Kaca:Bali-lontar-gaguritan-babad-sunda-300ppi.pdf/50

Saking Wikisource
Kaca puniki sampun kauji-wacén

[ ᭔᭙ 49B]
᭔᭙
ᬓᬘ᭄ᬭᬶᬢᬬᬂᬚ᭄ᬭᭀᬦ᭄ᬳᬶᬕᬸᬲ᭄ᬢᬶᬧᬢᬶᬄᬫᬤ᭄ᬥ᭞ᬰᬸᬦ᭄ᬬᬭᬸᬂᬲᬓ᭄‌ᬋᬫᬸᬓ᭄ᬱᬫᬶ᭞ᬢᬢᬦ᭄ᬫᬕᬦ᭄ᬢᬸᬮᬦ᭄᭞ᬳᬦ᭄ᬢᬸᬓ᭄ᬯᬶᬭᭀᬲᬦ᭄ᬳᬶᬧᬜ᭄ᬚᬓ᭄᭞ᬩ᭄ᬭᬗ᭄ᬢᬶᬦᬾᬢᬦ᭄ᬓᬤᬶᬓᬤᬶ᭞ᬫ᭄ᬩᬾᬮᬲᬂᬦᬵᬣ᭞ᬦ᭄ᬓᬾᬂᬫᬦᬄᬢᬼᬩᬶᬗᬢᬶ᭟
᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟ᬧᬢᬶᬄᬫᬤ᭄ᬥᬢᬸᬳᬸᬯ᭄ᬭᬸᬄ᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄‌ᬗᬺᬋᬳᬶᬦ᭄᭞ᬳᭀᬮᬶᬄᬯᬤ᭄ᬯᬯᬶᬮᬢᬶᬓ᭄ᬢ᭞ᬯᬶᬭᬾᬄᬤᬦᬾᬢᬢᬲ᭄ᬳᬸᬦᬶᬂ᭞ᬓᬼᬲᬶᬢ᭄ᬚᬕᬢᬾᬫᬘᬶᬳ᭄ᬦ᭞ᬢᬦ᭄ᬩᭂᬘᬶᬓ᭄ᬱᬦᬾ
ᬓᬧᬗ᭄ᬕᬶᬄ᭟ᬤᬦᬾᬯᬸᬲ᭄ᬦᬸᬗ᭄ᬕᬮᬂᬓᬬᬸᬦ᭄᭞ᬫᬗ᭄ᬭᬸᬭᬸᬄᬰ᭄ᬯᬃᬕ᭄ᬕᬦᬾᬚᬢᬶ᭞ᬧᬶᬦᬓᬫᬸᬧᬸᬢᬂᬭᬕ᭞ᬗᬶᬜ᭄ᬘᭂᬧ᭄ᬓᬬᬸᬦ᭄ᬲᬓᬶᬂᬢᬶᬮᬶᬂ᭞ᬫᬦ᭄ᬢᬸᬓ᭄ᬤᬦᬾᬢᬦ᭄ᬧᬰᬯ᭞ᬧᬫᬃᬕ᭄ᬕᬶᬦ᭄ᬧᬢᬶᬳᬾᬮᬸᬯᬶᬄ᭟ᬧ᭄ᬭᬪᬸ
ᬓᭀᬭᬶᬧᬦ᭄ᬓᬯᬸᬯᬸᬲ᭄᭞ᬧ᭄ᬭᬪᬸᬤᭂᬳᬳᬶᬤᬗᬶᬭᬶᬂ᭞ᬫᬦ᭄ᬢᬸᬓ᭄ᬓᬓᭀᬭᬶᬧᬦ᭄ᬤᭂᬳ᭞ᬲᬸᬗ᭄ᬲᬸᬢᬾᬢᬦ᭄ᬲᬶᬲᬶᬧᬶ᭞ᬓᬦ᭄ᬢᬸᬦ᭄ᬳᬗᭂᬦ᭄ᬭᬶᬂᬲᬂᬦᬵᬣ᭞ᬢᬦ᭄ᬮᬾᬤᬂᬭᬶᬂᬫᬚᬧᬳᬶᬢ᭄᭟᭐᭟ᬧᬸ
[ ᭕᭐ 50A]
ᬧᬸᬄᬲᬶᬦᭀᬫ᭄᭟ᬲᬧᬸᬦᬶᬓᬳᬢᬸᬭᬂᬢᬶᬢ᭄ᬬᬂ᭞ᬤᬕᬶᬂᬩᬩᬤᬾᬓᬧᬗ᭄ᬕᬶᬄ᭞ᬓᬶᬭᬂᬭᬗ᭄ᬓᬸᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬓ᭄ᬦᬶᬳᬶᬤᬤᬦᬾᬲᬫᬶ᭞ᬧᬭᬫᬮᬾᬤᬂᬗᬮᬸᬕ᭄ᬭᬳᬶᬦ᭄᭞ᬳᬫ᭄ᬧᬸᬭᬢᬶᬢ᭄ᬬᬂᬳᬶᬧᬸᬗ᭄ᬕᬸᬂ᭞ᬲᬢ᭄ᬫ
ᬓᬭᬢᬸᬫ᭄ᬬᬃᬱᬬᬂ᭞ᬭᬭᬾᬳᬗᭀᬦᬾᬫᬦᬶᬗ᭄ᬓᭂᬮᬶᬓ᭄᭞ᬢᬦ᭄ᬧᬤᬾᬂᬤᬸᬂ᭞ᬦᬶᬃᬤᭀᬦ᭄ᬭᬢᬸᬫᬜᬸᬗ᭄ᬓᬦᬂ᭟ᬧᬸᬧᬸᬢ᭄᭟ᬇᬢᬶᬕᬕᬸᬭᬶᬢᬦ᭄‌ᬩᬩᬤ᭄‌ᬲᬸᬦ᭄ᬤᬲᬫᬧ᭄ᬢ᭟ᬧᬸᬧᬸᬢ᭄ᬲᬶᬦᬸᬭᬵᬢ᭄‌ᬤᬸᬓ᭄ᬭᬶᬂᬭᬳᬶᬦᬵ᭞
ᬰᬸ᭞ᬧ᭞ᬯᬭ᭞ᬕᬸᬫ᭄ᬩᬺᬕ᭄᭞ᬧᬂᬮᭀᬂ᭞ᬧᬶᬂ᭖᭞ᬰᬰᬶᬄ᭞ᬚ᭄ᬬᬾᬲ᭄ᬢ᭞ᬭᬄ᭞᭑᭞ᬢᭂᬗ᭄ᬕᭂᬓ᭄᭞᭗᭞ᬇᬰᬓᬯᬃᬱ᭞᭑᭙᭒᭑᭟ᬢᬗ᭄ᬕᬮ᭄ᬚᬯᬶ᭞᭗᭞ᬫᬾᬳᬶ᭞᭑᭙᭙᭙᭟ᬤᬾᬲᬗᬧᬦ᭄ᬮᬄ᭞ᬳᬶᬕᬸᬲ᭄ᬢᬶᬫᬤᬾ
ᬲᬸᬬᬰ᭞ᬤᬾᬰᬧᬸᬭᬰᬶᬩᬜ᭄ᬚᬃᬢᭂᬗᬄ᭞ᬘᬫᬢ᭄ᬮᬦ᭄ᬓᬪᬸᬧᬢᬾᬦ᭄᭞ᬳᬫ᭄ᬮᬭᬵᬚ᭟