Kaca:Bali-lontar-gaguritan-anging-kusuma-250ppi.pdf/82

Saking Wikisource
Kaca puniki sampun kauji-wacén

[᭘᭑ 81 B]
᭘᭑
ᬦᬲᬶᬯᬄᬲᬭᬫ᭄ᬩᬸᬢ᭄᭞ᬬᬬᬶᬓᬮᬯᬦ᭄ᬲᬶᬭ᭞ᬓᬤ᭄ᬬᬧᭂᬘᬢ᭄ᬳᬢ᭄ᬫᬦ᭄ᬦᬶᬗ᭄ᬲᬸᬦ᭄ᬤᬸᬓ᭄ᬳᬦ᭄ᬤᬸᬮᬸ᭞ᬤᬾᬦᬾᬤᬸᬯᬾᬯᬦᭀᬤ᭄ᬬ᭠ᬦ᭄ᬤᬄ᭞ᬳᬓᭂᬫ᭄ᬪᬃᬮᬦ᭄ᬲᬶᬭᬕᬸᬲ᭄ᬢᬶ᭛ᬮᬫᬸᬦ᭄ᬢᬦ᭄ᬩᬶᬲᬫᬗ᭄ᬕᬶᬳᬾ᭞ᬳᬯᬦ᭄ᬳᬶᬓᬂᬓᬲᬢ᭄ᬫᬢᬚ᭄ᬭᭀᬦ᭄ᬦᬶᬂᬕᬸᬮᬶᬂ᭞ᬢᬦ᭄ᬯᬸᬗ᭄ᬓᭀᬂᬢᭂᬫᬄᬳᬶᬂᬮᬫ᭄ᬧᬸ
ᬲ᭄᭞ᬓᬂᬤᬤ᭄ᬬᬾᬫᭂᬗᬶᬂᬤ᭄ᬭᬶᬬ᭞ᬳᬶᬂᬢᬩᭂᬮᬋᬢ᭄ᬦᬫᬦ᭄ᬦᬶᬭᬤᬸᬭᬸᬂᬯ᭄ᬭᬸᬄ᭞ᬧᬭᬦ᭄ᬢᬩᬶᬗᬄᬭᬾᬳᬶᬂᬗ᭄ᬯᬂ᭞ᬢᬫᬦ᭄ᬯᬸᬦ᭄ᬧ᭄ᬭᬮᬬᬓᬶᬂᬗ᭄ᬓᬶᬦ᭄᭛ᬲᬂᬤ᭄ᬬᬄᬤᬓ᭄ᬫ᭄ᬬᬸᬃᬣᬮᬶᬂᬗᬶᬭ᭞ᬳᬶᬓᬂᬭᬓᬫᬾᬲᭂᬫ᭄ᬳᬸᬫᬢᬸᬃᬳᬭᬶᬲ᭄᭞ᬓᬮᬶᬗ᭄ᬳᬦ᭄ᬦᬾᬦᬳᭂᬦ᭄ᬯᬸᬬᬸᬂ᭞ᬓᬲ᭄ᬫᬭᬦ᭄ᬳᬶᬂᬲᬸᬧᭂᬦ᭄ᬦ᭞ᬩᭀᬓ᭄ᬳᬶ
ᬬᬳᬯᬶᬦ᭄ᬦᬮᬾᬄᬫᬳᬸᬫᬳᬸ᭞ᬢᬦ᭄ᬓᬃᬬ᭄ᬬᬲᬮᬄᬕ᭄ᬭᬳᬶᬢ᭞ᬢᭂᬓᬳᬫᬸᬂᬫᬸᬳᬸᬂᬓᬶᬗ᭄ᬓᬶᬦ᭄᭛ᬚᬫᬦ᭄ᬯᭀᬂᬗᬤᬸᬯᬾᬓᬃᬱ᭞ᬧᬶᬦ᭄ᬦᭂᬘᬃᬬ᭄ᬬᬫᬭᬂᬓᬲᬶᬄᬳᬾᬘᬾᬝᬶ᭞ᬫᬦᬯᬩᬶᬲᬢᬸᬢᬸᬮᬸᬂ᭞ᬤᬶᬦᬮᬶᬄᬳᬦ᭄ᬦᬓ᭄ᬱᬃᬧ᭄ᬧ᭞ᬩᬺᬓᬲᬓ᭄ᬓᬦ᭄‌ᬫᭀᬗ᭄ᬲᬩᬗ᭄ᬓᬶᬢ᭄ᬢᬫᭀᬂ
ᬫᬭᬸ᭞ᬧᬶᬦᬥᬮᬦ᭄ᬳᬾᬲ᭄ᬢ᭄ᬭᬷᬭᬸᬘᬄ᭞ᬲᭂᬭᬶᬓ᭄ᬢᬶᬦ᭄ᬦᬦ᭄ᬥᬶᬂᬓᭂᬦ᭄ᬳᬶᬂᬲᬶᬄ᭛ᬳᬜᭂᬮᬶᬃᬭᬓᬯᬦ᭄ᬥᬰ᭞ᬳᬗ᭄ᬕᭂᬃᬳᬬ᭄ᬯᬮᬮᬶᬫᬭᬂᬯᬓ᭄ᬫ᭠ᬫᬶ᭞ᬮᬄᬚᭂᬦ᭄ᬦᬢ᭄ᬳᬸᬘᬸᬮ᭄ᬦᬳᬶᬗ᭄ᬲᬸᬦ᭄᭞ᬗᭀᬂᬫᬢᬸᬃᬳᬶᬂᬚᭂᬂᬭᬵᬫ᭞ᬲᬂᬤ᭄ᬬᬄᬮ᭄ᬬᬳᬗᬸᬤᬸᬦ᭄ᬳᬓᭂᬦ᭄ᬢᬸᬫᬦ᭄ᬥᬸᬓ᭄᭞ᬳᬶᬂᬲᬗ᭄ᬕᬃᬲᬃᬯᬶᬓᬭᬸ
