[᭘᭒ 82 B]
ᬫᬕᬸᬢ᭄ᬚᬸᬭᬶᬢ᭄᭞ᬭᬤᬾᬦ᭄ᬥᬦᬹᬃᬯᬾᬦ᭄ᬥᬫᬢᬸᬃ᭞ᬓᬳᬸᬮᬤᬢᬦ᭄ᬯᬯᬂ᭞ᬢᬦ᭄ᬤᬶᬂᬬᬸᬤ᭄ᬥᬳᬫᭂᬲᬄᬳᬭᬢᬸᬲᬾᬯᬸ᭞ᬲᬫ᭄ᬧᬸᬦ᭄ᬓᬧᬱ᭄ᬝᬶᬳᬶᬂᬤ᭄ᬭᬶᬬ᭞ᬳᬸᬳᬸᬦ᭄ᬢᬦ᭄ᬦᭂᬦ᭄ᬦᭂᬤ᭄ᬬᬗᬸᬦ᭄ᬤᬸᬭᬶ᭛᭜᭛ᬲᬫ᭄ᬧᬸᬦ᭄ᬢᬸᬯᬦ᭄ᬳᬗ᭄ᬓᭂᬦ᭄ᬫᬦ᭄ᬢᬸᬬᬦ᭄ᬫᬸᬦ᭄ᬤᬸᬃᬭ᭞ᬧᭂᬕᬢᬦ᭄ᬦᬳᬶᬂᬩᬾᬜ᭄ᬚᬶᬂ᭞ᬓ
ᬮᬯᬦ᭄ᬧᬸᬢ᭄ᬭᬦ᭄ᬢ᭞ᬲᬂᬤᬾᬯᬷᬫᬦ᭄ᬦᬶᬓ᭄ᬳᬭ᭞ᬕᬸᬫᬸᬬᬸᬦᬫ᭄ᬩᬸᬂᬗᬶᬳᬗ᭄ᬮᬶᬂ᭞ᬳᬶᬓᬂᬧᬶᬦᭂᬕᬢ᭄᭞ᬫᭀᬗ᭄ᬲᬕᭂᬍᬫᬳᬸᬕᬶ᭛ᬳᬗ᭄ᬮᬶᬂᬯᬶᬓᬸᬩᬶᬦ᭄ᬥᬶᬭᬵᬚᬮᬄᬤᬦ᭄ᬤᬦ᭄ᬦ᭞ᬲᬸᬦ᭄ᬳᬯᭂᬃᬭᬓᭂᬦ᭄ᬦᬸᬮᬶ᭞ᬮᬯᬦ᭄ᬳᬶᬓᬶᬕᬤ᭞ᬲᬸᬦ᭄ᬯᬾᬄᬳᬓᭂᬦ᭄ᬳᬶᬲᬶᬭ᭞ᬳᬩᭂᬢ᭄ᬢᬦ᭄ᬦᬬᬾᬦ᭄ᬳᬚᬸᬭᬶᬢ᭄
᭞ᬗᬫᬹᬓ᭄ᬧ᭄ᬭᬶᬬᭀᬕ᭄ᬕ᭞ᬯ᭄ᬭᬸᬄᬳᬦ᭄ᬦᬶᬭᬲᬂᬧᭂᬓᬶᬓ᭄᭛ᬳᬤᬗᬸᬦ᭄ᬦᬶᬳᬶᬓᬸᬯᬮᬸᬲᬸᬂᬗᬦ᭄ᬦᬶᬂᬗ᭄ᬯᬂ᭞ᬲᬸᬦ᭄ᬧᬸᬚᬤᬤᬶᬩᬶᬦ᭄ᬥᬶ᭞ᬤᬦ᭄ᬭᬤᬦ᭄ᬧᬶᬦᬃᬦ᭄ᬦᬄ᭞ᬲᬾᬂᬲᭂᬮᬦ᭄ᬦᬶᬂᬫᬓᬸᬝ᭞ᬲᬂᬩᬶᬦ᭄ᬥᬶᬭᬵᬚᬮᬸᬫᬭᬶᬲ᭄᭞ᬫᬜ᭄ᬚᬶᬂᬲᬫᭀᬤ᭄ᬭ᭞ᬧ᭄ᬭᬧ᭄ᬢᬾᬂᬢᭂᬍᬂᬳᬦᬸᬮᬶ᭛ᬦᬃᬧᬲᬸᬢᬲᬶ
ᬦᭀᬗ᭄ᬕᬾᬂᬧᭂᬧᭂᬢᬶᬢ᭄ᬳᬶᬭ᭞ᬩᬶᬦ᭄ᬥᬶᬭᬵᬚᬫᬫᬗ᭄ᬲᬶᬢ᭄᭞ᬤ᭄ᬬᬦ᭄ᬧᬸᬢ᭄ᬭᬯᬸᬲ᭄ᬢᭀᬫ᭄ᬧ᭞ᬭᬶᬯᬸᬲ᭄ᬳᬶᬭᬫᬗ᭄ᬓᬦ᭞ᬲᬶᬦᬩᭂᬢ᭄ᬓᭂᬦ᭄ᬭᬵᬚᬲᬶᬯᬶ᭞ᬫᭂᬲᬢ᭄ᬮᬶᬃᬓᬶᬮᬢ᭄᭞ᬦᬶᬃᬲᬓᬶᬂᬚᬮᬦᬶᬤᬶ᭛ᬭᬤᬾᬦ᭄ᬧᬸᬢ᭄ᬭᬤᬯᬄᬲᬚᬯᬶᬦ᭄ᬦᬶᬂᬓᬶᬫ᭞ᬧ᭄ᬭᬧ᭄ᬢᬾᬂᬢᬩᭂᬮᬭᬸᬓ᭄ᬫᬶ᭞ᬤᬸᬓ᭄ᬫᬶᬬᬃᬱ
[᭘᭓ 83 A]
