[᭖᭙ 69B]
᭖᭙
ᬓᬂᬬᭂᬓ᭄ᬱᬧᬶᬦᬭᬦ᭄᭞ᬤᬹᬓ᭄ᬓᬵᬮᬦᭂᬤᭂᬮ᭄ᬳᬫ᭄ᬩᬦ᭄ᬢᬶᬂ᭞ᬮᬚᭂᬂᬳᬸᬦᬸᬫ᭄ᬩᬓ᭄᭞ᬲᬶᬦᬸᬤᬸᬓ᭄ᬚᬶᬦᭂᬫ᭄ᬧᬭᬶᬂ᭚ᬓᬾᬄᬓᬩ᭄ᬭᬡᬦ᭄ᬓᬂᬬᭂᬓ᭄ᬱᬢᬸᬫᬗ᭄ᬓᭂᬩ᭄ᬢᬶᬩᬵᬧ᭄ᬚᬄᬳᬜᬶᬲᬶᬮ᭄ᬲᬶᬣᬶ᭞
ᬳᬫᬸᬢᬄᬮᬸᬥᬶᬭ᭞ᬯᬗ᭄ᬓᬾᬳᬲᬸᬲᬸᬦ᭄ᬢᬸᬫ᭄ᬧᬂ᭞ᬳᬶᬓᬂᬭᬄᬫ᭄ᬮᬩᬃᬮ᭄ᬯᬶᬃᬓᬮᬶ᭞ᬭᬫᬾᬓᬮᬶᬦ᭄ᬢᬂ᭞ᬓᬂᬧ᭄ᬭᬲᬶᬦᬧᬸᬢ᭄ᬮᬢ᭄ᬭᬶ᭚ᬯᬥ᭄ᬬᬬᭂᬓ᭄ᬱᬫᬦᬸᬂᬧᬲᬫ᭄ᬬᬫᬸᬦ᭄ᬤᬸᬭ᭞ᬲᬓᬶᬂᬢ᭄ᬗᬳᬶᬂ
ᬚᬸᬭᬶᬢ᭄᭞ᬜ᭄ᬚᬸᬚᬸᬕ᭄ᬧᬲᬗ᭄ᬭᬳᬦ᭄᭞ᬳᬶᬂᬤᬮᬸᬳᬓᬲᬸᬓᬦ᭄᭞ᬳᬫ᭄ᬩᭀᬕᬤ᭄ᬭᬯᬶᬦᬵᬲᬫᬶ᭞ᬫᬦᬸᬂᬱᬬᭂᬓ᭄ᬱ᭞ᬫᬓᬵᬤᬶᬲᬂᬤᬾᬢ᭄ᬬᬵᬚᬶ᭚ᬰ᭄ᬭᬶᬦᬭᬾᬦ᭄ᬤ᭄ᬭᬓᬮᬵᬯᬶ
ᬰᬾᬱᬵᬗᬦ᭄ᬤᬶᬓ᭞ᬳᬾᬄᬧᬢᬶᬄᬓᬮᬪᬸᬫᬶ᭞ᬗᬧᬵᬧᬧ᭄ᬭᬗᬶᬭ᭞ᬳᬶᬂᬯᬳᬸᬯᬤ᭄ᬬᬬᭂᬓ᭄ᬱ᭞ᬧᬢᬶᬄᬫᬵᬢᬸᬃᬰᬳᬵᬩᭂᬓ᭄ᬢᬶ᭞ᬳᬶᬗ᭄ᬕᬶᬄᬲᬂᬦᬵᬣ᭞ᬤᬸᬭᬸᬂᬫᬓᬢᭂᬦ᭄ᬢᬾᬓᬶ
[᭗᭐ 70A]
᭗᭐
᭚ᬯᬤ᭄ᬬᬬᭂᬓ᭄ᬱᬓᬾᬧ᭄ᬚᬄᬬᬥ᭄ᬬᬦ᭄ᬫᬦᬸᬂᬱ᭞ᬓᬢᬄᬗᭂᬫᬲᬶᬦ᭄ᬧᬢᬶ᭞ᬲᬸᬫᬳᬸᬃᬲᬂᬦᬵᬣ᭞ᬳᬶᬂᬩᬾᬜ᭄ᬚᬂᬧᬺᬧᬓᭂᬦᬵ᭞ᬢᬸᬫᭀᬯᭂᬲᭂᬦ᭄ᬓᬂᬢ᭄ᬧᬶᬲᬶᬭᬶᬂ᭞ᬲᬤᬶᬦᬵᬳᬸᬕᬵ᭞ᬧᭂ
ᬱ᭄ᬝᬶᬕᭂᬫ᭄ᬧᬸᬂᬓᬪᬱ᭄ᬫᬶ᭚ᬓ᭄ᬬᬦᬧᬢᬶᬄᬓᬮᬪᬸᬫᬶᬢᬸᬃᬲᬦ᭄ᬤᬶᬓᬵ᭞ᬯᬸᬯᬸᬲᭂᬦ᭄ᬯᭀᬗᬶᬂᬢ᭄ᬧᬶ᭞ᬲᬶᬭᬶᬂᬳᬓᬸᬫ᭄ᬧᬸᬮᬦ᭄᭞ᬢᬦ᭄ᬲᬓᬾᬂᬯ᭄ᬥᬶᬧ᭄ᬚᬄ᭞ᬧᬦ᭄ᬓᬕᭂᬗᬦ᭄ᬫᭂᬗ᭄ᬲᬄᬦᬾᬓᬶ᭞ᬗᬶᬦᬾᬦ᭄ᬮᬸ
ᬫᬫ᭄ᬧᬄ᭞ᬧ᭄ᬥᭂᬓ᭄ᬫᬭᬂᬦᬕᬭᬶ᭚ᬢᬸᬃᬧᬗᬯ᭄ᬭᬸᬄᬫ᭄ᬭᬶᬂᬚᭂᬂᬰ᭄ᬭᬶᬭᬵᬫᬯᬶᬚᬬ᭞ᬓᬂᬓᬶᬦᬶᬦ᭄ᬮᬸᬫᬫ᭄ᬧᬄᬳᬕ᭄ᬮᬶᬲ᭄ᬢ᭄ᬮᬢᬄᬳᬶᬂᬧᬹᬭ᭞ᬓᬯᬃᬡ᭄ᬦᬰ᭄ᬭᬶᬦᬭᬾᬦ᭄ᬤ᭄ᬭ᭞ᬭᬵᬫᬯᬶᬚᬬᬢᬶᬦ
ᬗ᭄ᬓᬶᬮ᭄᭞ᬳᬶᬂᬧᬗᬲ᭄ᬢ᭄ᬭ᭄ᬬᬦ᭄᭞ᬳᬾᬩᭂᬓ᭄ᬓᬂᬧᬭᬋᬱᬶ᭚ᬫᬓᬫᬶᬯᬄᬲᬕᬸᬂᬧᬮ᭄ᬯᬵᬕᬲᬤᬬ᭞ᬢᬦ᭄ᬤᭀᬄᬭᬓ᭄ᬬᬦᬧᬢᬶᬄ᭞ᬩᬤ᭄ᬭᬫᬓᬫᬶᬯᬄ᭞ᬲᬕᬸᬗᬶᬂᬧ᭄ᬭᬤᬶᬧᬢ᭄ᬬ᭞
Kaca:Bali-lontar-gaguritan-anuman-wetugangga-350ppi.pdf/70
Kaca puniki sampun kauji-wacén