[᭘᭒ 82 A]
ᬡ᭞ᬓᬂᬭᬵᬫᬓᬧᬗ᭄ᬕᬶᬄᬳᬸᬮᬶᬂ᭛ᬕᬶᬦᬸᬕᬄᬢᬗᬶᬳᬦ᭄ᬦᬧ᭞ᬳᬦᬧᬭᬦ᭄ᬲᬶᬭᬢᭂᬓᬳᬦᬗᬶᬲ᭄᭞ᬳᬧᬩᬶᬦ᭄ᬦᭂᬦ᭄ᬥᭀᬦ᭄ᬳᬶᬂᬓᬓᬸᬂ᭞ᬫᬢᬸᬃᬤᬯᬦ᭄ᬤᬶᬦᬸᬓᬦ᭄᭞ᬫᬦ᭄ᬢᬸᬦ᭄ᬥᬶᬓᬓᬲ᭄ᬫᬭᬦ᭄ᬩᬶᬫ᭄ᬧᬶᬓᬧ᭄ᬗ᭄ᬕᬸᬄ᭞ᬮᬦ᭄ᬤ᭄ᬬᬄᬳᬶᬂᬢᬩᭂᬮᬋᬢ᭄ᬦ᭞ᬯᬲ᭄ᬢᬤᬾᬯᬶᬭᬦ᭄ᬢᬦ᭄ᬲᬭᬷ᭛
ᬤᬸᬄᬭᬵᬫᬳᬾᬦᬵᬕ᭄ᬕᬮ᭄ᬳᬸᬦ᭄ᬢᬧ᭄ᬦ᭞ᬫᬦ᭄ᬢᬸᬦ᭄ᬥᬶᬓᬳᬾᬫᬦ᭄ᬬᬾᬦ᭄ᬫᬵᬢᬶᬓᬶᬗ᭄ᬓᬶᬦ᭄᭞ᬲᬂᬩᬶᬦ᭄ᬥᬶᬭᬵᬚᬳᬫᬸᬯᬸᬲ᭄᭞ᬳᬸᬦ᭄ᬥᬗᭂᬦ᭄ᬮᬓᬶᬦ᭄ᬦᬶᬭ᭞ᬭᬤᬾᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬗᬃᬱᬤᬳᬢ᭄ᬧᬸᬦ᭄ᬢ᭄ᬭᬸᬢ᭄᭞ᬳᬗ᭄ᬮᬶᬂᬩᬶᬦ᭄ᬥᬶᬭᬵᬚᬧᬭᬦ᭄᭞ᬓᬃᬱᬦ᭄ᬢᬓᬮᬗ᭄ᬓᬸᬂᬢᭂᬩᬶᬄ᭛ᬦᬵᬕ᭄ᬭᬷᬳᬶᬂᬢ
ᬩᭂᬮᬋᬢ᭄ᬦ᭞ᬤᬲᬃᬮᬕᬶᬳᬦᬧ᭄ᬭᬂᬕᭂᬤᬾᬫᬗ᭄ᬓᬶᬦ᭄᭞ᬓᬂᬤᬤ᭄ᬬᬧ᭄ᬭᬯᬶᬢᬾᬂᬧᬸᬧᬸᬄ᭞ᬭᬢᬸᬲᬾᬯᬸᬦᬵᬕᬭ᭞ᬳᬗᬬᬸᬦ᭄ᬦᬶᬧᬸᬢ᭄ᬭᬷᬦ᭄ᬦᬶᬭᬲᬂᬗᬧ᭄ᬭᬪᬸ᭞ᬤᬤ᭄ᬬᬯᬾᬄᬓᬾᬯ᭄ᬭᬦ᭄ᬦᬶᬂᬤ᭄ᬭᬶᬬ᭞ᬦᬶᬭᬓᬂᬳᬤᬃᬩᬾᬲᬶᬯᬶ᭛ᬦᬸᬮ᭄ᬬᬓᬃᬱᬦ᭄ᬦᬾᬲᬂᬦᬵᬣ᭞ᬳᬶᬗᬦ᭄ᬤᬸ᭠
ᬩᬵᬦ᭄ᬥ᭞ᬧᬸᬢ᭄ᬭᬶᬦ᭄ᬦᬶᬭᬓᬶᬦᬃᬬ᭄ᬬᬧᬲᬂᬗ᭄ᬕᬶᬢᬶ᭞ᬭᬢᬸᬲᬵᬰ᭄ᬭᬭᬵᬚᬫᬳᬸ᭞ᬳᬶᬂᬗᬬᬸᬤ᭄ᬥᬗᬤᬸᬩᭀᬦ᭄ᬥ᭞ᬲᬧᬳᬶᬓᬂᬚᬬᬫᬤ᭄ᬬᬦ᭄ᬦᬶᬂᬧ᭄ᬭᬂᬧᬸᬧᬸᬄ᭞ᬢᬶᬦᬭᬶᬫᬧᬸᬢ᭄ᬭᬷᬦ᭄ᬦᬶᬭ᭞ᬫᬃᬫ᭄ᬫᬦᬾ ᬓᬂᬧᬭᬳᬚᬶ᭛ᬫᬤᭂᬕ᭄ᬕᬶᬂᬲᬬᭂᬫ᭄ᬪᬭᬾᬦ᭄ᬤ᭄ᬭ᭞ᬳᬧᬲᬶᬭᬯᬦ᭄ᬦᬶᬕ᭠