ᬧᬭᬓ᭄᭞ᬕᬸᬫᬸᬭᬸᬄᬫᬯᬸᬭᬄᬳᬦ᭄᭞ᬳᬾᬲᭂᬫ᭄ᬓᬭᬳᭀᬲᬶᬂᬕᬮᬶᬄ᭞ᬤᬾᬦ᭄ᬦ᭄ᬬᬓᬧᬶᬲᬄ᭞ᬮᬦ᭄ᬓᬤᬂᬲ᭄ᬭᬸᬯᬶᬬᬤᬶ᭛ᬫᬦ᭄ᬤᭂᬕ᭄ᬫᬗᬸᬫᬤᭂᬕ᭄ᬳᬢᬢᭂᬓᭂᬦ᭄ᬕᬤ᭞ᬓᬯᬃᬡ᭄ᬦᬳᬤᬶᬢ᭄ᬬᬭᬶᬡ᭄ᬦᬶ᭞ᬯᬸᬲ᭄ᬳᬦᬾᬦᬵᬕ᭄ᬲᬫᭀᬤ᭄ᬭ᭞ᬗᬫ᭄ᬩᬂᬮᬶᬃᬳᬗ᭄ᬕᬂᬳᬗ᭄ᬕᬂ᭞ᬭᬶᬯᬸᬲ᭄ᬦ᭄ᬬᬢᭂᬓᬫᬶᬫᬶᬮᬶᬂ
ᬲᬂᬦᬃᬧᬧᬶᬢ᭄ᬭ᭞ᬩᬶᬦᬮᬂᬳᬓᭂᬦ᭄ᬦᬸᬮᬶ᭛ᬲ᭄ᬭᬸᬫᬍᬲᬢ᭄ᬓᬤ᭄ᬬᬳᬦ᭄ᬥᬭᬸᬮᬸᬫᬸᬭᬧ᭄᭞ᬢᬶᬩᬲᬚᬩᬦᬵᬕ᭄ᬭᬷ᭞ᬳᬶᬂᬢᬩᭂᬮᬋᬢ᭄ᬦ᭞ᬫ᭄ᬬᬃᬱᬲ᭄ᬯᬦ᭄ᬦᬶᬂᬳᬧ᭄ᬭᬂ᭞ᬭᬳᬤᬾᬦ᭄ᬦᬸᬮ᭄ᬬᬮᬸᬫᬭᬶᬲ᭄᭞ᬜᬗ᭄ᬓᬶᬂᬕᬦ᭄ᬥᬾᬯ᭞ᬓᬕ᭄ᬬᬢ᭄ᬫᬸᬮᬢ᭄ᬓᬂᬭᬬᬶ᭛ᬤᬳᬢ᭄ᬲᬫᬃᬲᬓᬶᬂᬤᭀᬄ
ᬧᬶᬦᬮᬚᭂᬂᬗᬦ᭄᭞ᬤᬦᬹᬃᬯᬾᬦ᭄ᬥᬦᬶᬗ᭄ᬳᬮᬶ᭞ᬫ᭄ᬭᬶᬂᬭᬤᬾᬦ᭄ᬢᬦ᭄ᬲᬫᬃ᭞ᬫᬭᬦ᭄ᬦᬶᬕᬸᬭᬮᬹᬶᬯᬮᬦ᭄᭞ᬢᬸᬦ᭄ᬤᬸᬓ᭄ᬓᬤ᭄ᬬᬯ᭄ᬯᭀᬂᬳᬗᬶ᭠ᬫ᭄ᬧᬶ᭞ᬳᬭᬭᬗ᭄ᬓᬸᬮ᭄ᬮᬦ᭄᭞ᬓᬮᬶᬄᬳᬾᬳᬾᬲ᭄ᬫᬸᬢᬗᬶᬲ᭄᭛ᬤᬸᬄᬳᬭᬶᬫᬵᬲ᭄ᬲᬸᬓᬸᬃᬲᬶᬭᬫᬓ᭄ᬱᬶᬄᬕᭂᬲᬂ᭞ᬦᬸᬳᬸᬦ᭄ᬳᬢᬸᬃᬭᬶᬂᬳᬭᬶ᭞᭠
ᬧᬤᬸᬓᬭᬳᬃᬚ᭞ᬲᬸᬓᬸᬃᬭᬶᬦᭂᬓ᭄ᬱᬾᬂᬤᬾᬯ᭞ᬲᬮᬫᬶᬯᭀᬦ᭄ᬢᭂᬦ᭄ᬳᬶᬧᬸᬦ᭄ᬥᬶ᭞ᬫᭀᬚᬃᬓᬂᬭᬓ᭞ᬬᬳᬶᬓᬶᬫᬦ᭄ᬢᬸᬫᬫᬶᬗ᭄ᬚ᭄ᬬᬫᬭᬂᬤᬶᬢ᭄ᬬᬭᬶᬡ᭄ᬦᬶᬳᬶᬂᬧᬭᬂᬧᬶᬤᭂᬓ᭄ᬓᬦ᭄᭞ᬓᬓᬂᬗᬶᬭᬵᬬᬸᬮᬸᬯᬶᬄ᭞ᬳᬭᬦ᭄ᬧᬦ᭄ᬥᬫ᭄ᬯᬸᬯᬦ᭄᭞ᬫᬢᬸᬃᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭞ᬓᬳᬸᬮ
Kaca:Bali-lontar-gaguritan-anging-kusuma-250ppi.pdf/83
Kaca puniki sampun kauji-wacén
