[᭑᭓ 13 B]
᭑᭓
ᬫᬸᬂᬲᬸᬄᬲᬬᭂᬓ᭄ᬢᬶ᭛ᬯᬸᬲ᭄ᬳᬗ᭄ᬭᬸᬲᬓ᭄ᬓᬂᬧᬤᬾᬰᬦ᭄᭞ᬳᬶᬓᬂᬗᭀᬭᬢᭂᬓᬳᬾᬦᬓ᭄ᬳᬫᬃᬕ᭄ᬕᬶ᭞ᬳᬾᬄᬤᭂᬫᬂᬫᬭᬤᬾᬦ᭄ᬕᬸᬧᬸᬄ᭞ᬫ᭄ᬭᬶᬂᬗᬧᭀᬤᭀᬓ᭄ᬧᬗᬃᬱ᭞ᬢᬢᬓᭀᬦ᭄ᬦᬲᬬᭂᬓ᭄ᬢᬶᬯᬶᬲᬢᬲᬫ᭄ᬧᬸᬦ᭄᭞ᬫᬜ᭄ᬚᬶᬂᬧᬓᬸᬯᭀᬦ᭄ᬧᬗᬃᬱ᭞ᬧ᭄ᬭᬢᬶᬯᬦ᭄ᬦᬾᬬᬫᬂᬚ᭄ᬭᬶᬄ
ᬳᬶ᭛ᬤᭂᬫᬂᬧᬩᬾᬬᬦ᭄ᬢᬢᬦ᭄ᬦ᭄ᬬ᭞ᬳᬾᬄᬓᬶᬲᬦ᭄ᬦᬓ᭄ᬳᬶᬓᬶᬯ᭄ᬯᭀᬂᬗᬕᬸᬂᬧᬸᬦ᭄ᬥᬶ᭞ᬳᬶᬓᬂᬢᭂᬦ᭄ᬓᬦ᭄ᬲᬸᬫᬳᬸᬃ᭞ᬯ᭄ᬯᭀᬂᬗᬕᬸᬂᬢᬦ᭄ᬦᬲᬩ᭄ᬭᬂ᭞ᬦᬵᬕᬭᬦ᭄ᬦᬾᬳᬶᬂᬲᭀᬓᬭᬸᬫᭂᬫ᭄ᬪᬾᬧ᭄ᬭᬪᬸ᭞ᬳᬚᬸᬚᬸᬮᬸᬓ᭄ᬱᭂᬓ᭄ᬢᬶᬰᬹᬭ᭞ᬗᬚᬯᬗᬸᬮᬃᬭᬶᬂᬲᬶᬯᬶ᭛ᬫᬹᬃᬓ᭄ᬓᬲᬓᬶᬂᬧᬕᬸ᭠
ᬮᬶᬗᬦ᭄᭞ᬓᬓᬲᬶᬄᬳᬾᬤᬾᬯᬶᬫᬬᬂᬲᬭᬷ᭞ᬳᬸᬚᬃᬭᬶᬂᬲ᭄ᬯᬭᬓᬂᬢᬸᬤᬸᬄ᭞ᬲᬂᬤ᭄ᬬᬄᬳᬦᬾᬂᬫᬮᬯ᭞ᬫᬶᬮᬵᬜ᭄ᬚᬸᬚᬸᬕ᭄ᬫᬭᬶᬓᬶᬦᬭᬾᬦ᭄ᬤ᭄ᬭᬦ᭄ᬦᬶᬗ᭄ᬲᬸᬦ᭄᭞ᬤᬳᬦᭀᬢ᭄ᬳᭀᬦ᭄ᬦᭂᬂᬭᬶᬂᬗᬢ᭄ᬫᬚ᭞ᬓᬶᬤᭂᬫᬂᬗᬭᬶᬲ᭄ᬦᬸᬯᬸᬃᬭᬶ᭛ᬲᬫ᭄ᬧᬸᬦ᭄ᬕᬕᬃᬯ᭄ᬯᬫ᭄ᬭᬶᬂᬦᬵᬣ᭞ᬳᬗ᭄ᬮᬶᬂᬥᬃ᭠
