[᭒ 2B]
᭒
ᬲᭂᬓᬃᬲᬢᬫᬦ᭄᭞ᬮᬸᬯᬶᬃᬫᭂᬓᬃᬦᭂᬤᭂᬂᬲᬭᬶ᭞ᬮᬶᬦ᭄ᬢᬂᬳᬰ᭄ᬭᬶ᭞ᬲᭂᬫᬸᬦᬶᬦᬢ᭄ᬢᬳᬲᬾᬪ᭟᭐᭟ᬓᬜ᭄ᬘᬶᬢ᭄ᬤᬢᭂᬂᬯᭀᬂᬤᬶᬦᬸᬢ᭄ᬢ᭞ᬭᬓ᭄ᬭ᭄ᬬᬦ᭄ᬩᬓ᭄ᬢ᭄ᬬᬃᬢᬵᬮᬸᬫᬭᬶᬲ᭄᭞ᬫᬸᬯᬂᬧᬢᬶᬄᬧᬹᬃᬯ᭄ᬯᬚᬕᬢ᭄᭞ᬓᬢᬸᬚᬸ
ᬘᬭᬓᬫᬶᬚᬶᬮ᭄᭞ᬧᬢᬶᬄᬤᬸᬢ᭄ᬢᬮᬶᬂᬦ᭄ᬬᬳᬭᬶᬲ᭄᭞ᬗᬚᭀᬕᬶᬦᬶᬗ᭄ᬲᬸᬦ᭄ᬫᬍᬩᬸ᭞ᬭᬶᬂᬳᬬᬸᬦᬶᬭᬅᬫ᭄ᬱ᭄ᬬᬄ᭞ᬳᬶᬗ᭄ᬲᬸᬦ᭄ᬤᬸᬢ᭄ᬢᬦᬾᬦᬺᬧᬢᬶ᭞ᬳᬶᬕᬗ᭄ᬕᬭᬶ᭞ᬫᬓᬫᬶᬯᬄᬭᬤᬾᬳᬶᬃᬫ᭄ᬫᬦ᭄
᭟᭐᭟ᬘᬭᬓᬮᬸᬫᬓ᭄ᬯᬾᬂᬳᬃᬱ᭞ᬢᬶᬦᬸᬢ᭄ᬤᬾᬦᬶᬭᬓᬶᬧᬢᬶᬄ᭞ᬯᬸᬲ᭄ᬫᬸᬗ᭄ᬕᬳᬶᬧᬦᬗ᭄ᬓᬶᬮᬦ᭄᭞ᬳᬧ᭄ᬯᬳᬶᬓᬂᬢᬦ᭄ᬤᬫᬦ᭄ᬢ᭄ᬭᬶ᭞ᬭᬶᬧᬗᬃᬱᬲᬶᬭᬧᬢᬶᬄ᭞ᬲᬓᬭᭀᬦᭂᬫ᭄ᬩᬄᬳᬮᬸᬗ᭄ᬕᬸᬄ᭞ᬳᬶᬂᬲᬶᬭᬚ
ᬬᬾᬂᬭᬡ᭞ᬗᬦ᭄ᬤᬶᬓᬵᬩᬕᬶᬦ᭄ᬤᬅᬫ᭄ᬫᬶᬃ᭞ᬳᬤᬸᬄᬦᬦᬓ᭄᭞ᬩᬓ᭄ᬢ᭄ᬬᬃᬧᬭᬦ᭄ᬓᬃᬬ᭄ᬬᬦᬶᬭ᭟᭐᭟ᬭᬓ᭄ᬭ᭄ᬬᬦ᭄ᬩᬓ᭄ᬢ᭄ᬬᬃᬳᬸᬫᬢᬸᬭ᭞ᬳᬶᬗ᭄ᬕᬶᬄᬲᬤ᭄ᬬᬲᬸᬦ᭄ᬗᬢᬸᬭᬶᬦ᭄᭞ᬪᬦ᭄ᬢᭂᬦ᭄ᬢᬸᬯᬦ᭄ᬭᬤᬾᬦ᭄ᬳᬶᬃᬫ᭄ᬫᬦ᭄᭞ᬳᬗᬤᭂᬕ᭄ᬪᬸᬚᬚᬓ᭄ᬭᬤᬶ
[᭓ 3A]
