[᭗᭐ 70B]
᭗᭐
ᬫᬃᬫ᭄ᬫᬦᬾᬲᬂᬰ᭄ᬭᬷᬪᬸᬧᬢᬶ᭞ᬭᬵᬢ᭄ᬭᬶᬲᬶᬦᬾᬪ᭞ᬧᬦ᭄ᬤᬸᬲᬧ᭄ᬭᬬᬶᬢ᭄ᬦᬾᬂᬗᬹᬦᬶ᭚ᬢᬦᬸᬭᬸᬂᬩᬤᬾᬓᬤᬢᭂᬗᬦᬶᬂᬫᭂᬲᬄ᭞ᬫᬸᬂᬳᬶᬓᬵᬓᬂᬓᬶᬦᬵᬃᬤ᭄ᬥᬶ᭞ᬋᬫ᭄ᬩᬕᬶᬂᬧᬲᬩᬦ᭄᭞ᬢᬦ᭄ᬮᬵ
ᬫᬵᬦᬸᬮᬶᬧ᭄ᬭᬧ᭄ᬢ᭞ᬓᬂᬯᭀᬂᬓᬓᬶᬂᬢᭂᬧᬶᬲᬶᬭᬶᬂ᭞ᬜ᭄ᬚᬸᬚᬸᬕ᭄ᬧᬲᬾᬪᬦ᭄᭞ᬧᬶᬬᬓ᭄ᬱᬕᬸᬂᬓᬂᬦᬗ᭄ᬓᬶᬮ᭄᭚ᬳᬶᬓᬂᬤᬹᬢᬳᬮᬾᬗ᭄ᬲᬃᬮᬚᭂᬂᬫᬗᬵᬃᬱ᭞ᬧ᭄ᬭᬧ᭄ᬢᬾᬂᬬᬸᬦᬾᬲᬗ᭄ᬳᬚᬶ᭞ᬓᬂ
ᬤᬸᬢᬵᬳᬍᬗ᭄ᬕᬄ᭞ᬲᬂᬰ᭄ᬭᬷᬭᬵᬫᬯᬶᬚᬬ᭞ᬗᬦ᭄ᬤᬶᬓᬵᬯᬲᬡᬳᬭᬶᬲ᭄᭞ᬳᬧᬵᬓᬂᬲᭂᬤ᭄ᬬ᭞ᬫᬸᬧ᭄ᬭᬧ᭄ᬢᬾᬂᬓᬾᬦᬾᬭᬢ᭄ᬭᬶ᭞ᬳᬶᬓᬂᬤᬹᬢᬵᬳᬸᬫᬢᬸᬃᬲᬃᬯ᭄ᬯᬶᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬪ
ᬝᬵᬭᬳᬚᬷ᭞ᬳᬫ᭄ᬩᬵᬢᬸᬳᬸᬦᬶᬗ᭄ᬳᬵ᭞ᬤᬸᬫᬢᭂᬂᬧᬵᬤᬸᬓᬾᬦ᭄ᬤ᭄ᬭᬵ᭞ᬓᬂᬫᭂᬂᬲᬄᬤᬾᬢ᭄ᬬᬯᬸᬲ᭄ᬧ᭄ᬭᬧ᭄ᬢᬶ᭞ᬳᬶᬓᬶᬤᬸᬮ᭄ᬓᬸᬮ᭄ᬯᬦ᭄᭞ᬓᭀᬗ᭄ᬕ᭄ᬯᬦ᭄ᬳᬫ᭄ᬧ᭄ᬬᬵᬦ᭄ᬦᬵᬕᬭᬶ᭚ᬳᬩ᭄ᬤᬶᬦ᭄ᬤᬶᬓᬵᬳᬶᬂᬢ᭄ᬧᬶᬲᬶᬭᬶᬂᬯᬸ
[᭗᭑ 71A]
᭗᭑
