[᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬧᬸᬄᬲᬶᬦᭀᬫ᭄᭟᭐᭟ᬇᬗ᭄ᬲᬸᬦ᭄ᬳᬫᬶᬫᬶᬢ᭄ᬬᬫᬃᬡ᭄ᬦᬵ᭞ᬘᬭᬶᬢᬦᬾ ᬯᭀᬂᬫᬾᬦᬓ᭄ᬳᬫ᭄ᬫᬶᬃ᭞ᬳᬗ᭄ᬮᬸᬭᬸᬕ᭄ᬧᬸᬦᬂᬦᬕᬭ᭞ᬳᬦᭂᬗ᭄ᬕᬶᬳᬶᬩᬸᬓᬶᬢ᭄ᬩ᭄ᬭᬚᬶ᭞ᬯᬸᬲ᭄ᬓᬦ᭄ᬤᬧ᭄ᬰ᭄ᬭᬶᬪᬸ
ᬧᬢᬶ᭞ᬅᬫ᭄ᬱ᭄ᬬᬄᬚᬸᬫᭂᬦᭂᬗᬧ᭄ᬭᬪᬹ᭞ᬮᬶᬦ᭄ᬢᬂᬯᬶᬃᬬ᭄ᬬᬦᬕᬭ᭞ᬲᬂᬧ᭄ᬭᬪᬸᬭᬶᬂᬩᬸᬓᬶᬢ᭄ᬩ᭄ᬭᬚᬶ᭞ᬳᬗᬯᬶᬣᬵ᭞ᬳᬶᬂᬲᬶᬭᬅᬫ᭄ᬫᬶᬃᬭᬫ᭄ᬱ᭄ᬬᬄ᭟᭐᭟ᬳᭂᬦᭂᬗᬓᭂᬦᬧᬸᬦᬶᬓᬵ᭞ᬭᬤᬾᬦ᭄ᬳᬶᬃᬫ᭄ᬫᬦ᭄ᬓᬯᬃᬡ᭄ᬦᬷ᭞ᬲᬋᬂᬮᬦ᭄ᬧᬧ
ᬢᬶᬄᬩᬓ᭄ᬢ᭄ᬬᬃ᭞ᬳᬦᬦᬾᬓᬶᬩᬓ᭄ᬢᬓ᭄ᬲᬶᬗ᭄ᬕᬶᬄ᭞ᬩᬓ᭄ᬢ᭄ᬬᬃᬯᬶᬯᬶᬓᬲᬦ᭄ᬤᬶ᭞ᬳᬗ᭄ᬮᬫᬃᬧᬸᬢ᭄ᬭᬶᬲᬂᬧ᭄ᬭᬪᬸ᭞ᬫᬭᬶᬂᬩᬂᬩᬂᬭᬶᬦᬕᬭ᭞ᬭᬢᬸᬕᬸᬂᬩᬮᬵᬦᬺᬧᬢᬶ᭞ᬧᬸᬢ᭄ᬭᬶᬦᬶᬭ᭞ᬓᬓᬰᬶᬄᬦᬶᬍᬗ᭄ᬓᬲᬭ᭄ᬬ᭟᭐᭟ᬰᬦ᭄ᬢᬶᬯ
ᬕᭂᬤ᭄ᬫᬗᬫ᭄ᬩᬭ᭞ᬲᬂᬧ᭄ᬭᬪᬹᬲᬸᬓᬦᬫ᭄ᬧᬦᬶᬦ᭄᭞ᬅᬧᬦ᭄ᬳᬫ᭄ᬫᬦ᭄ᬲᬸᬲᬸᬳᬸᬦᬦ᭄᭞ᬧᬦᭂᬫ᭄ᬩᬳᬦ᭄ᬲᬓᬾᬗᬚᬶ᭞ᬤᬦ᭄ᬩᬸᬚᬦᬫᬶᬯᬄᬓᬺᬢ᭄ᬢᬶ᭞ᬭᬶᬂᬩᬂᬩᬂᬭᬶᬓᬃᬬ᭄ᬬᬳᬕᬸᬂ᭞ᬧᬧᬗ᭄ᬕ᭄ᬬᬭᬤᬾᬦ᭄ᬳᬶᬃᬫ᭄ᬫᬦ᭄᭞ᬫᬋᬂᬤᬾᬯᬶᬍᬗ᭄ᬓ
[᭒ 2A]
