Kaca:Bali-lontar-gaguritan-babotoh-lara-300ppi.pdf/25

[᭒᭔24B]
᭒᭔
ᬦᬶᬩᬸᬓᬓᬾᬦᬾ᭞ᬢᬯᬸᬭᬂᬓᭀᬮᬭᬶᬂᬦᬦᬶ᭞ᬢᬸᬬᬸᬄᬗᬸᬩᬸᬄ᭞ᬓᭀᬮᬘᭂᬦᬶᬓ᭄ᬧᬮᬦ᭄ᬢᬸᬯ᭟ᬳᬾᬗ᭄ᬕᬮᬂᬢᭂᬓᬧᬗᬬᬄ᭞ᬳᬶᬘᬸᬭᬶᬓ᭄ᬜᬭᬸᬜ᭄ᬮᬶᬲᬶᬄ᭞ᬫᬦᬫ᭄ᬩᬸᬂᬮᬦ᭄ᬢᬲ᭄ᬫᬗᭀᬚᭀᬕ᭄᭞ᬚᬮᬦ᭄ᬳᬩ᭄ᬬᬦᬾᬳᬶᬢᬸ
ᬦᬶ᭞ᬓᭂᬤᬾᬓ᭄ᬮᬦ᭄ᬢᬲ᭄ᬗᬭᬶᬓ᭄ᬕᬶᬓ᭄᭞ᬦᬄᬭᬶᬭᬶᬄᬚᬳᬶᬩᬤᬶᬢᬸ᭞ᬓᬸᬤ᭄ᬬᬂᬩᬢᬦᬶᬏᬧᭀᬓ᭄᭞ᬫᬓᭀᬬᭀᬦᬦ᭄ᬮᬸᬄᬫᭀᬯᬦᬶ᭞ᬭᬾᬘᬾᬄᬢᬸᬬᬸᬄ᭞ᬭᬾᬘᬾᬄᬤᬕᬶᬂᬭᬾᬘᬾᬄᬳᬸᬢᬂ᭟ᬳᬶᬩᭀᬢᭀᬄᬮᬭᬫ
ᬓᬾᬯ᭞ᬦᬾᬤᬶᬚᬚ᭄ᬭᭀᬦᬾᬫᬮᬶᬗ᭄ᬕᬶᬄ᭞ᬦᬾᬓᬾᬦᬾᬳᬸᬫᬳᬾᬭᬾᬗ᭄ᬕᭀᬂ᭞ᬕᬮᬃᬢᭂᬧᬸᬢᬶᬓᭂᬄᬲᬶᬢ᭄ᬲᬶᬢ᭄᭞ᬲᬵᬫ᭄ᬧᬸᬭᬢᬶᬢ᭄ᬬᬂᬚᬦᬶ᭞ᬢᬶᬯᬲ᭄ᬢᬦᬶᬦᬸᬢ᭄ᬲᬶᬓᬸᬢ᭄᭞ᬦᬄᬤᭂᬧᬂᬘᬳᬶᬓᬾᬢᭀ᭞ᬚᬮᬦ᭄ᬤᬶ
ᬦᬢᬳᬾᬤᬶᬦᬶ᭞ᬮᬫᬸᬦ᭄ᬢᬸᬤᬸᬄ᭞ᬫᬕᬦ᭄ᬢᬶᬤᭀᬂᬩᬜᬲᬤ᭄ᬬ᭟ᬢᬭᬶᬓ᭄ᬱᬵᬫ᭄ᬧᬸᬦ᭄ᬧᬤᬦᭂᬕᬓ᭄᭞ᬦᬄᬦᬾᬢᬧᬓᬃᬬ᭄ᬬᬕᬢᬶ᭞ᬢᬸᬫ᭄ᬩᬾᬦ᭄ᬭᬯᬸᬄᬲᬤᬕᬾᬲᭀ᭞ᬧᬦ᭄ᬕᬸᬮᬾᬤᬕ᭄ᬫᬜᬳᬸᬭᬶᬦ᭄᭞ᬧᬦ᭄ᬧᬸ
