[᭘᭗ 87B]
᭘᭗
ᬧᬢᬶᬄᬩᬤ᭄ᬭ᭞ᬓᬾᬭᬶᬂᬳᬶᬂᬧ᭄ᬭᬤᬶᬧᬢ᭄ᬬ᭞ᬫᬶᬯᬄᬬᬥᬸᬩᬮᬲᬫᬶ᭞ᬲᬸᬭᬓ᭄ᬕᬸᬫᭂᬭᬄ᭞ᬬᬬᬄᬦᭂᬗ᭄ᬓᭂᬃᬯᬶᬬᬢᬶ᭚ᬲᬶᬦᬯᬸᬭᬦ᭄ᬤᬾᬦᬶᬂᬩᬾᬭᬶᬂᬫ᭄ᬯᬂᬫᬺᬤᬗ᭄ᬕᬵ᭞ᬤ᭄ᬯᬚᬵᬳᬗᭀᬩᬃ
ᬭᬩᬶᬃ᭞ᬳᬸᬯᬸᬲ᭄ᬧ᭄ᬭᬧ᭄ᬢᬾᬂᬧᬧᬦ᭄᭞ᬓᬢᭀᬦ᭄ᬲᬓᬶᬂᬫ᭄ᬩᬭ᭞ᬤᬾᬦᬶᬭᬲᬂᬤᬾᬢ᭄ᬬᬓᬮᬶᬄ᭞ᬮᬚᭂᬂᬧᬶᬦᬭᬦ᭄᭞ᬢ᭄ᬤᬓ᭄ᬯᬸᬲ᭄ᬧ᭄ᬭᬧ᭄ᬢᬾᬂᬲᬶᬣᬶ᭚ᬲᬕᬸᬗᬶᬓᬂᬬᬥᬸᬩᬮᬵᬯᬸᬲ᭄ᬧ᭄ᬭᬬᬶ
ᬢ᭄ᬦᬵ᭞ᬤᬾᬢ᭄ᬬᬯᬸᬲ᭄ᬳᬧᬧᬗ᭄ᬕᬶᬄ᭞ᬮᬵᬯᬦ᭄ᬬᬤᬸᬩᬮ᭞ᬮᬚᭂᬂᬳᬢᭂᬫ᭄ᬧᬸᬄᬬᬸᬤ᭄ᬥᬵ᭞ᬮᬶᬦᬶᬧᬸᬲᬂᬤᬾᬢ᭄ᬬᬓᬮᬶᬄ᭞ᬳᬶᬂᬬᬥᬸᬩᬮᬵ᭞ᬲᬂᬤᬾᬢ᭄ᬬᬗᭀᬩᬢ᭄ᬳᬗᬶᬢ᭄᭚ᬗᬫᬸᬓᬶᬂ
ᬧ᭄ᬭᬂᬲᬂᬧ᭄ᬤᭂᬓ᭄ᬓᬂᬬᬥᬸᬩᬮᬵ᭞ᬲᬶᬦᬦ᭄ᬤᬓ᭄ᬤᬦ᭄ᬮᬶᬦᬦ᭄ᬢᬶᬂ᭞ᬲᬯ᭄ᬦᬾᬄᬧᬶᬦᬗᬦ᭄᭞ᬮᬾᬦ᭄ᬕᬶᬦᬶᬢᬶᬓᬶᬂᬕᬥ᭞ᬬᬥᬸᬮᬵᬓᬾᬄᬗ᭄ᬫᬲᬶᬦ᭄᭞ᬯ᭄ᬦᬾᬄᬓᬩ᭄ᬭᬡᬦ᭄᭞ᬳᬦᬓᭀᬦ᭄ᬢ
[᭘᭘ 88A]
᭘᭘
ᬮ᭄ᬯᬯᬗ᭄ᬓᬶᬂ᭚ᬓᬂᬫᬦᬸᬂᬱᬫᭂᬂᬲᬄᬳᬗᬺᬩᬸᬢ᭄ᬤᬦᬯ᭞ᬳᬦᬫᭂᬤᬂᬜ᭄ᬚᭂᬫ᭄ᬧᬭᬶᬂ᭞ᬳᬫ᭄ᬩᭂᬤᬶᬮ᭄ᬦᬸᬫ᭄ᬩᬓ᭄᭞ᬯ᭄ᬦᬾᬄᬗ᭄ᬕᬶᬢᬶᬓᬶᬂᬕᬥ᭞ᬢᬦ᭄ᬢᭂᬢᭂᬲ᭄ᬲᬂᬤᬾᬢ᭄ᬬᬓᬵᬮᬶᬄ᭞ᬲᬕᬸᬂᬲᬜ᭄ᬚᬢ
᭟ᬲᬫ᭄ᬬᬢᬦ᭄ᬫᬶᬕᬸᬦᬦᬶ᭚ᬓᬬᬰᬾᬮᬢᬶᬦᬶᬩᬦᬦ᭄ᬤᬾᬦᬶᬂᬯᬸᬤᬦ᭄᭞ᬍᬯᬶᬄᬧ᭄ᬭᬓᭀᬰᬰᭂᬓ᭄ᬢᬷ᭞ᬲᬂᬤᬾᬢ᭄ᬬᬓᬮᬶᬄᬜ᭞ᬓ᭄ᬭᬸᬭᬫᬗᬫᬹᬓᬶᬭ᭞ᬮ᭄ᬯᬶᬃᬲᬓ᭄ᬭᬫᬶᬤᭂᬃᬳᭀᬯᬦᬸ
ᬲᬶᬂ᭞ᬗ᭄ᬕᬶᬢᬢᬓ᭄ᬳᬜᬾᬧᬓ᭄᭞ᬯᬗ᭄ᬓᬾᬲᬸᬲᬸᬦᬢᬶᬦ᭄ᬤᬶᬄ᭚ᬮᬗ᭄ᬓᬸᬂᬲᬓᬶᬂᬩ᭄ᬭᬳ᭄ᬫᬵᬢ᭄ᬬᬦᬶᬭᬓᬮᬶᬄᬜ᭞ᬭᬹᬧᬵᬓ᭄ᬭᬸᬭᬳᬩ᭄ᬚ᭄ᬭᬶᬳᬶ᭞ᬮ᭄ᬯᬶᬃᬪᬝᬵᬭᬓᬮᬵ᭞ᬓᭂᬫ᭄ᬩᬃᬳᬦᬾᬂᬧᬧ᭄ᬭᬗᬦ᭄
᭞ᬬᬥᬸᬩᬮᬲᬫ᭄ᬬᬕᬶᬭᬶᬲ᭄᭞ᬫᬍᬤᬸᬕ᭄ᬗᬸᬦ᭄ᬢᬢ᭄᭞ᬯ᭄ᬤᭂᬳᬫᬸᬮᬢ᭄ᬫᬭᬶᬂ᭚ᬲᬂᬤᬦᬯᬓᬮᬶᬄᬲ᭄ᬕᬓ᭄ᬱ᭄ᬕᬓ᭄ᬗᬸᬘᬧ᭄᭞ᬗᭂᬦ᭄ᬤᬶᬰ᭄ᬭᬷᬭᬵᬫᬳᬚᬶ᭞ᬮᬄᬧᬧᬕᭂᬦ᭄ᬳᬶᬗ᭄ᬯᬂ᭞ᬳᬬ᭄ᬯ
Kaca:Bali-lontar-gaguritan-anuman-wetugangga-350ppi.pdf/88
Kaca puniki sampun kauji-wacén
