Kaca:Dongeng Panji Dalam Kesusastraan Bali.pdf/113

lantas ngandika,

"lh Luh, nyai madan Luh Gatling? Lan dini ngoyong
nyak !" Matur Luh Gatling,

"Titiang pamit." Raden Mantri lantas ngandika teken Sirarnadewi,
"Ih Bibi, aeng tawahne Luh Gatling nyait sampean, aji medang anggona, baan tekek, buin melahan pesan pagaenne padaang
teken anake lenan." Ngandika Siramadewi,

"lnggih, malah dayanin teka makejang, bisaina. Buin ngandika Raden Mantri teken Luh Gading,

"Ih Luh, indaang satuain Beli, teka dot gati makita madingehang satua!" Matur Luh Gading,

"Titiang pamit, titiang tan uning. masatua". Lantas anake
lenan kapangandikaang nyatua, nanging Raden Mantri tusing ja
satuane pirenganga, itep ja ida seledat-seledet nyingakin Luh
Gading,

Kacrita suba pragat majejaitan, makejang anake pada mapamit uli puri. Petengne Raden Mantri tusing sirep, tuah Luh Gading
magantung-gantung di kayun . Suba paekan lemah, mara ida dadi
sirep, lantas ida nyumpena, nyumpenaang Luh Gading. Gelising
satua, jani buin anake ngaturang pangayah ngae jaja, ia tusing buin
maboreh sera, kewala meseh buka anake lenan. Beh ditu buin mawuwuh-wuwuh kajegeganne , ngacebuah buka bulan purnamane.
Raden Mantri buin mawuwuh ngangsan maakang dogen, malinggih
teken Luh Gatling. Luh Gading kunuk magarapan di bucu padet,
tuara ngrunguang apa. Ngae jaja masih ia paling duega, tur paling
becata. Dadi angob pakayunanidane, kabatek baan tawah-tawah
tangkepne Luh Gading magarapan,buina makejang
melahan dogen teken anake len-lenan gegerapane. Jani buin Luh
Gading kapangandikaang nyatua. Ditu lantas Luh Gading nyatua,
nyatuang unduk Anake Agung di Daha miasa nunas oka, lantas
madue oka marupa payuk, lantas kakutang wireh kabaos ngletehin gumi, tur kaduduk baan Memen Tiwas. Mara teked ditu
satuanne Luh Gading lantas ia ngeling tusing nyidaang nglanturang
satuanne, wireh eling teken paindikanne. Ida Raden Mantri sayan
.nesekang malinggih, lantas cingakina Luh Gading ngeling lantas ida
ngandika,

"Yeh, kenapa dadi ngeling? Dong lantasang satuane!" Luh

107