[᭒᭕25A]
ᬬᬸᬂᬫᬫ᭄ᬩᬋᬗᬶᬦ᭄᭞ᬫᬫᬦ᭄ᬲᬓᬭᬶᬂᬓᬳᬸᬤᬸᬄ᭞ᬤᬭᬢᬸᬳᬕᬸᬂᬕᭂᬩᭀᬂ᭞ᬧ᭄ᬭᬬᬫᬳᬶᬘᬭᬶᬂᬘᬳᬶ᭞ᬦᭂᬫᬸᬚᬗ᭄ᬓᬸᬢ᭄᭞ᬩᬋᬂᬳᬚᬓ᭄ᬳᬶᬮᬸᬗᬃᬲ᭟ᬦᬵᬗ᭄ᬳᬶᬂᬢᬾᬧᬘᬂᬤᬶᬧᬸᬭᬤᬾᬦᬶᬂᬳᬶᬤᬲᬸᬩᬳᬸᬦᬶᬂ᭞ᬢᭂᬓᬦᬶᬂᬳᬸᬫ
ᬳᬾᬭᬾᬗ᭄ᬕᭀᬂ᭞ᬦᬾᬤᬶᬧᬸᬭᬤᬶᬳᬸᬩᭂᬘᬶᬓ᭄᭞ᬩᬮᬾᬧᬫᬓ᭄ᬱᬦ᭄ᬲᬸᬘᬶ᭞ᬧᬧᬚᬗᬦ᭄ᬲᬸᬩᬧᬸᬧᬸᬢ᭄᭞ᬫᬲᭂᬭᬸᬂᬲᬸᬩᬧᬕᭀᬦ᭄᭞ᬢᬢᬭᬶᬂᬓᭂᬮᬩᬂᬫᬦ᭄ᬢ᭄ᬭᬶ᭞ᬲᬓᬶᬂᬉᬤᬸᬄ᭞ᬧᬫᬓ᭄ᬱᬦ᭄ᬲᬫᬶᬗᬶᬩᬸᬓᬂ᭟ᬓᬧᬶᬢᬸ
ᬢᬗ᭄ᬕᬮ᭄ᬧᬶᬂᬤᬰ᭞ᬩᬸᬤᬫᬦᬶᬲᬾᬦᬾᬫᬦᬶ᭞ᬳᬕᭂᬦᬂᬤᬶᬢᬸᬧᬂᬧᬕᭀᬦ᭄᭞ᬗᬬᬄᬓᬃᬬ᭄ᬬᬳᬶᬲᬦ᭄ᬯᬶᬥᬶ᭞ᬦᬄᬓᬾᬢᭀᬫᬫᬦ᭄ᬫᬸᬮᬶᬄ᭞ᬤᬾᬦᬶᬂᬕᬯᬾᬦᬾᬦᬲ᭄ᬮᬶᬬᬸ᭞ᬩᬸᬤᬮ᭄ᬭᬭᬶᬲ᭄ᬓᬕᭂᬩᭀᬂ᭞ᬫᬭᬶ
ᬓ᭄ᬱᬕᬯᬾᬦᬾᬫᬦᬶ᭞ᬲᬸᬩᬫᬫ᭄ᬩᬸ᭞ᬫᬧᬾᬜ᭄ᬚᭀᬃᬧᬗᬧᬶᬢ᭄ᬮᬯᬂ᭟ᬯ᭄ᬯᬦᬧᭂᬲᬸᬫᬓᬳᬸᬓᬦ᭄᭞ᬫᬳᬶᬢᬾᬘᬳᬶᬦᬾᬤᬶᬦᬶ᭞ᬧᬲᭂᬧᭂᬮᬦ᭄ᬯᬦᬾᬢᭀᬦ᭄ᬢᭀᬦ᭄᭞ᬓᬫᭂᬦ᭄ᬳᬶᬮᬸᬲᬸᬓᬯᬺᬤ᭄ᬥᬶ᭞ᬲᬧᬸᬢ᭄ᬘᬦ᭄ᬤᬦ