Kaca:Bali-lontar-gaguritan-anuman-wetugangga-350ppi.pdf/103

Saking Wikisource
Kaca puniki sampun kauji-wacén

[᭑᭐᭒ 102B]
᭑᭐᭒
ᬯᬵᬕ᭄ᬬᬦᬯᬸᬭᬶᬦ᭄᭞ᬮᬄᬯ᭄ᬭᬸᬳᬦᬶᬭ᭞ᬳᬶᬗᭀᬂᬳᬶᬓᬂᬗᬦᬫ᭚ᬚᬬᬵᬮᬸᬤ᭄ᬭᬳᬶᬬᬳᬶᬓᬶᬲᬦᬓ᭄ᬳᬶᬗ᭄ᬯᬂ᭞ᬲᬂᬓᬮᬵᬤᬸᬃᬕ᭄ᬕᬦᬫᬶ᭞ᬓᬧᬸᬢ᭄ᬭᬤᬾᬦᬶᬭ᭞ᬲᬂᬰ᭄ᬭᬷᬓᬮᬵ
ᬯᬶᬰᬾᬱᬵ᭞ᬓᬂᬯᬸᬲ᭄ᬮᬾᬡᬗᬹᬦ᭄ᬬᬾᬂᬚᬸᬭᬶᬢ᭄᭞ᬓᬶᬢᬲᬧᬵᬭᬦ᭄᭞ᬫᬸᬯᬭᬵᬳ᭄ᬦᬫᬫᬶ᭚ᬲᬶᬦᬳᬸᬭᬦ᭄‌ᬳ᭄ᬬᬳᬶᬗ᭄ᬲᬸᬦ᭄ᬰ᭄ᬭᬷᬭᬵᬫᬩᬤ᭄ᬭ᭞ᬳᬶᬓᬂᬚᬸᬫ᭄ᬦᭂᬂᬳᬚᬶ᭞ᬗ᭄ᬓᬾᬦᬾᬬᭀ
ᬥ᭄ᬬᬧᬸᬭ᭞ᬳᬶᬓᬶᬤᬸᬮᬸᬫᬦᬶᬭ᭞ᬓᬂᬪᬶᬰᬾᬓᬲᬂᬫᬭᬸᬢᬶ᭞ᬲᬂᬚᬬᬮᬸᬤ᭄ᬭ᭞ᬓᬮᬵᬤᬸᬃᬕ᭄ᬕᬵᬰ᭄ᬭᬸᬄᬳᬗ᭄ᬮᬶᬂ᭚ᬲᬃᬯ᭄ᬯᬸᬲ᭄ᬕᬓ᭄ᬓᬮᬗ᭄ᬓᬸᬂᬲᬸᬓᬢ᭄ᬬᬲᬶᬭ᭞ᬓᬂᬲᬶᬦᭂᬤ᭄ᬬᬯᬸᬲ᭄ᬧᬗ᭄ᬕᬶᬄ᭞
ᬳᬾᬄᬲᬶᬭᬵᬫᬩᬤ᭄ᬭ᭞ᬗᭀᬂᬫ᭄ᬗᬍᬲ᭄ᬫᬭᬂᬲᬶᬭ᭞ᬤᭀᬱᬫᬸᬗᬹᬦᬶᬫᬢᬾᬓᬶᬦᬶ᭞ᬚᭂᬭᬶᬫᬦᬶᬗ᭄ᬯᬂ᭞ᬰ᭄ᬭᬶᬓᬮᬵᬯᬶᬰᬾᬱᬵᬚᬶ᭚ᬳᬶᬗᭀᬂᬫᬗ᭄ᬓᬾᬳᬦᭂᬕ᭄ᬤᬸᬃᬤ᭄ᬥᬦᬾᬲᬶᬭ᭞
[᭑᭐᭓ 103A]
᭑᭐᭓
ᬓᭂᬂᬬ᭄ᬬᬩᬩᬮᬂᬲᬶᬣᬶ᭞ᬫᬦᬸᬂᬱᬓᬮᬶᬦ᭄ᬢᬂ᭞ᬦᬶᬱ᭄ᬝᬥᬫᬢᬦ᭄ᬯᭀᬕ᭄ᬬ᭞ᬭᬹᬧᬫᬸᬚᬸᬫ᭄ᬦᭂᬂᬳᬚᬶ᭞ᬳᭀᬯᬳᭀᬯᬦ᭄ᬢᭂᬲᬶᬭ᭞ᬧᬓᬝᬶᬓ᭄ᬓᬸᬤᬳᬾᬱ᭄ᬝᬶ᭚ᬮᬳᬶᬬᬳᬶᬂᬫᬗ᭄ᬓᬾᬚᬜ᭄ᬚᬶ
ᬫᬸᬧᬮᬲ᭄ᬢ᭄ᬭ᭞ᬜᬶᬲᬶᬮ᭄ᬢᬾᬓᬂᬧ᭄ᬭᬱᬶᬯᬶ᭞ᬫᬶᬯᬄᬳᬶᬓᬶᬓᬶᬢ᭞ᬩᭀᬲᬾᬢ᭄ᬧᬶᬭᬜᬯᬜ᭞ᬲᭂᬧᭂᬂᬓᬵᬃᬡ᭄ᬦᬪᬸᬧᬢᬶ᭞ᬭᬵᬫᬯᬷᬚᬬ᭞ᬫᬓᬫ᭄ᬯᬄᬲᬂᬫᬭᬸᬢᬶ᭚ᬲᬓ
ᬭᭀᬦᬾᬓᬮᬶᬦ᭄ᬢᬂᬩ᭄ᬭᬳ᭄ᬫᬵᬢ᭄ᬬᬦᬶᬭ᭞ᬗᬹᬘᬧ᭄ᬲᬃᬯ᭄ᬯᬶᬦᬸᬤᬶᬗᬶ᭞ᬳᬾᬄᬩ᭄ᬮᬶᬲ᭄‌ᬓ᭄ᬯᬾᬳᬦ᭄ᬳᬸᬚᬃ᭞ᬮᬄᬢ᭄ᬭᬧᭂᬦ᭄ᬤᬶᬕ᭄ᬚᬬᬦ᭄ᬢ᭞ᬢᭀᬕᭂᬦ᭄ᬓᬰᭂᬓ᭄ᬢᬾᬦ᭄ᬫᬸᬚᬸᬭᬶᬢ᭄᭞ᬢᬦᬸᬮᬧ᭄ᬳᬶᬗ᭄ᬯᬂ᭞
ᬤᬾᬢ᭄ᬬᬓᬵᬮᬶᬄᬢᬦ᭄ᬲᬶᬧᬶ᭚ᬓ᭄ᬭᭀᬤ᭄ᬥᬦᬶᬭᬮᬚᭂᬂᬧᬥᬵᬫᬸᬢᭂᬃᬕᬥ᭞ᬦᬸᬮᬶᬳᬢᭂᬫ᭄ᬧᬸᬄᬚᬸᬭᬶᬢ᭄᭞ᬲᬂᬧᬧᬦᬧᬸᬢ᭄ᬭ᭞ᬦᬫ᭄ᬗᬸᬢ᭄ᬢᬭᬸᬕᬸᬂᬰᬶᬮ᭄ᬭ᭞ᬯᬫᬾᬧ᭄ᬭᬂᬗ᭄ᬕᬶᬢᬶᬓ᭄ᬕᬶ