[᭗᭓ 73B]
᭗᭓
ᬳᬗᬾᬢᬧ᭄ᬚᬳ᭄᭞ᬫ᭄ᬯᬄᬳᬶᬓᬂᬓᭀᬦ᭄ᬢᬮ᭄ᬯᬯᬗ᭄ᬓᬶᬂ᭞ᬓᬮᬶᬦ᭄ᬢᬂᬮᬭ᭞ᬲᬸᬓᬬᬦ᭄ᬳᬗᭂᬫᬵᬲᬶᬦ᭄᭚ᬳᭃᬄᬳᭃᬄᬰᬩ᭄ᬤᬦᬶᬭᬓᬂᬳᬸᬲᬸᬲ᭄ᬦ᭄ᬬᬫᭂᬤᬮ᭄᭞ᬳᬗᬺᬂᬗᬺᬂᬫᬶᬦ᭄ᬢᬵᬯᬭᬶᬄ᭞ᬗ᭄ᬕᬯᬾᬋᬱᬶᬂ
ᬫᬦᬄ᭞ᬮᬶᬡ᭄ᬥᬸᬢᬂᬪᬸᬫᬶᬫᭀᬮᬄ᭞ᬧ᭄ᬭᬓᭂᬫ᭄ᬧᬳᬶᬓᬂᬚᬮᬤ᭄ᬭᬶ᭞ᬰ᭄ᬯᬭᬦᬶᬂᬲᬸᬭᬓ᭄᭞ᬬᬬᬄᬦᭂᬗ᭄ᬓᭂᬯᬶᬃᬬᬢᬶ᭚ᬲᬶᬦᬯᬸᬭᬦ᭄ᬤᬾᬦᬶᬂᬕᭀᬂᬩᬾᬭᬶᬫᬺᬤᬗ᭄ᬕᬵ᭞ᬯᬢᭂᬓᬺᬱᬶᬳᬶᬂᬮᬗᬶᬢ᭄᭞
ᬫ᭄ᬯᬄᬧᬭᬚᬯᬱ᭞ᬳᬾᬩᭂᬓ᭄ᬳᬦᬭᬶᬂᬪ᭄ᬬᭀᬫ᭞ᬳᬧ᭄ᬭᬶᬬᬵᬡᬳᬗᬓ᭄ᬱᬶ᭞ᬳᬦᭀᬦ᭄ᬢᭀᬦ᭄ᬬᬸᬤ᭄ᬥ᭞ᬦᬶᬭᬰ᭄ᬭᬷᬭᬵᬫᬳᬚᬶ᭚ᬓ᭄ᬬᬦᬧᬢᬶᬄᬪᬸᬫᬶᬓᬵᬮᬗᬫᬹᬓᬶᬂᬧ᭄ᬭᬂ᭞ᬓ᭄ᬭᬸᬭᬗᬾᬩ
ᬢᬾᬦᬢᬶ᭞ᬲᬶᬂᬧ᭄ᬥᭂᬓ᭄ᬘᬶᬦᬦ᭄ᬤᬓ᭄᭞ᬫᬦᬸᬂᬱᬦᬦ᭄ᬢᬶᬗᬦ᭄ᬧ᭄ᬚᬄᬳᬚᬸᬃᬯᭀᬭᬶᬂᬲᬶᬣᬶ᭞ᬯ᭄ᬦᬾᬄᬧᬶᬦᬗᬦ᭄᭞ᬮ᭄ᬯᬶᬃᬓᬮᬵᬫᭀᬗ᭄ᬰᬤᬕᬶᬂ᭚ᬓᬾᬄᬬᬥᬸᬩᬮᬋᬄᬢᬦ᭄ᬓ᭄ᬦᬾᬂᬬᬾᬢᬂ᭞ᬢ
[᭗᭔ 74A]
᭗᭔
ᬫ᭄ᬳᬶᬤᭂᬧ᭄ᬳᬫᭂᬂᬲᬳᬶ᭞ᬧᬢᬶᬄᬪᬸᬫᬶᬓᬵᬮ᭞ᬧᬧ᭄ᬭᬗᬶᬭᬮ᭄ᬯᬶᬃᬓᬶᬮᬢ᭄᭞ᬲᬕᬸᬂᬬᬥᬸᬩᬮᬲᬫᬶ᭞ᬫᬍᬤᬸᬕ᭄ᬳᬸᬦ᭄ᬢᬢ᭄᭞ᬲᬸᬫᬸᬭᬸᬧ᭄ᬲᬂᬳ᭄ᬬᬂᬭᬯᬷ᭚ᬓ᭄ᬬᬦᬧᬢᬶᬄᬓᬮᬪᬸᬫᬶᬲ᭄ᬕᬢ᭄ᬩᬸᬲ
ᬧ᭄᭞ᬲᬃᬯ᭄ᬯᬶᬗᬸᬦ᭄ᬤᬸᬭᬶᬂᬚᬸᬭᬶᬢ᭄᭞ᬬᬦ᭄ᬳᬦ᭄ᬓᬲᬸᬭᬸᬧᬦ᭄᭞ᬳᬶᬂᬲᬂᬳ᭄ᬬᬂᬧ᭄ᬭᬪᬗ᭄ᬓᬭ᭞ᬢᬸᬫ᭄ᬧᭂᬲ᭄ᬫᬦᬸᬂᬱᬵᬗᭂᬫᬲᬶᬦ᭄᭞ᬫᬗ᭄ᬓᬦᬲᬶᬭ᭞ᬓᬶᬧᬢᬶᬄᬤᬦ᭄ᬳᬶᬗᬶᬭᬶᬂ᭚ᬤᬾᬦᬶᬂᬲᬕᬸᬂᬤᬦᬸ
ᬚᬳᬫᬲᬗ᭄ᬕ᭄ᬭᬳᬦ᭄᭞ᬲᬂᬭᬵᬫᬯᬶᬚᬬᬚᬶ᭞ᬓᬾᬭᬶᬂᬳᬶᬓᬶᬧᬢ᭄ᬬ᭞ᬫᬶᬯᬄᬲᬕᬸᬂᬧᬮ᭄ᬯᬕ᭞ᬧ᭄ᬭᬤᬶᬧᬢᬶᬯᬤ᭄ᬬᬲᬫᬶ᭞ᬭᬬᬶᬢᬶᬕ᭞ᬫᬓᬵᬤᬶᬧᬋᬋᬱᬶ᭚ᬫᬶᬯᬄᬯᭂᬭᬾ
ᬯᬸᬲ᭄ᬧ᭄ᬭᬲᬫᬶᬫᬲᬗ᭄ᬕ᭄ᬭᬳᬦ᭄᭞ᬳᬦᬭᬶᬂᬢ᭄ᬧᬶᬲᬶᬭᬶᬂ᭞ᬳᬶᬂᬤᬮᬸᬓᬲᬸᬓᬦ᭄᭞ᬲᬵᬫ᭄ᬧ᭄ᬬᬵᬫᭀᬕᬤ᭄ᬭᬯᬶᬦ᭄᭞ᬳᬶᬦᬸᬫᬦ᭄ᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬲᬂᬤᬾᬢ᭄ᬬᬭᬵᬫᬵᬚ᭞ᬳᬶᬬᬫᬗ᭄ᬓᬦᬳᬸᬕᬶ
Kaca:Bali-lontar-gaguritan-anuman-wetugangga-350ppi.pdf/74
Kaca puniki sampun kauji-wacén