ᬫ᭄ᬫᬭᬢᬸᬫᬦ᭄ᬦᬶᬭᬗ᭄ᬭᬶᬓᬶ᭞ᬧᬹᬃᬯ᭄ᬯᬦ᭄ᬦᬾᬧᬗ᭄ᬕᬶᬄᬲᬂᬧ᭄ᬭᬪᬸ᭞ᬮᬾᬦ᭄ᬥᬾᬯᬶᬫᬬᬂᬲᭂᬓᬃ᭞ᬯᬶᬦᬯᬧ᭄ᬭᬂᬫ᭄ᬭᬶᬮᬓᬶᬦ᭄ᬦᬾᬬᬦ᭄ᬲᬂᬧ᭄ᬭᬪᬸ᭞ᬳ᭠ᬭᬦ᭄ᬭᬵᬚᬧᬜ᭄ᬘᬤ᭄ᬬᬡ᭄ᬦ᭞ᬮᬸᬫᬸᬭᬸᬕ᭄ᬫ᭄ᬭᬶᬂᬫ᭄ᬮᬯᬧᬢᬶ᭛ᬲᬓᬶᬂᬳᬶᬂᬲᬶᬫ᭄ᬪᬃᬫᬜᬸᬭ᭞ᬢᬦ᭄ᬦᬄᬲᬩ᭄ᬭᬂᬯᬳᬸᬓᬂᬋᬓ᭄ᬱᬲᬵᬚᬶ᭞ᬓᬸᬫ᭠
[᭑᭔ 14 B]
ᬲᬸᬭᬂᬳᬫ᭄ᬩᭂᬕ᭄ᬭᬸᬲᬸᬄ᭞ᬳᬤᬶᬕᬸᬂᬳᬤᬶᬕᬸᬡ᭄ᬦ᭞ᬢᭂᬫ᭄ᬧᬸᬄᬳᬶᬂᬧ᭄ᬭᬂᬧᬤᭂᬫ᭄ᬲᬯᬤ᭄ᬬᬦ᭄ᬦᬾᬤᬶᬬᬸ᭞ᬤᬾᬦ᭄ᬦᬾᬩᬮᬦ᭄ᬦᬾᬫᬵᬦᬸᬂᬲ᭄ᬯ᭞᭠ᬦᬸᬗ᭄ᬓᬸᬮ᭄ᬲᬤᬬᬳᬦᬗ᭄ᬓᬶᬮ᭄᭛ᬫ᭄ᬭᬶᬂᬕᬸᬲ᭄ᬢᬶᬰ᭄ᬭᬷᬳᬗ᭄ᬮᬶᬂᬥᬃᬫ᭄ᬫ᭞ᬧ᭄ᬭᬭᬩᬶᬦ᭄ᬦᬾᬤᬶᬢ᭄ᬬᬵᬚᬶᬮᬾᬦ᭄ᬩᭀᬬᭀᬂᬗᬶ᭞ᬓᬂᬤᬤ᭄ᬬᬢᬸᬢᬸᬗ᭄ᬕᬸᬮ᭄ᬮᬶ
ᬧᬸᬦ᭄᭞ᬯᬲ᭄ᬢᬓᬾᬦ᭄ᬫᬬᬂᬲᭂᬓᬃ᭞ᬍᬯᬶᬄᬳᬬᬸᬫᬶᬮᬓᬕᬃᬯ᭄ᬯᬾᬂᬲᬂᬧ᭄ᬭᬪᬸ᭞ᬫᬢᬸᬃᬭᬭᬶᬂᬭᬵᬚᬦ᭄ᬦᬶᬭ᭞ᬳᬾᬲ᭄ᬢᬸᬓᬂᬧᬸᬢ᭄ᬭᬶᬦᬾᬂᬗ᭄ᬭᬶᬓᬶ᭛ᬫᬶᬯᬄᬦᬸᬮᬶᬳᬢᬸᬃᬭᬦ᭄ᬦ᭞ᬰ᭄ᬭᬷᬦᬭᬾᬦ᭄ᬤ᭄ᬭᬳᬸᬫᬜ᭄ᬚᬶᬂᬫ᭄ᬭᬶᬂᬦᬵᬕᬭᬷ᭞ᬤᬾᬦ᭄ᬢᬧ᭄ᬭᬧ᭄ᬢᬧᬸᬦ᭄ᬦᬶᬓᬸ᭞ᬲᬓᬧ᭄ᬭᬩᭀᬓ᭄ᬦᬶᬂᬬᬸᬤ᭄ᬥ᭞