ᬲ᭄ᬳᬧ᭄ᬭᬂ᭞ᬬᭂᬓ᭄ᬱᬳᬦᭀᬢᬶᬓᭀᬢᬶ᭞ᬰ᭄ᬭᬶᬭᬵᬫᬯᬶᬚᬬ᭞ᬳᬰ᭄ᬭᬸᬄᬲᬶᬭᬵᬗᬦ᭄ᬤᬶᬓᬵ᭞ᬫᬭᬂᬲᬕᬸᬂᬧ᭄ᬭᬤᬷᬧᬢᬶ᭞ᬫ᭄ᬯᬧᬢᬶᬄᬩᬤ᭄ᬭ᭞ᬮᬦ᭄ᬲᬕᬸᬂᬯᬦᬭᬵᬚᬶ᭚ᬮᬄᬢᬓᬶᬢ
ᬳᬶᬓᬶᬧᬥᬲᬯᭀᬲᭂᬦ᭞ᬢᬸᬮᬸᬂᬯᭀᬂᬢ᭄ᬧᬶᬲᬶᬭᬶᬂ᭞ᬲᬫ᭄ᬬᬵᬢᬸᬃᬲᬦ᭄ᬤᬶᬓᬵ᭞ᬲᬰ᭄ᬭᬷᬭᬵᬫᬯᬶᬚᬬ᭞ᬩᬸᬤᬮ᭄ᬫᬜ᭄ᬚᬶᬂᬳᬶᬂᬚ᭄ᬭᭀᬧᬸᬭᬶ᭞ᬧ᭄ᬭᬲᬫ᭄ᬬᬩᬸᬩᬃ᭞ᬲᬕᬸᬂᬳᬶᬓᬂᬳᬦᬗ᭄ᬓᬶᬮ᭄᭚
ᬢᬦ᭄ᬓᬯᬃᬡ᭄ᬦᬳᬶᬂᬤᬮᬸᬯᬸᬯᬸᬲᭂᬦᬾᬜ᭄ᬚᬂ᭞ᬦᭂᬤᭂᬂᬳᬫᬸᬧᬸᬲᬵᬭᬷ᭞ᬓᭂᬢᭂᬢᭂᬕ᭄ᬢᬶᬦᭂᬧᬓ᭄᭞ᬳᬸᬫᬸᬂᬰ᭄ᬯᬭᬦ᭄ᬬᬕᭀᬭ᭞ᬓᬂᬯᬤ᭄ᬬᬫ᭄ᬩᬮᬩᬃᬧ᭄ᬭᬧ᭄ᬢᬶ᭞ᬳᬶᬂᬮᭀᬃᬫ᭄ᬯᬂᬯᬾᬢᬦ᭄᭞ᬳᬗᬶᬭᬶᬂᬧ᭄ᬭ
ᬤᬶᬧᬢᬶ᭚ᬦᭀᬭᬧ᭄ᬕᬢ᭄ᬧ᭄ᬭᬧ᭄ᬢᬲᬫᭂᬓ᭄ᬢᬾᬂᬕᬕᬫᬦ᭄᭞ᬓᭂᬲᭂᬮ᭄ᬳᬶᬂᬫᬵᬃᬕ᭄ᬕᬶᬫᬵᬃᬕ᭄ᬕᬶ᭞ᬲᬕᬸᬂᬧ᭄ᬭᬤᬶᬧᬢ᭄ᬬ᭞ᬜ᭄ᬚᬸᬚᬸᬕ᭄ᬫᬭᬂᬳᭀᬯᬗᬲ᭄ᬢ᭄ᬭ᭄ᬬᬦ᭄᭞ᬧᬗ᭄ᬕᬶᬄᬯᬦᬭᬵᬚᬶ᭞ᬫ᭄ᬯᬂᬓ᭄ᬬᬦᬧ
Kaca:Bali-lontar-gaguritan-anuman-wetugangga-350ppi.pdf/71
Kaca puniki sampun kauji-wacén
