[᭑᭒ 12 B]
᭑᭒
ᬮᬬᬃᬧᭂᬫᬵᬓ᭄ᬕᬸᬫᬶᬢᬶᬃ᭞ᬳᬦᬮᬬᬃᬫᬾᬖᬫᭂᬦ᭄ᬥᬸᬂ᭞ᬮᬮᬬᬃᬩᬗᬸᬦ᭄ᬢᬸᬮᬓ᭄᭞ᬳᬦᬳᬶᬓᬂᬧᬲᬶᬲᬶᬃᬭᬾᬓᭂᬫ᭄ᬩᬂᬓᬂᬓᬸᬂ᭞ᬳ᭠ᬦᬓᬂᬫᭀᬯᬭᬶᬦ᭄ᬦᭂᬗ᭄ᬕ᭞ᬢᬶᬦ᭄ᬦᬶᬗ᭄ᬓᬄᬫᬦ᭄ᬥᬭᬕᬶᬭᬶ᭛ᬢᬶᬢᬶᬄᬳᬦ᭄ᬦᬶᬭᬲᬂᬦᬵᬣ᭞ᬯᬗ᭄ᬓᬂᬳᬰ᭄ᬭᬶᬮᬬᬃᬭᬾᬲᬸᬢ᭄ᬭᬓᬸᬦ᭄ᬦᬶᬂ᭞ᬩᬳᬶᬢᬓᬂ
ᬯᬶᬦ᭄ᬭᬢ᭄ᬲᬗᬸ᭞ᬳᬦᬾᬦᬵᬕ᭄ᬯᬸᬭᬶᬲᬤᬬ᭞ᬮᬬᬃᬯᬭᬶᬂᬩᬕᭀᬧᬾᬮᬄᬢᬦᬓᬲᬸᬢ᭄᭞ᬳᬾᬂᬮᬯᬸᬢ᭄ᬧᬢᬶᬂᬩᬍᬲᬃ᭞ᬳ᭠ᬲ᭄ᬭᬸᬧᬦᭂᬫ᭄ᬧᬸᬄᬳᬶᬂᬗᬗᬶᬦ᭄᭛ᬤᬳᬢ᭄ᬓᬯᬃᬡ᭄ᬦᬳᬶᬂᬫᬃᬕ᭄ᬕ᭞ᬳᬶᬂᬢᬮᬢᬄᬫᬮᬯᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬳᬜ᭄ᬚᬸᬚᬸᬕ᭄ᬫᬸᬯᬭᬦ᭄ᬦᬶᬧᬸᬦ᭄᭞ᬲ
ᬤᬬᬮᬩᬸᬄᬚᬗ᭄ᬓᬃ᭞ᬰ᭄ᬭᬷᬪᬹᬧᬢᬶᬫᭂᬦ᭄ᬢᬲ᭄ᬳᬶᬂᬤᬭᬢ᭄ᬢᬦ᭄ᬲᬫ᭄ᬧᬸᬦ᭄᭞ᬓᬂᬫᬃᬕ᭄ᬕᬶᬲᬭᬶᬳᬓᬧᬂ᭞ᬫᬃᬕᬶᬮ᭄ᬧᬶᬗ᭄ᬕᬶᬃᬭᬶᬂᬧᬲᬶᬲᬶᬃ᭛ᬓᬕ᭄ᬬᬢ᭄ᬓᬶᬤᭂᬫᬂᬧᬩᬾᬬᬦ᭄᭞ᬫᬸᬮᬢ᭄ᬮᬫᬸᬦ᭄ᬕᬕᬫᬦ᭄ᬳᬕᬵᭂᬂᬧ᭄ᬭᬧ᭄ᬢᬶ᭞ᬳᬦᬃᬓ᭄ᬓᬬᬾᬦ᭄ᬫᬸᬂᬲᬸᬄᬭᬯᬸᬄ᭞ᬲᬓᬶᬲᬶᬫ᭄ᬩᭂᬃᬫᬜᬸᬭ᭞ᬳᬩᬦ᭄ᬢᬸ᭠
ᬧ᭄ᬭᬂᬗᬶᬭᬲᬫ᭄ᬧᬸᬯᬦ᭄ᬕᭂᬫ᭄ᬧᬸᬃ᭞ᬕᬸᬧᬸᬄᬓᭂᬤᭂᬫᬂᬧᬩᬾᬬᬦ᭄᭞ᬦᬶᬢᬶᬄᬓᬸᬤᬦᬦ᭄ᬥᭂᬃᬫᬭᬶᬂ᭛ᬦᬵᬕᬭᬳᬢᬸᬃᬳᬸᬦ᭄ᬦᬶᬗ᭞ᬮᬫ᭄ᬧᬄᬳᬶᬭᬯᬸᬲ᭄ᬧ᭄ᬭᬧ᭄ᬢᬾᬂᬧᬵᬜ᭄ᬘᬦ᭄ᬦᬶᬢᬶ᭞ᬫᬋᬓ᭄ᬳᬶᬂᬧᬢᬶᬄᬳᬸᬫᬢᬸᬃ᭞ᬯ᭄ᬯᭀᬦ᭄ᬢᭂᬦ᭄ᬕᬕᬫᬦ᭄ᬧ᭄ᬭᬧ᭄ᬢ᭞ᬲᬓᬶᬂᬲᬶᬫ᭄ᬪᭂᬃᬫᬜᬸᬭᬲᬫ᭄ᬬᬩᬩ
[᭑᭓ 13 A]