ᬦᬶᬦ᭄ᬥ᭄ᬬᬫᬦ᭄ᬢ᭄ᬭᬶᬪᬝᬶᬓ᭄ᬫᬥ᭄ᬭᬶᬫ᭄ᬯᬲ᭄ᬢᬦ᭄ᬦᬶᬧᬸᬦ᭄᭞ᬧ᭄ᬭᬧ᭄ᬢᬦ᭄ᬦᬶᬂᬗᬃᬱᬫᬤᬓ᭞ᬬᭀᬤᬕᬶᬂᬓᬂᬳᬦ᭄ᬥᬢᭂᬗᬶ᭛ᬲᬓᬶᬂᬤᬾᬦ᭄ᬦᬶᬂᬓᬢᬫ᭄ᬩᭂᬢᬦ᭄᭞ᬫᬃᬫ᭄ᬫᬓᬸᬮᬓᬶᬦᬾᬦ᭄ᬢᬦ᭄ᬬᬭᬸᬫᬶᬳᬶᬦ᭄᭞ᬭᬾᬄᬦ᭄ᬦᬶᬂᬫᬗ᭄ᬓᬾᬲᬫ᭄ᬧᬸᬦ᭄ᬢᬦ᭄ᬢᬸ᭞ᬬᬾᬦ᭄ᬫᬃᬲᭂᬧᬸᬄᬦᬭᬾᬦ᭄ᬤ᭄ᬭ᭞ᬮᬄᬢᬲᬫ᭄ᬧᬸ
ᬦ᭄ᬓᬂᬲᬦ᭄ᬦᬓ᭄ᬓᬸᬮᬵᬃᬱᬯᬗ᭄ᬲᬸᬮ᭄᭞ᬳᬸᬫᬢᬸᬃᬳᬶᬓᬶᬳᬧᬢ᭄ᬬ᭞ᬤᭂᬫᬂᬧᬩᬾᬬᬦ᭄ᬢᬸᬫᬸᬮᬶᬄ᭛ᬯᬸᬲ᭄ᬧ᭄ᬭᬧ᭄ᬢᬳᬶᬂᬗᬃᬱᬦ᭄ᬦᬶᬭ᭞ᬧᬢᬶᬄᬪᬝᬶᬓ᭄ᬫᬥ᭄ᬭᬶᬫ᭄ᬳᬢᬸᬃᬳᬸᬤᬦ᭄ᬦᬶ᭞ᬤᬾᬦ᭄ᬦᬾᬫᭂᬗ᭄ᬲᬄᬳᬶᬓᬂᬭᬯᬸᬄ᭞ᬬᭂᬦ᭄ᬢᬶᬦ᭄ᬦᬶᬧᬸᬦ᭄ᬦᬭᬾᬦ᭄ᬤ᭄ᬭ᭞ᬳᬶᬂᬲᭀᬓᬭᬸᬫᭂᬫ᭄ᬩᬾᬰᬹᬭᬵ
Kaca:Bali-lontar-gaguritan-anging-kusuma-250ppi.pdf/14
Kaca puniki sampun kauji-wacén
