᬮᬳᬾᬩᬲ᭄ᬮᬶᬯᬢ᭄ᬩᭀᬘᭀᬓ᭄᭞ᬳᬶ
ᬩᭀᬢᭀᬄᬮᬭᬗᬸᬦ᭄ᬤᬮᬶ᭞ᬩᭀᬩᭀᬢᭀᬄᬫᬗᬸᬍᬲᬶᬃ᭞ᬲᬢᬢᬫᬦ᭄ᬤᬶᬬᬤᬶᬬᬸ᭞ᬚᬦᬶᬩᬕ᭄ᬬᬦᬾᬓᬢᭀᬦ᭄᭞ᬘᬶᬘᬶᬂᬕᬸᬤᬶᬕ᭄ᬗᬫᬄᬢᬳᬶ᭞ᬤᬤᬶᬫᭂᬚᬸ᭞ᬧᭂᬲᬸᬦᬲᬶᬩᬾᬓᬭᬗᬦ᭄᭟ᬳᬶᬘᬸᬭᬶᬓ᭄ᬚᬦᬶ
ᬓᭀᬘᬧᬦ᭄᭞ᬫᬓᭂᬘᭂᬓᬂᬚᬦᬶᬫᬸᬮᬶᬄ᭞ᬫᬚᬢᬶᬢᭂᬓᬾᬦ᭄ᬳᬶᬤᬤᭀᬂ᭞ᬤᬾᬦᬶᬂᬲᬸᬩᬩᬸᬓᬧᬸᬕ᭄ᬮᬶᬂ᭞ᬫᬗᬶᬫ᭄ᬧᬸᬲ᭄ᬮᬢᬲ᭄ᬜᬗ᭄ᬓ᭄ᬮᬶᬂ᭞ᬤᬤᭀᬂᬫᬦᬶᬢᬶᬢ᭄ᬬᬂᬦᬳᬸᬃ᭞ᬯᬶᬮᬲᬢᭂᬓᬾᬦ᭄ᬤᬤᭀᬂ᭞ᬳᬶᬩᭀᬢᭀᬄᬮ
[᭒᭔24A]
ᬭᬳᭀᬭᬳᬶᬦ᭄᭞ᬲᬕᬾᬢ᭄ᬭᬯᬸᬄ᭞ᬩᬗ᭄ᬓᭂᬲ᭄ᬩᬗ᭄ᬓᭂᬲ᭄ᬤᬶᬢᭂᬩᬾᬦᬦ᭄᭟ᬫᬳᬶᬢᬾᬘᬳᬶᬧᬳᭂᬓᬂ᭞ᬳᬶᬘᬸᬭᬶᬓ᭄ᬢᭂᬓᬬᬤᬶᬦᬶ᭞ᬦᬄᬦᬾᬳᬧᬚᬦᬶᬓᬾᬢᭀ᭞ᬯ᭄ᬯᬗᭀᬭᬳᬂᬢᭂᬓᬾᬦ᭄ᬘᬳᬶ᭞ᬢᬦ᭄ᬧᬶᬭᬧᬶᬭᬫᬦᬶᬄ
᭞ᬲᬸᬓᬦ᭄ᬜᬦᬾᬚᬦᬶᬢᭂᬫᬸ᭞ᬳᬶᬗᭂᬢᬂᬳᬧᬂᬫᭂᬮᬄ᭞ᬧᬳᬶᬢᬾᬫᬓᬶᬲᬶᬓᬶᬲᬶ᭞ᬮᬦ᭄ᬢᬲ᭄ᬗ᭄ᬕᭂᬮᬸᬢ᭄᭞ᬗᭀᬭᬳᬶᬦ᭄ᬫᬓᭂᬚᬂᬓᭂᬚᬂ᭞ᬳᬶᬩᭀᬢᭀᬄᬮᬭᬓᬯᭂᬗᬦ᭄᭞ᬓᬲᭀᬩ᭄ᬢᭂᬓᬾᬦ᭄ᬤᬬᬭᬶᬭᬶᬄ᭞ᬫᬦᬦᭂᬂᬫ
ᬮᭀᬗᭀᬮᭀᬗᭀ᭞ᬫᬗᭂᬦᬂᬲᬮᬳᬾᬳᭂᬦ᭄ᬢᬶ᭞ᬗᬫ᭄ᬧᬸᬓᬫ᭄ᬧᬸᬓ᭄ᬫ᭄ᬗᬸᬢ᭄ᬗᬸᬢᬶᬦ᭄᭞ᬲᬵᬫ᭄ᬧᬸᬭᬓᬳᬶᬢ᭄ᬯᬄᬮᬸᬧᬸᬢ᭄᭞ᬦᬄᬲᬸᬓᬦᬦᬶᬓᬾᬢᭀ᭞ᬳᬶᬤᭂᬧᬂᬦᬦᬶᬗᭀᬮᬲᬶᬦ᭄᭞ᬘᬶᬘᬶᬂᬩᭂᬭᬸᬂ᭞ᬫᬜᬸᬧᬢ᭄ᬳ
ᬢ᭄ᬫᬦᬭᬓ᭞ᬫᭂᬦᭂᬗᬂᬦᬦᬶᬫᭂᬦᭂᬗᬂ᭞ᬳᭀᬮᬲ᭄ᬦᬦᬶᬦᬾᬳᬧᬲᬶᬄ᭞ᬳᬫᬸᬦ᭄ᬕᬸᬦᬸᬗᬾᬤᬶᬚᭂᬫ᭄ᬩᭀᬂ᭞ᬬᬦ᭄ᬓᭀᬮᬫᬳᬸᬢᬂᬧᬶᬧᬶᬲ᭄᭞ᬓᬃᬭ᭄ᬯᬦ᭄ᬲᬢᬓ᭄ᬧᬶᬧᬶᬲ᭄᭞ᬧᬶᬧᬶᬲ᭄ᬳᬗ᭄ᬕᭀᬦ᭄ᬓᭀᬮᬦᬯᬸᬃ᭞ᬦᬾᬚ
Kaca:Bali-lontar-gaguritan-babotoh-lara-300ppi.pdf/24
Kaca puniki sampun kauji-wacén
