[᭘᭘ 88B]
᭘᭘
ᬳᬗᬥᬸᬯᬤ᭄ᬬᬳᬦᬸᬮᬶᬭᬓ᭄ᬬᬦᬳᭀᬯᬢᬶᬄ᭞ᬩᬤ᭄ᬭᬦᬗᬵᬃᬱ᭄᭞ᬫ᭄ᬯᬄᬲᬕᬸᬂᬧ᭄ᬭᬤᬶᬧᬢᬶ᭚ᬤᬦ᭄ᬓᬧᭂᬦ᭄ᬤᬓ᭄ᬳᬦᬸᬮᬶᬄᬳᬢᭂᬫ᭄ᬧᬸᬄᬬᬸᬤ᭄ᬥ᭞ᬲᬕᬸᬂᬗᬶᬂᬧ᭄ᬭᬤᬶᬧᬢᬶ᭞ᬧ᭄ᬭᬂᬮ
ᬦ᭄ᬓᬵᬮᬤᬹᬃᬕ᭄ᬕ᭞ᬮᬶᬦᬶᬧᬸᬂᬳᬧᬸᬬᭂᬗᬦ᭄᭞ᬧᬢᬶᬄᬩᬤ᭄ᬭᬳᬧᬧᬗ᭄ᬕᬶᬄ᭞ᬮᬜ᭄ᬚᬬᬮᬸᬤ᭄ᬭ᭞ᬲᬂᬤᬾᬢ᭄ᬬᬳᬰ᭄ᬭᬸᬄᬳᬗ᭄ᬮᬶᬂ᭚ᬩᬬᬢᬾᬓᬶᬓᬗᬭᬦ᭄ᬭᬵᬫᬯᬷᬚᬬ᭞ᬓ᭄ᬬ
ᬦᬧᬢᬶᬄᬦᬯᬸᬭᬶᬦ᭄᭞ᬤᬸᬤᬸᬳᬶᬗ᭄ᬯᬂᬗᬭᬦ᭄᭞ᬲᬂᬰ᭄ᬭᬶᬭᬵᬫᬯᬷᬚᬬ᭞ᬳᬦ᭄ᬫᬵᬦᬶᬭᬾᬓᬶᬧᬧᬢᬶᬄ᭞ᬳᬶᬭᬲᬂᬦᬵᬣ᭞ᬳᬸᬯᬸᬲ᭄ᬳᬶᬗᬦ᭄ᬤᭂᬮ᭄ᬫᬫᬶ᭚ᬳᬗ᭄ᬭᬾᬳ᭄ᬢᬾᬓᬂᬲᬵ
ᬕᬸᬂᬧᬭᬭᬵᬫᬚ᭞ᬚᬬᬮᬸᬤ᭄ᬭᬦᬯᬸᬭᬶᬦ᭄᭞ᬲᬧᬪᬶᬱᬾᬓᬦ᭄ᬢ᭞ᬳᬕᬾᬯᬭᬳᭂᬦᬶᬗ᭄ᬯᬂ᭞ᬲᬸᬫᬯᬸᬃᬭᬓ᭄ᬬᬦᬧᬢᬶᬄ᭞ᬢᬦ᭄ᬲᬓᬵᬳᬶᬗ᭄ᬯᬂ᭞ᬦᬫ᭄ᬩᬢ᭄ᬳᬭᬦ᭄ᬭᬸᬫᬶ
[᭘᭙ 89A]
᭘᭙
ᬳᬶᬦ᭄᭚ᬓᬶᬢᬲᬧᬳᬭᬦ᭄ᬫᬸᬯᬭᬳᭂᬦᬶᬗ᭄ᬯᬂ᭞ᬲᬂᬚᬬᬮᬸᬤ᭄ᬭᬳᬗ᭄ᬮᬶᬂ᭞ᬮᬳ᭄ᬬᬯ᭄ᬭᬸᬳᬦᬶᬭ᭞ᬳᬶᬗᭀᬂᬳᬶᬓᬶᬓᬧᬸᬢ᭄ᬭᬵ᭞ᬳᬶᬂᬫᬮᬾᬓᬢ᭄ᬰ᭄ᬭᬷᬪᬹᬧᬢᬶ᭞ᬳᬶᬓᬂᬧᬧ
ᬭᬩ᭄᭞ᬰ᭄ᬭᬷᬓᬵᬮᬯᬶᬰᬾᬱᬵᬚᬶ᭚ᬳᬶᬓᬂᬮᬾᬡᬳᬶᬂᬭᬡᬬᬵᬚ᭄ᬜᬵᬧᬩ᭄ᬭᬢ᭄ᬢᬦ᭄᭞ᬳᬶᬗᭀᬂᬳᬶᬓᬶᬓᬂᬦᬫᬶ᭞ᬤᬾᬢ᭄ᬬᬚᬬᬮᬸᬤ᭄ᬭ᭞ᬳᬶᬓᬸᬲᬦᬓ᭄ᬫᬦᬶᬭ᭞ᬓᬵᬮ
ᬤᬸᬃᬕ᭄ᬕᬳᬭᬦᬾᬓᬶ᭞ᬫᬦᬶᬭᬓᬵᬃᬱ᭞ᬫ᭄ᬗᬍᬲ᭄ᬤᬸᬓᬸᬫ᭄ᬫᬗ᭄ᬓᬾᬫ᭄ᬭᬶᬂ᭚ᬳᬶᬓᬂᬦᬵᬫ᭟ᬲᬶᬭᬵᬫᬯᬷᬚᬬᬾᬦ᭄ᬤ᭄ᬭ᭞ᬳᬾᬄᬲᬶᬭᬲᬧᬦᬫᬶ᭞ᬲᬶᬦᬯᬸᬭᬦ᭄ᬳᬶᬗ᭄ᬯᬂ᭞ᬗᬭᬦ᭄ᬳᬶᬧᬢᬶᬄ
ᬩᬤ᭄ᬭ᭞ᬲᬂᬚᬬᬮᬸᬤ᭄ᬭᬦᬸᬮ᭄ᬬᬵᬗ᭄ᬮᬶᬂ᭞ᬗᬸᬫ᭄ᬩᬮᬶᬲᬶᬭ᭞ᬢᬦ᭄ᬲᬸᬫᬥᬮᬵᬢᬾᬓᬶ᭚ᬯᭀᬂᬲᬚᬸᬭᬸᬚᬸᬭᬸᬩᬤᬾᬫᭂᬂᬲᬄᬗᭀᬂᬧ᭄ᬭᬂ᭞ᬩ᭄ᬘᬶᬓ᭄ᬕᬸᬲ᭄ᬢᬶᬫᬸᬳᬸᬕᬶ᭞ᬲᬶᬭᬵᬫᬯᬷᬚ
Kaca:Bali-lontar-gaguritan-anuman-wetugangga-350ppi.pdf/89
Kaca puniki sampun kauji-wacén