ᬮᬯᬦ᭄ᬧᬸᬢ᭄ᬭᬶᬦᬶᬂᬪᬹᬧᬢᬶ᭞ᬳᬶᬂᬩᬂᬩᬗ᭄ᬭᬶᬓᬃᬬ᭄ᬬᬳᬕᬸᬂ᭞ᬧ᭄ᬭᬪᬸᬚᬬᬍᬗ᭄ᬓᬭ᭞ᬦᬫᬤᬾᬯᬶᬍᬗ᭄ᬓᬲᬭᬶ᭞ᬧᬶᬦᬲᬗᬦ᭄ᬚᭀᬤᭀᬦᬾᬭᬤᬾᬦ᭄ᬳᬶᬃᬫ᭄ᬫᬦ᭄᭟᭐᭟ᬫᬲᭂᬫ᭄ᬲᬶᬭᬩᬕᬶᬦ᭄ᬤᬅᬫ᭄ᬱ᭄ᬬᬄ᭞ᬧᬭᬦ᭄ᬓᬧᭀᬤᬬᬦ᭄ᬫᬫᬶ᭞ᬫᬦᬶ
ᬭᬢᬦ᭄ᬓᬶᬦᬮᬸᬗ᭄ᬳ᭞ᬫᭂᬤᭂᬓᬶᬦ᭄ᬭᬤᬾᬦ᭄ᬫᬤᬬᬶᬦ᭄᭞ᬳᬗᬋᬧ᭄ᬧᬸᬦᬂᬓᬺᬤᬶ᭞ᬧᬢᬶᬄᬧᬹᬃᬯ᭄ᬯᬚᬕᬢ᭄ᬫᬢᬸᬃ᭞ᬲᬶᬗ᭄ᬕᬶᬄᬧᬗᬾᬭᬦ᭄ᬳᬫ᭄ᬱ᭄ᬬᬄ᭞ᬤᬶᬤᬶᬦᬢ᭄ᬯᬳᬦᬉᬕᬶᬤᬾᬦᬾᬳᬬ᭄ᬯ᭞ᬢᬦ᭄ᬧᬤᭀᬦ᭄ᬓᬃᬬ᭄ᬬᬓᬳᬸᬮ᭟᭐᭟ᬧᬭᬦ᭄ᬢ
ᬳᬢᬸᬃᬓᬳᬸᬮ᭞ᬭᬶᬂᬭᬦ᭄ᬢᭂᬦ᭄ᬢᬯᬦ᭄ᬳᬸᬧᬢᬶ᭞ᬩᬂᬩᬗ᭄ᬭᬶᬪᬸᬚᬍᬗ᭄ᬓᬭ᭞ᬗᬦ᭄ᬤᬶᬓᬩᬕᬶᬦ᭄ᬤᬅᬫ᭄ᬫᬶᬃ᭞ᬧᬸᬢᬸᬭᬳᬤᬾᬦ᭄ᬰᬳᬶᬤ᭄᭞ᬓᬂᬫᬗ᭄ᬕᬮᬳᬾᬬᬗᬶᬗ᭄ᬲᬸᬦ᭄᭞ᬮᬸᬯᬶᬃᬲᭂᬫᬭᬗᬶᬦ᭄ᬤᬭᬵᬢ᭄᭞ᬳᬶᬗᬭᬦ᭄ᬭᬳᬤᬾᬦ᭄ᬰᬳᬶᬤ᭄ᬕᬶᬮᬂᬕᬶ
ᬮᬂ᭞ᬩᬕᬸᬲᬾ ᬢᬦ᭄ᬧᬢᬦ᭄ᬤᬶᬗᬦ᭄᭟᭐᭟ᬫᬗᬦ᭄ᬤᬶᬓᬳᬾᬳᬂᬅᬫ᭄ᬱ᭄ᬬᬄ᭞ᬮᬸᬗ᭄ᬳᬲᬶᬭᬳᬶᬂᬩᬂᬩᬗ᭄ᬭᬶ᭞ᬳᬾᬳᬗᬶᬭᬭᬤᬾᬦ᭄ᬳᬶᬃᬫ᭄ᬫᬦ᭄᭞ᬳᬗᬤᭂᬕ᭄ᬓᬃᬬ᭄ᬬᬧᭂᬧᬗ᭄ᬕᬶᬄ᭞ᬮᬯᬦ᭄ᬧᬸᬢ᭄ᬭᬶᬦᬶᬂᬪᬹᬧᬢᬶ᭞ᬳᬶᬂᬩᬂᬩᬗ᭄ᬭᬶᬧᬸᬢ᭄ᬭᬶᬳᬬᬸ᭞ᬮᬸ
Kaca:Bali-lontar-gaguritan-amir-hamsyah-300ppi.pdf/3
Kaca puniki sampun kauji-wacén
