[ ᭔᭘ 48B]
᭔᭘
ᬢᬶᬩ᭄᭞ᬧᬤᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬜᬤ᭄ᬬᬗᬺᬚᭂᬓ᭄ᬧᬢᬶᬄᬫᬤ᭄ᬥ᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬚᬢᬶ᭞ᬓᬦ᭄ᬤᬸᬕᬶᬜ᭄ᬯᬃᬕ᭄ᬕ᭞ᬧᬮᬸᬗ᭄ᬕᬸᬄᬰ᭄ᬭᬶᬦᬭᬧᬢᬶ᭟ᬧᬚ᭄ᬦᭂᬗᬦ᭄ᬮᬦ᭄ᬓᬸᬮ᭄ᬓᬸᬮᬾᬫᬩ᭄ᬬᬬᬸᬯᬦ᭄᭞ᬕᬸᬫᬸᬭᬸᬄᬭᬶᬂᬫᬚᬧᬳᬶ
ᬢ᭄᭞ᬧᬜ᭄ᬚᬓ᭄ᬱᬫᬶᬬᬢ᭄ᬦ᭞ᬕᭀᬂᬩᬾᬭᬶᬦᬾᬯᬸᬲ᭄ᬓᬢᭂᬧᬓ᭄᭞ᬲ᭄ᬯᬭᬦ᭄ᬜᬦᬾᬫᬗᬺᬲ᭄ᬋᬱᬶᬦ᭄᭞ᬢᬦ᭄ᬧᬧᭂᬕᬢᬦ᭄᭞ᬓᬲ᭄ᬭᬸᬦ᭄ᬤᬸᬧ᭄ᬲᬹᬃᬬ᭄ᬬᬓ᭄ᬢᬦ᭄ᬲᬶᬧᬶ᭟ᬢᬦ᭄ᬢᭀᬮᬶᬳᬦ᭄ᬧᬫᬃᬕ᭄ᬕᬶᬦᬾᬕᬕ᭄ᬮᬶᬲᬦ᭄᭞ᬫᬗᬸᬗ᭄ᬲᬶ
ᬚ᭄ᬭᬾᬦ᭄ᬓᬶᬧᬢᬶᬄ᭞ᬧᬢᬶᬄᬕᬚᬄᬫᬤ᭄ᬥ᭞ᬜᬤ᭄ᬬᬧᬘᬂᬫᬫᬸᬧᬸᬢᬂ᭞ᬭᬶᬂᬭᬳᬶᬦᬦᬾᬦᬾᬚᬦᬶ᭟ᬲᬶᬤᬯᬸᬲ᭄ᬧᭂᬚᬄ᭞ᬓᬩᬯᭀᬲ᭄ᬤᬦᬾᬗᬼᬢᭂᬳᬶᬦ᭄᭟ᬓᬘ᭄ᬭᬶᬢᬬᬂᬯᬤ᭄ᬯᬲᬫᬶᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬚ᭄ᬭᭀ
ᬦ᭄ᬓᬶᬕᬸᬲ᭄ᬢᬶᬧᬢᬶᬄ᭞ᬲᬳᬬᬫᬲᬹᬃᬬ᭄ᬬᬓ᭄᭞ᬫᬫᬸᬦ᭄ᬢᭂᬄᬚ᭄ᬭᭀᬜᬓᭂᬧᬢ᭄᭞ᬯᬶᬭᭀᬲᬕᬸᬫᬸ᭠ᬭᬸᬄᬗ᭄ᬭᬜ᭄ᬚᬶᬂ᭞ᬗᬋᬧᬂᬢᬸᬫ᭄ᬩᬓ᭄᭞ᬜᬤ᭄ᬬᬦᬸᬯᭂᬓ᭄ᬕᬸᬲ᭄ᬢᬶᬧᬢᬶᬄ᭟ᬳᬶᬦᬸᬘᬧᬦ᭄ᬕᬸᬲ᭄ᬢᬶᬧᬢᬶᬄᬕᬚᬄᬫ
[ ᭔᭘ 48B]
