[᭔᭗ 47B]
᭔᭖
᭔᭖
ᬭᬦ᭄ᬤ᭄ᬭ᭞ᬓᭀᬫ᭄ᬧᬬᬓ᭄ᬱᬓᭀᬫ᭄ᬧᬬᬓ᭄ᬱᬶ᭞ᬳᬶᬫ᭄ᬧᭂᬃᬳ᭄ᬬᬂᬩ᭄ᬭᬵᬳ᭄ᬫ᭞ᬦᭀᬭᬦᬳᬶᬓᬂᬢᬸᬫᬦ᭄ᬥᬶᬂ᭟ᬢᬦ᭄ᬤ᭄ᬯᬧᬕᬸᬢ᭄ᬧ᭄ᬭᬂᬓᬂᬓᬤ᭄ᬬᬲᬫᬸᬤ᭄ᬭ᭞ᬮ᭄ᬯᬶᬃ᭠
ᬭᬸᬩᬸᬄᬳᬶᬓᬂᬯᬸᬓᬶᬃ᭞ᬕᭂᬦ᭄ᬢᭂᬃᬕᬺᬄᬕᬸᬫᬺᬱᬄ᭞ᬯᬗ᭄ᬓᬾᬲᬸᬲᬸᬦ᭄ᬳᬢᬸ᭠ᬫ᭄ᬧᬂ᭞ᬮ᭄ᬯᬶᬃᬳᬤ᭄ᬭᬶᬳᬶᬓᬦᬂᬫᬬᬶᬢ᭄᭞ᬢᬸᬗ᭄ᬕᬸᬮ᭄ᬩᭂᬦ᭄ᬤᬾᬭ᭞ᬧᬸᬗ᭄ᬕᭂᬮ᭄ᬳᬚᬚᬃᬳᬲ᭄ᬭᬶ᭟
ᬯᬗ᭄ᬓᬾᬦᬶᬓᬂᬓᬸᬤᬮᬶᬫᬦ᭄ᬓᬤ᭄ᬬᬓᬭᬂ᭞ᬋᬗ᭄ᬕᬦᬶᬭᬢᬫᬦᬶᬲ᭄᭞ᬢᬜ᭄ᬘᭂᬩᬶᬂᬩᭂᬦ᭄ᬤᬾᬭ᭞ᬮ᭄ᬯᬶᬃᬓᬢᭀᬦ᭄ᬧ᭄ᬭᬯᬸᬳᬶᬓ᭞ᬳᬲ᭄ᬭᬶᬫᬩᬶᬤᬓ᭄ᬳᬗ᭄ᬭᬯᬶᬢ᭄
᭞ᬮᬸᬗ᭄ᬮᬸᬗᬦ᭄ᬧᬦᬄ᭞ᬮ᭄ᬯᬶᬃᬧᬦ᭄ᬥᬦᬶᬂᬧᬲᬶᬲᬶ᭟ᬧᭂᬢᭂᬂᬥᭂᬤᭂᬢ᭄ᬲᬬᬦ᭄ᬭᬫᬾᬳᬶᬓᬂᬧ᭄ᬭᬂ᭞ᬩᬚ᭄ᬭᬤᬦ᭄ᬢᬫᬧᬸᬮᬶᬚ᭄᭞ᬫᬦ᭄ᬢ᭄ᬭᬷᬓᬦ᭄ᬢᬯᬦ᭞ᬋᬜᬸᬄ
[᭔᭘ 48A]
ᬲᬶᬃᬡ᭄ᬦᬓ᭄ᬯᬾᬄᬧ᭄ᬚᬄ᭞ᬮᬶᬮᬶᬄᬧᬲᬮᬶᬂᬗᬶᬸᬢᬸᬫ᭄ᬧᬸᬓᬶᬦ᭄᭞ᬳᬶᬕᬗ᭄ᬕᬲᬸᬭ᭞ᬮᬶᬦᭂᬧᬸᬂᬓᬳᬶᬤᭂᬭᬶᬦ᭄᭟ᬕᬗ᭄ᬕᬲᬸᬭᬳᬤᭂᬕ᭄ᬦᬶᬭᬫᬧᬸᬮᬶᬳᬂ᭞᭠
ᬗ᭄ᬕᬯᬾᬮᬭᬸᬦᬶᬩᬭᬶᬲ᭄᭞ᬳᬫᭂᬦ᭄ᬢᬂᬘᬦ᭄ᬤ᭄ᬭᬲ᭞ᬦᬶᬩᬦᬶᬦ᭄ᬰᬢ᭄ᬭᬸ᭠ᬧ᭄ᬚᬄ᭞ᬭᭀᬂᬮᬓ᭄ᬱᬲᬧᬶᬲᬦ᭄ᬗᭂᬫᬲᬶᬦ᭄᭞ᬯᭀᬂᬩᬮᬭᬵᬚ᭞ᬩᬸᬩᬃᬲ᭠
ᬫᬶᬯ᭄ᬭᬶᬦ᭄ᬯ᭄ᬭᬶᬦ᭄᭟ᬓ᭄ᬭᬸᬭᬓᬭᬧᬗᬫᬸᬓᬾᬕᬗ᭄ᬕᬲᬸᬭ᭞ᬦᭀᬭᬓ᭄ᬦᬢᬶᬦᬗ᭄ᬓᬶᬲ᭄᭞ᬋᬫᬸᬓᬺᬫ᭄ᬧᬓ᭄ᬧᬸᬧᬢ᭄᭞ᬭᬢᬦᬾᬩᬚ᭄ᬭᬤᬦ᭄ᬢ᭞ᬢ᭄ᬓᬾᬂᬓᬸᬤᬦ᭄ᬬᬗᭂ
ᬫᬲᬶᬦ᭄᭞ᬓᬸᬲᬶᬭᬾᬧ᭄ᬚᬄ᭞ᬫᬮᬸᬫ᭄ᬧᬢ᭄ᬫᬭᬶᬂᬲᬶᬢᬶ᭟ᬢᬦ᭄ᬥᬂᬓ᭄ᬭᭀᬥᬩᬚ᭄ᬭᬤᬦ᭄ᬢᬫᭂᬦ᭄ᬢᬂᬮᬗ᭄ᬓᬧ᭄᭞ᬮᬸᬫᭂᬧᬲ᭄ᬓᬂᬚᬫ᭄ᬧᬭᬶᬂ᭞ᬕᬗ᭄ᬕᬲᬸᬭᬫᬮᭀᬜ᭄ᬚ
Kaca:Bali-lontar-gaguritan-ambarkawi-01-450ppi.pdf/48
Kaca puniki sampun kauji-wacén