ᬲᬭᬶ᭞ᬗᬦ᭄ᬤᬶᬓᬵᬮᭀᬦ᭄᭞ᬫᬗ᭄ᬓᬾ ᬲᬶᬭᬭᬤᬾᬦ᭄ᬳᬶᬃᬫ᭄ᬫᬦ᭄᭟᭐᭟ᬳᬾᬄᬲᬶᬭᬧᬢᬶᬄᬩᬓ᭄ᬢ᭄ᬬᬃ᭞ᬮᬸᬗ᭄ᬳᬫᬭᬶᬂᬩᬸᬓᬶᬢ᭄ᬩ᭄ᬭᬚᬶ᭞ᬲᬋᬂᬧᬢᬶᬄᬧᬹᬃᬯ᭄ᬯᬚᬕᬢ᭄᭞ᬳᬶᬓᬸᬧᬧᬢᬶᬄᬮᬶᬦᬸᬯᬶᬄ᭞ᬓᬳᬦ᭄ᬤᭂᬮᬂᬩᬂᬩᬗ᭄ᬭᬶ
᭞ᬧᬺᬯᬶᬭᬵᬰᬓ᭄ᬢᬶᬮᬶᬦᬸᬳᬸᬂ᭞ᬫᬳᬢᬸᬃᬭᬭᬶᬲ᭄ᬓᬶᬧᬢ᭄ᬬ᭞ᬲᬶᬗ᭄ᬕᬶᬄᬓᬯᬸᬮᬵᬮᬸᬫᬭᬶᬲ᭄᭞ᬮᬮᬶᬧᬢᬶᬄ᭞ᬓᬓᬂᬅᬫ᭄ᬱ᭄ᬬᬄᬉᬦ᭄ᬤᬗᬦ᭟᭐᭟ᬫᬗ᭄ᬤᬦᬾᬯᭂᬭᬸᬳᬵᬉᬕᬵ᭞ᬳᭂᬗ᭄ᬕᬾᬦᬾ ᬢᬓᬃᬬ᭄ᬬᬫᬫᬶ᭞
ᬳᬶᬗ᭄ᬕᬶᬄᬳᬢᬸᬭᬾᬓᬶᬧᬢ᭄ᬬ᭞ᬓᬯᬸᬮᬵᬳᬦᬾ ᬫᬧᬫᬶᬢ᭄᭞ᬳᬢᬸᬃᬲᭂᬫ᭄ᬩᬳᬮᬸᬫᬭᬶᬲ᭄᭞ᬩᬸᬓᬶᬢ᭄ᬩ᭄ᬭᬚᬶᬓᬂᬤᬶᬦᬸᬚᬸᬮ᭄᭞ᬲ᭄ᬬᬂᬮᬢ᭄ᬭᬶᬮᬸᬫᬫ᭄ᬧᬄ᭞ᬯᬸᬲ᭄ᬧ᭄ᬭᬧ᭄ᬢᬭᬶᬂᬩᬸᬓᬶᬢ᭄ᬩ᭄ᬭᬚᬶ᭞ᬗᬯᬗ᭄ᬲᬶᬢᬦ᭄᭞ᬆ
ᬫ᭄ᬱ᭄ᬬᬄᬲᬶᬦᬾᬩᭂᬳᬶᬂᬩᬮᬵ᭟᭐᭟ᬧᭂᬧᭂᬓ᭄ᬧᬸᬦᬂᬧᬗᬲᬾᬭ᭞ᬭᬢᬸᬰ᭄ᬬᬸᬦᬕᬭᬦᬗ᭄ᬓᬶᬮ᭄᭞ᬰ᭄ᬭᬶᬭᬸᬫ᭄ᬩ᭄ᬭᬤᬗᬶᬦ᭄ᬰᬶᬦᬾᬪ᭞ᬫᬶᬯᬄᬧ᭄ᬭᬪᬸᬩᬸᬓᬶᬢ᭄ᬩ᭄ᬭᬚᬶ᭞ᬅᬗ᭄ᬳᬶᬂᬰ᭄ᬭᬶᬩᬯᬚᬶ᭞ᬩᬺᬱᬶᬦᬂᬪᬸᬱᬡᬫᭂᬜ᭄ᬘᬃ᭞ᬮᬸᬯᬶᬃᬢᬵ
Kaca:Bali-lontar-gaguritan-amir-hamsyah-300ppi.pdf/2
Kaca puniki sampun kauji-wacén
