[᭔᭖ 46B]
᭔᭕
᭔᭕
ᬕᬬᬧᬥᬗᬫᬄ᭞ᬮᬸᬫᬶᬤᭂᬃᬓᬂᬳᬭᬓ᭄ᬩ᭄ᬭᬾᬦ᭄ᬤᬶ᭞ᬧᬥᬫᬫᬸᬜᬄ᭞ᬕᭀᬩᬦᬾᬗᭂᬦ᭄ᬥᬶᬄᬩᬶᬬᬶᬂ᭟ᬫᬗᬚᭂᬗᬶᬢ᭄ᬳᬤᬫᬗᬶᬦᭂᬫ᭄ᬳᬭᬓ᭄᭞ᬧᬸᬜᬄᬬᬫᬗᬸ᭠
ᬮᬶᬦ᭄ᬢᬶᬓ᭄᭞ᬮᬾᬦ᭄ᬫᬚᬚᬕᬸᬭᬦ᭄᭞ᬢᬶᬫ᭄ᬧᬮ᭄ᬜᬦᬾᬫ᭄ᬮᬲᬂ᭞ᬲᬫ᭄ᬩᬶᬮ᭄ᬬᬦᭂᬗᭂᬮ᭄ᬩᬾᬕᬸᬮᬶᬂ᭞ᬫᬧᬧᬜ᭄ᬚᭂᬭᬦ᭄᭞ᬮᬾᬤᬂᬢ᭄ᬯᬦ᭄ᬫᬦ᭄ᬢ᭄ᬭᬷᬗᬓ᭄ᬱᬶ᭟ᬜᬩ᭄ᬭᬦ᭄ᬥᬶᬦᬢ᭄ᬯ᭠
ᬦ᭄ᬫᬦ᭄ᬢ᭄ᬭᬷᬫᬶᬧᬸᬓᬶᬧᬸᬓᬦ᭄᭞ᬭᬫ᭄ᬬᬳᬦᬾᬂᬯᬦᬤ᭄ᬭᬶ᭞ᬤᬾᬢ᭄ᬬᬦᬾᬫᬓ᭄ᬚᬂ᭞ᬧᬥᬫᬸᬚᬶᬭᬳᬤ᭄ᬬᬦ᭄᭞ᬓᬧᬶᬮᬸᬮᬸᬢ᭄ᬢ᭄ᬭᬱ᭄ᬡᬪᬓ᭄ᬢᬶ᭞ᬦᭂᬗᬭᬶᬂᬳᬮᬲ᭄᭞ᬭᬶᬂᬦᬵᬕ᭠
ᬭᬓᬯᬃᬡ᭄ᬦᬳ᭟ᬚᬬᬾᬂᬲᬭᬷᬧ᭄ᬭᬧ᭄ᬢᬇᬢ᭄ᬕᬮ᭄ᬧᬧ᭄ᬭᬗᬦ᭄᭞ᬳᬶᬗᬶᬭᬶᬂᬩᬮᬫᬦ᭄ᬢ᭄ᬭᬷ᭞ᬯᬸᬲ᭄ᬳᬢᬶᬗ᭄ᬓᬄᬭᬓ᭄ᬭ᭄ᬬᬦ᭄ᬓᭀᬮ᭄ᬧᬯᬶᬚᬬ᭞ᬭᬵᬗ᭄ᬕᬲᬸᬭᬚᬬᬾᬂᬲᬭᬶ᭞ᬧᬗᬸ
[᭔᭗ 47A]
ᬮᬸᬦᬶᬂᬧ᭄ᬭᬂ᭞ᬩ᭄ᬬᬸᬳᬲᬫ᭄ᬧᬸᬦ᭄ᬕᬶᬦᬓᬶᬢ᭄᭟ᬓ᭄ᬭᬸᬭᬓᬵᬭᬕ᭄ᬮᬭᬾᬓᬮᬶᬦ᭄ᬢᬂᬤᬹᬃᬕ᭄ᬕᬫ᭞ᬧᬤ᭄ᬫᬩ᭄ᬬᬸᬳᬯᬸᬲ᭄ᬥᬤᬶ᭞ᬓᬶᬧᬶᬂᬇᬓᬂᬧᬤ᭄ᬫ᭞ᬤᭂᬤᭂᬢ᭄ᬓᬂᬫᬦ᭄ᬢ᭄ᬭᬷ
ᬯᬷᬭ᭞ᬕᬸᬫᬸᬭᬸᬄᬮ᭄ᬯᬶᬃᬧᬾᬦ᭄ᬥᬶᬄᬧᬲᬶᬄ᭞ᬧᬜ᭄ᬚᬂᬕᬫ᭄ᬩᬶᬭ᭞ᬤᬾᬦᬾ᭠ᬓ᭄ᬯᬾᬄᬇᬓᬂᬩᬭᬶᬲ᭄᭟ᬲᬧᬦᭂᬍᬂᬤᬾᬦᬾᬓ᭄ᬯᬾᬄᬫᬦ᭄ᬢ᭄ᬭᬷᬧᬺᬫᬾᬬ᭞᭔᭞᭠
ᬢ᭄ᬗᬄᬚᬬᬾᬂᬲᬭᬷ᭞ᬲᬭᬶᬦᬶᬓᬂᬧᬤ᭄ᬫ᭞ᬧᬶᬦᬸᬓᬸᬮ᭄ᬫᬦ᭄ᬢ᭄ᬭᬷᬫᬸᬓ᭄ᬬ᭞᭠ᬓᬮ᭄ᬧᬯᬶᬚᬬᬳᬧᬢᬶᬄ᭞ᬳᬶᬕᬗ᭄ᬕᬲᬸᬭ᭞ᬚᬸᬫᬕᬓᬦᬦ᭄ᬓᬾᬭᬶ᭟᭠
ᬓᭀᬫ᭄ᬧᬬᬓ᭄ᬱᬓᭀᬫ᭄ᬧᬬᬓ᭄ᬱᬶᬕᬶᬭᬂᬫᬸᬮᬢ᭄᭞ᬘᬓ᭄ᬭᬩ᭄ᬬᬸᬳᬭᬶᬦᬓᬶᬢ᭄᭞ᬲᬲᬢ᭄ᬩᬚ᭄ᬭᬝᬶᬓ᭄ᬱ᭄ᬡ᭞ᬤᬾᬦᬾᬰᬓ᭄ᬢᬶᬦ
Kaca:Bali-lontar-gaguritan-ambarkawi-01-450ppi.pdf/47
Kaca puniki sampun kauji-wacén