ᬤ᭄ᬥ᭞ᬢᬦᬦᬭᬶᬂᬚ᭄ᬭᭀᬓᬧᬗ᭄ᬕᬶᬄ᭞ᬯᬸᬲ᭄ᬰᬸᬦ᭄ᬬᬭᬶᬂᬚ᭄ᬭᭀᬯᬦ᭄᭞ᬫᬢᬶᬗ᭄ᬕᬮᬬᬾ᭞ᬓ᭄ᬰᬯ᭞ᬧᬜ᭄ᬚ᭄ᬭᭀᬯᬦ᭄ᬮᬦ᭄ᬧᬭᬳᬶᬲ᭄ᬢ᭄ᬭᬶ᭞ᬲᬂᬯᬸᬲ᭄ᬫᬲᬢ᭄ᬬ᭞ᬘᬶᬳ᭄ᬦᬩᬓ᭄ᬢᬶᬭᬶᬂᬓᬶᬧᬢᬶᬄ᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬤᬕᬶᬂᬚ᭄ᬭᭀᬦᬾᬓ
ᬲᬮᬓ᭄ᬱᬓ᭄᭞ᬭᬶᬂᬕ᭄ᬦᬳᬾᬲᬸᬓᭂᬮ᭄ᬲᬸᬮᬶᬢ᭄᭞ᬲᬫᬶᬓᬋᬋᬳᬦ᭄᭞ᬦ᭄ᬤᬢᬦ᭄ᬯᬾᬓ᭄ᬢᭂᬦ᭄ᬧᬶ᭠ᬓᭀᬮᬶᬄᬜ᭞ᬓᬦ᭄ᬤᬸᬕᬶᬧᬜ᭄ᬚᬓᬾᬲᬫᬶ᭞ᬫᬗᬮᬦ᭄ᬢᬸᬭᬂ᭞ᬜᬼᬳᬶᬦ᭄ᬢᬼᬩᬶᬗᬢᬶ᭟ᬢᬦ᭄ᬲᬄᬫᬦᬄᬮ᭠
ᬜ᭄ᬚᬓᬾᬚᬕᬫᬸᬧᬸᬢᬂ᭞ᬗ᭄ᬭᬜ᭄ᬚᬶᬂᬫᬸᬗ᭄ᬕᬄᬯᬦᬕᬶᬭᬶ᭞ᬲᬳᬲᬫᬶᬗᬩᬲ᭄᭞ᬉᬫ᭄ᬧᬸᬢ᭄ᬲᬫᬶᬩ᭄ᬭᬲ᭄ᬢᬲᬫ᭄ᬧ᭄ᬮᬄ᭞ᬧᬗ᭄ᬓᬂᬕ᭄ᬭᬾᬫ᭄ᬩᬾᬗᬦ᭄ᬓᬳᬸᬗ᭄ᬲᬶ᭞ᬲᬫᬶᬓᬲ᭄ᬮᬩ᭄ᬲᬩ᭄᭞ᬦᬶᬃᬤ᭄ᬥᭀᬦ᭄ᬢᬦ᭄ᬫᬧᬶᬓᭀᬮᬶᬄ᭟ᬤᬳ
ᬲ᭄ᬤᬶᬳᬶᬲ᭄ᬯᬤ᭄ᬯᬲᬫᬶᬯᬸᬲ᭄ᬫᬢᬸᬮᬓ᭄᭞ᬭᬶᬂᬚ᭄ᬭᭀᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬩ᭄ᬭᬄᬫᬦ᭄ᬢ᭄ᬬᬯᬶᬭᭀᬲ᭞ᬦ᭄ᬮᬲᬂᬫᬦᬄᬫᬚᬭᬄ᭞ᬆᬃᬢ᭄ᬢᬩ᭄ᬭᬦᬲᬫᬶᬓᬵᬫ᭄ᬩᬶᬮ᭄᭞ᬓᬧᬸᬦ᭄ᬤᬸᬢ᭄ᬩᬸᬤᬮ᭄᭞ᬩ᭄ᬭᬲ᭄ᬢᬢᬶᬳᬶᬂᬢᭂᬮᬲᬫᬶ᭟
Kaca:Bali-lontar-gaguritan-babad-sunda-300ppi.pdf/49
Kaca puniki sampun kauji-wacén
