[᭗᭒ 72B]
᭗᭒
ᬦ᭄ᬤ᭄ᬭ᭞ᬤ᭄ᬯᬚᬳᬶᬋᬂᬳᬗᬧᬶᬢ᭄᭞ᬫᬶᬯᬄᬧᬬᬸᬂᬓᭂᬫ᭄ᬩᬃ᭞ᬳᬶᬓᬂᬮᬭᬶᬂᬩ᭄ᬭᬳ᭄ᬫᬵᬭ᭞ᬯᬸᬲ᭄ᬢᬢᬵᬮᬚᭂᬂᬮᬸᬫᬭᬶᬲ᭄᭞ᬲᬸᬭᬓ᭄ᬕᬸᬃᬡ᭄ᬦᬶᬢ᭞ᬢᬶᬦᬶᬫ᭄ᬩᬮ᭄ᬳᬶᬕᭀᬂᬩᬭᬶ᭚ᬲᭂᬲᭂᬓ᭄ᬚᭂᬚᭂᬮ᭄
ᬦᬾᬂᬫᬵᬃᬕ᭄ᬕᬢᬦ᭄ᬓ᭄ᬦᬾᬂᬳᬾᬢᬂ᭞ᬯᬤ᭄ᬬᬳᬓᭀᬢᬶᬓᭀᬢᬶ᭞ᬢᬶᬦᭀᬦ᭄ᬮ᭄ᬯᬶᬃᬫᭀᬤ᭄ᬭ᭞ᬧᬲᬂᬦᭂᬫ᭄ᬧᬸᬃᬧᬭᬗᬦ᭄᭞ᬳᬶᬓᬂᬯ᭄ᬭᬾᬫᬮᬚᭂᬂᬗᬃᬱᬶ᭞ᬳᬶᬮᬸᬜ᭄ᬘᬢ᭄ᬮᬸᬜ᭄ᬘᬢ᭄᭞ᬗ᭄ᬕᬯᬧᬂᬢᬭᬸ
ᬲᬫᬶ᭚ᬳᬧᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬦᬾᬂᬗᬫ᭄ᬧ᭄ᬬᬦ᭄ᬦᬶᬕᬭ᭞ᬓᬢᭀᬦ᭄ᬯᭀᬂᬢ᭄ᬧᬶᬲᬶᬭᬶᬂ᭞ᬫᬧ᭄ᬭᬂᬮᬦ᭄ᬤᬦᬸᬚᬵ᭞ᬯᬗ᭄ᬓᬾᬳᬲᬸᬲᬸᬦ᭄ᬢᬸᬫ᭄ᬧᬂ᭞ᬓᬂᬮᬸᬥᬶᬭᬓᬬᬓᬵᬮᬶ᭞ᬳᬶᬓᬯ᭄ᬭᬾᬰᬶᬖ᭄ᬭ
ᬦᬸᬮᬸᬂᬯᭀᬂᬢ᭄ᬧᬶᬲᬶᬭᬶᬂ᭚ᬧᬢᬶᬄᬩᬤ᭄ᬭᬫᬓᬫᬶᬯᬄᬧ᭄ᬭᬤᬶᬧᬢ᭄ᬬ᭞ᬳᬗᬩᭂᬦᬶᬳᬚᬸᬭᬶᬢ᭄᭞ᬲᬕᬸᬂᬬᬤᬸᬩᬮ᭞ᬯᬸᬲ᭄ᬦ᭄ᬗᬳᬶᬂᬧᬧ᭄ᬭᬗᬦ᭄᭞ᬳᬢᭂᬫ᭄ᬧᬸᬄᬓᬮᬯᬵᬦ᭄ᬬᭂ
[᭗᭓ 73A]
᭗᭓
ᬓ᭄ᬱᬶ᭞ᬫᭂᬤᬂᬧᬶᬦᭂᬤᬂ᭞ᬯ᭄ᬦᬾᬄᬗ᭄ᬕᬶᬢᬶᬓ᭄ᬕᬶᬦᬶᬢᬶᬓ᭄᭚ᬧ᭄ᬭᬤᬶᬧᬢᬶᬫᬓᬫᬶᬯᬄᬧᬢᬶᬄᬩᬤ᭄ᬭᬳᬗᬼᬧᬲᬶᬚᭂᬫ᭄ᬧᬭᬶᬂ᭞ᬧᬍᬲᬸᬢᬶᬧᬦᬄ᭞ᬲᬸᬫ᭄ᬬᬸᬃᬲᬸᬫ᭄ᬬᬸᬃᬳᬸᬤᬦ᭄᭞ᬢᬶᬦᬸᬚᬸᬓᬂᬧ
ᬤ᭄ᬬᬬᭂᬓ᭄ᬱᬶ᭞ᬳᬓᬢᬄᬧ᭄ᬚᬄ᭞ᬓᬢᬜ᭄ᬚᭂᬩ᭄ᬭᬶᬂᬚᭂᬫ᭄ᬧᬭᬶᬂ᭚ᬓ᭄ᬬᬦᬧᬢᬶᬄᬪᬸᬫᬶᬓᬮᬵᬗᬩᭂᬦ᭄ᬯᬤ᭄ᬬ᭞ᬗᬮᭀᬗᬮᭀᬓᬶᬂᬚᬸᬭᬶᬢ᭄᭞ᬳᬾᬄᬓᬶᬢ᭄ᬣᬤᬦᬸᬚ᭞ᬳᬬ᭄ᬯᬫᬸᬓᬸᬦ᭄ᬤᬸᬭᬶᬂᬧ᭄ᬭᬂ᭞ᬧ
ᬦ᭄ᬓᭂᬢᬳᬫᭂᬂᬲᬄᬚᬮ᭄ᬫᬶ᭞ᬫᬶᬮᬩᬤᭀᬕᬦ᭄᭞ᬲᬓᬶᬂᬳᬶᬂᬗᬹᬦᬶᬗᬹᬦᬶ᭚ᬓ᭄ᬬᬦᬧᬢᬶᬄᬲᬃᬯ᭄ᬯᬶᬳᬗᬼᬧᬲ᭄ᬓᭂᬦ᭄ᬧᬦᬄ᭞ᬓᬢᬄᬫᬦᬸᬂᬱᬓ᭄ᬦᬶ᭞ᬧ᭄ᬚᬳ᭄ᬤᬾᬦᬶᬂᬧᬦᬄ᭞ᬯᬤ᭄ᬬᬤᬦᬸᬚᬵᬫᬗ᭄ᬲᬄ
᭞ᬲᬶᬂᬧ᭄ᬤᭂᬓ᭄ᬫᭂᬂᬲᬄᬩᬶᬦᬦ᭄ᬢᬶᬂ᭞ᬍᬚᭂᬂᬧᬦᬗᬦ᭄᭞ᬮᬗ᭄ᬓᬸᬂᬭᬫᬾᬦᬶᬂᬚᬸᬭᬶᬢ᭄᭚ᬫᭂᬂᬲᬄᬭᭀᬯᬂᬓᬾᬄᬧ᭄ᬚᬄᬫᬶᬯᬄᬓᬩ᭄ᬭᬡᬦ᭄᭞ᬯᬗ᭄ᬓᬾᬓᬾᬦ᭄ᬢᬶᬃᬭᬶᬂᬕ᭄ᬢᬶᬄ᭞ᬯᬦ᭄ᬧᬥᬧ᭄ᬭᬯᬷᬭ᭞ᬦᭀᬭᬵ
Kaca:Bali-lontar-gaguritan-anuman-wetugangga-350ppi.pdf/73
Kaca puniki sampun kauji-wacén
