[᭑᭐᭑ 101B]
᭑᭐᭑
ᬳ᭄᭞ᬦ᭄ᬤᬸᬮᬸᬲᬫ᭄ᬬᬵᬗᭂᬫᬲᬷ᭚ᬤᬸᬄᬳᬦᬓᬸᬳᬬ᭄ᬯᬓᬶᬢᬲᬮᬄᬳᬵᬃᬱ᭞ᬫ᭄ᬯ᭄ᬭᬶᬂᬳᬸᬚᬃᬳᬶᬗ᭄ᬲᬸᬦᬶᬓᬶ᭞ᬮ᭄ᬯᬶᬃᬯᭀᬂᬢᬸᬮᬶᬯᬸᬳᬵ᭞ᬢᬦ᭄ᬗ᭄ᬭᬸᬗᬸᬳᬦᭀᬦᬶᬂᬭᬵᬢ᭄᭞ᬓᬳᬸᬭᬸᬕᬶᬂ
ᬫᬦᬄᬫ᭄ᬭᬶᬂᬗ᭄ᬢᬶ᭞ᬫᬗ᭄ᬓᬾᬫᬵᬲᬶᬗ᭄ᬯᬂ᭞ᬘᭀᬩᬦᭂᬦ᭄ᬳᬗ᭄ᬮᬓᭀᬦᬶ᭚ᬳᬸᬧᬫᬶᬦᬾᬮ᭄ᬯᬶᬃᬳᬸᬫᭂᬦ᭄ᬢᬲ᭄ᬦᬾᬂᬲᬫᭀᬤ᭄ᬭ᭞ᬦᬶᬮᭀᬢ᭄ᬧᬮᬢᬸᬭᬸᬦᬶ᭞ᬬᬦ᭄ᬢᬸᬳᬸᬤᬸᬃᬕ᭄ᬕᬫ᭞ᬢᬦ᭄ᬯᭂ
ᬦᬂᬮᬶᬦᬓᭀᬦᬦ᭄᭞ᬭᬶᬓᬦᬳᬦ᭄ᬢᭀᬲ᭄ᬳᬸᬮᬢᬶ᭞ᬲᬶᬳᬶᬂᬳ᭄ᬬᬂᬲᬹᬓ᭄ᬱ᭄ᬫ᭞ᬤᬶᬫᬾᬦ᭄ᬢᬦ᭄ᬓᬬᬯᭂᬤᬶ᭚ᬳᬧ᭄ᬭᬂᬫᭂᬂᬲᬄᬤᬦᬯᬫᬗ᭄ᬓᬾᬋᬧ᭄ᬤᬶᬗ᭄ᬯᬂ᭞ᬳᬦᬕᬸᬢ᭄ᬳᬶᬂᬗᬚᬸᬢᬶᬃ᭞ᬮ
ᬳ᭄ᬬᬳᬗᬧᬳᬵ᭞ᬭᬶᬦᬱᬤᬾᬦᬾᬰᬶᬢ᭞ᬯᬭᬳᭂᬦᬶᬗ᭄ᬲᬸᬦ᭄ᬤᬾᬦᬕ᭄ᬮᬶᬲ᭄᭞ᬲᬂᬩᬬᬸᬧᬸᬢ᭄ᬭ᭞ᬫᬵᬢᬸᬃᬲᬃᬯ᭄ᬯᬶᬯᬶᬢ᭄ᬲᬵᬭᬶ᭚ᬳᬶᬗ᭄ᬕᬶᬄᬤᬾᬯᬲᬂᬳ᭄ᬬᬂᬦᬶᬂᬯᬳ᭄ᬬᬤ᭄ᬬᬵ
[᭑᭐᭒ 102A]
᭑᭐᭒
ᬢ᭄ᬫᬶᬓᬵ᭞ᬯᬫᬹᬃᬢ᭄ᬢ᭄ᬬᬦᬶᬂᬢᬢ᭄ᬯᬵᬚᬶ᭞ᬲᬲᭀᬭᬶᬂᬅᬓᬵᬰ᭞ᬲᬮᬸᬳᬸᬭᬫᬮᬵ᭞ᬢᬦᬲᬲᬫᬾᬂᬳᬚᬷ᭞ᬳᬫ᭄ᬩᬗᬶᬭᬶᬗ᭞ᬲᬦ᭄ᬤᬶᬓᬵᬰ᭄ᬭᬷᬪᬹᬧᬢᬶ᭚ᬤᬸᬓ᭄ᬱ᭄ᬫᬡ
ᬳᬢᬸᬭᬶᬭᬦᬶᬮᬵᬢ᭄ᬫᬚ᭞ᬮᬗ᭄ᬓᬸᬂᬳᬸᬱ᭄ᬝᬦᬶᬭᬾᬓᬶ᭞ᬰ᭄ᬭᬷᬭᬵᬫᬯᬶᬚᬬ᭞ᬮᬚᭂᬂᬦᭂᬗᬳᬶᬂᬧᬧᬦ᭄᭞ᬓᬳᬾᬭᬶᬂᬳᬶᬂᬲᬂᬫᬭᬸᬢᬶ᭞ᬦᬸᬮᬶᬓᬧᭂᬦ᭄ᬤᬓ᭄᭞ᬲᬶᬭᬲᬂᬤᬾᬢ᭄ᬬ
ᬓᬮᬶᬄ᭚ᬚᬬᬮᬸᬤ᭄ᬭᬳᬰ᭄ᬭᬹᬄᬤᬾᬦᬶᬭᬳᬢᬜ᭞ᬲᬧᬳᬭᬦ᭄ᬯᬳᬶᬓᬶ᭞ᬲᬤᬸᬮᬸᬃᬯᬦᬭ᭞ᬳᬦᭂᬗᬳᬶᬂᬧᬧ᭄ᬭᬗᬦ᭄᭞ᬯᬭᬳᭂᬦᬶᬗᭀᬂᬤᬾᬦ᭄ᬳᬕ᭄ᬮᬶᬲ᭄᭞ᬰ᭄ᬭᬷᬭᬵ
ᬫᬪᬤ᭄ᬭ᭞ᬳᬰ᭄ᬭᬸᬄᬤᬾᬦᬶᬭᬳᬗ᭄ᬮᬶᬂ᭚ᬦᭀᬭᬲᬸᬓᬵᬫᬦᬶᬭᬳᬦᬫ᭄ᬩᬢ᭄ᬳᬵᬭᬦ᭄᭞ᬭᬸᬳᬸᬦ᭄ᬮᬭᬗᬦ᭄ᬫᬫᬶ᭞ᬳᬾᬄᬢᬓᬶᬢᬲᬧ᭞ᬭᬦ᭄ᬫᬸᬯᬭᬳᭂᬦᬶᬗ᭄ᬯᬂ᭞ᬲᬂᬤᬦ
Kaca:Bali-lontar-gaguritan-anuman-wetugangga-350ppi.pdf/102
Kaca puniki sampun kauji-wacén