ᬦ᭄ᬢᬸ᭞ᬳᬶᬂᬬᬸᬤ᭄ᬥᬯ᭄ᬯᭀᬦ᭄ᬢᭂᬦ᭄ᬲᬍᬓ᭄ᬱ᭞ᬩᬭᬶᬲ᭄ᬦᬾᬦᬵᬕ᭄ᬧᬶᬗ᭄ᬕᬶᬃᬧᬲᬶᬲᬶᬃ᭛ᬳᬗ᭄ᬮᬶᬂᬯᬶᬚᬦᬃᬓ᭄ᬓᬧᬢ᭄ᬬ᭞ᬧᬭᬦ᭄ᬓᬃᬱᬓᬓᬮᬫᬸᬦ᭄ᬲᬯᬯᬶ᭞ᬢᬸᬃᬳᬸᬦ᭄ᬦᬶᬗᬳᬶᬂᬲᬂᬧ᭄ᬭᬪᬸ᭞ᬧᬢᬶᬄᬫᬥ᭄ᬭᬶᬫ᭄ᬢᬦ᭄ᬧᬫ᭄ᬪᬓ᭄᭞ᬳᬶᬗ᭄ᬲᬸᬦ᭄ᬤᬸᬭᬸᬂᬧᬦᬸᬚᬸᬲᬶᬭᬢᬸᬃᬯᭂᬭᬸᬄ᭞ᬲᭂᬕᬄᬚᭂᬦ᭄ᬦᭂᬂᬗᬶᬂᬓ
ᬳᬸᬮ᭞ᬳᬓᬃᬬ᭄ᬬᬓᬳᬾᬢ᭄ᬢᬶᬂᬕᬸᬲ᭄ᬢᬶ᭛ᬳᬶᬂᬩᬾᬲᬸᬓ᭄ᬢᬸᬃᬭᬳᬸᬦ᭄ᬦᬶᬗ᭞ᬫ᭄ᬭᬶᬂᬦᬭᬾᬦ᭄ᬤ᭄ᬭᬬᬾᬦ᭄ᬯᬸᬲ᭄ᬳᬶᬗ᭄ᬲᬸᬦ᭄ᬓᬚᭀᬤᬶ᭞ᬳᬬ᭄ᬯᬦᬯ᭄ᬯᭀᬂᬫᬶᬮᬸᬫᬶᬮᬸ᭞ᬳᬶᬗ᭄ᬲᬸᬦ᭄ᬤᬾᬯᬾᬓᬂᬫᬧᬕ᭄᭞ᬮᬫᬸᬦ᭄ᬳᬦᬳᬶᬓᬂᬩᭂᬤᬶᬮ᭄ᬕᬸᬫᬭᬸᬤᬸᬕ᭄᭞ᬮᬦ᭄ᬲᬸᬭᬓ᭄ᬳᬫ᭄ᬩᬮ᭄ᬳᬶᬂᬗᬫ᭄ᬩᬮ᭄᭞
ᬲᬶᬭᬩᬚᬹᬶᬩᬦ᭄ᬢᬸᬳᬕ᭄ᬮᬶᬲ᭄᭛ᬮᬦ᭄ᬳᬶᬓᬶᬤᬸᬭᬸᬂᬓᬭᬸᬯᬦ᭄᭞ᬮᬫᬸᬦ᭄ᬦ᭄ᬬᬳᬫᬸᬂᬲᬸᬄᬬᭂᬓ᭄ᬢᬶᬲᬸᬦ᭄ᬢᬸᬲ᭄᭞ᬤ᭄ᬬᬦ᭄ᬯᬶᬚᬦᬃᬓ᭄ᬓᬳᬦ᭄ᬥᭂᬓᬸ᭞ᬳᬦᬹᬢ᭄ᬓᬃᬱᬦ᭄ᬦᬶᬂᬭᬓ᭞᭠ᬪᬝᬶᬓ᭄ᬫᬥ᭄ᬭᬶᬫ᭄ᬧᬭᬾᬦ᭄ᬢᬄᬫ᭄ᬭᬶᬂᬯᬤ᭄ᬬᬦ᭄ᬦᬶᬧᬸᬦ᭄᭞ᬲᬫ᭄ᬬᬲᬫᭂᬓ᭄ᬢᬲᬤᬬ᭞ᬩᬸᬩᬃᬲᬕᬸᬂ
ᬓᬂᬗᬦ᭄ᬗᬓᬶᬮ᭄᭞᭛ᬓᬶᬧᬢᬶᬄᬫᬥ᭄ᬭᬶᬫ᭄ᬓ᭄ᬬᬩᬸᬤᬮ᭄᭞ᬲᬯᬤ᭄ᬬᬦ᭄ᬦᬾᬲᬗ᭄ᬓᭂᬧ᭄ᬓᬧ᭄ᬭᬩᭀᬜ᭄ᬚᬸᬭᬶᬢ᭄᭞ᬤᭂᬫᬂᬲᬩᬦ᭄ᬥᬃᬦᬂᬗᬬᬸᬦ᭄᭞ᬢᬦ᭄ᬓᬯᬃᬡ᭄ᬦᬦᬾᬂᬫᬃᬕ᭄ᬕ᭞ᬧ᭄ᬭᬧ᭄ᬢᬳᬶᬂᬧᬲᬶᬲᬶᬃᬓᬾᬦ᭄ᬥᭂᬮ᭄ᬮᬫ᭄ᬧᬄᬳᬶᬧᬸᬦ᭄᭞ᬪᬝᬶᬓ᭄ᬫᬥ᭄ᬭᬶᬫ᭄ᬳᬗᬦ᭄ᬥᬶᬓ᭞ᬬᬾᬦ᭄ᬳᬶᬓᬶ
Kaca:Bali-lontar-gaguritan-anging-kusuma-250ppi.pdf/13
Kaca puniki sampun kauji-wacén
