Kaca:Dongeng Panji Dalam Kesusastraan Bali.pdf/111

rin tiang". Wireh kedeh I Tiwas, pangkuda-kuda nyumunin matakon, dadi ngomong anake cenik sambilanga sigsigan,

"Nah, ah ah, wi reh eh, eh, suba kene undukne, jani tiang
tuturina, kewala Bapa, Meme pada, apang sekep. Lamun Bapa,
Meme pada tusing nawang, tiang suba okan Prabune di Daha.
Nanging tiang lacur, tiang dadi jlema kakutangan". Ditu Ida Raden Gauh nyatuang undukne uli panyurnu nganti duduka teken
Men Tiwas. Ida ngandika keto lantas ida mawacana kene,

"Nah ne Meme, Bapa pada, da pesan ngomong nyinggihang
tiang, anggon tiang caraang pianak , apang da enggalan anake tau.
Adanin tiang, ih uli dija te wit memene gati." Men Tiwas
ngaturang dewekne uli Tiinggading.

"Nah, kaukin tiang Ni Luh Gatling, akuin tiang keponakan!"
Keto pangandikan Raden Galuh Daha. Wireh keto saturut I Tiwas
luh muani, tur Ni Luh Gatling kasayangang pesan.

Kacritanan jani Prabune di Koripan, madue oka lanang asiki,
suba ngantiang anom. Jani ngantiang odalan Ida Raden Mantri,
panjakidane makejang lantas
kadauhin, kapangandikaang
ngaturang pangayah nebuk ka puri. Men tiwas, masih orahina,
mara dingeha ada arah-arah lantas Ni Luh Gatling ngomong teken
Men Tiwas.

"lh Meme, tiang ja baang ngayah ka puri, nah Meme jumah
ngijeng!" Masaut Men Tiwas,

"Ah, awak cenik sada pangkah dogen, apang ada kedekina,
anak liu ditu ngayah, kaden buka dini suung." Ngomong buin Luh
Tiinggading,

"Nah baang ja nah Me nah! Apang nawang tiang pru.
Gaenang men tiang lucet!"

"Nah keto ja kema, nyen da kual di puri, nyan menggahina
teken Anake Agung!" Ditu lantas Men Tiwas ngalih buluh kedampalan alawas lakar baanga pianakne . Buin maninne semengan Ni
Luh Gatling ngomong teken memenne,

"lh Meme, kema ja uligang tiang sera nyang asibak, lakar anggon boreh ! "Masaut Men Tiwas tengkejut,

"Yeh ne kenken sih I Cening dadi sera anggon boreh! Nyen
ia kodag baana timpale maekin."

"Nah te kema gaenang!" Keto omong Luh Gadinge, lantas
Men Tiwas nguligang sera. Suba pragat, lantas Luh Gatling mabo-

105