Kidung Wijaya Smara, Geria Pidada, Sidemen.8. Puh Demung Sawit 89. Ling ira prami-swari ewuh tur kelang-hilangan drewya pakene tinulung ah tan kawasa iki anglampahaken guna dosa duran si tan adrewya panaha nireng hati putek hisun lagune tan ahyun.
90. Paran sahuren teki anghing tar wikan posi sun sang natha alon amuwus lamun sampun tan hapti angapa de ning sun pangeran tuhu pinalwih kayeku tan hentya ring raja-drewya sira krayan patih amuwus.
91. Pathik-bhathara misinggih huni duk rawuh kinon tumama de nira sang ahulun lagi kascaryan eng hati mulat ing tangkilan hibek tekeng alunalun sang mantrya-dhikara nguniweh para kawi ksatriya tan keneng wilang sri narendra amuwus.
92. Pan iku ratu mah-adi maho-ttama sugih bala-wirya sobhagya wah bhogi kinajrihan de ning bhupati ndatan papacuhan lewih kascaryan eng tanu de ne apuputra wicaksana susakti pekik tan sama ring jagat tuhu iki Hyang Smara nurun.
93. Ih sapa kakasih ira rakryan apatih umatur sira Kuddha Angga-smara de nira nrepati nenggeh roro arabi putrya saking Angga-nagara mimisanan puniki pan asanak sira sang ahulun.
94. Kang anom malih punika sang putra ring Andyaka lagi mantuk ing anawan de nira twan mantri mula ning sang natheng Asmaka anglamar ing raden galuh ana ring Angga-nagara tan sinungan de sang prabhu.
95. Henti runtik sri nrepati prapta anglurug kalih sang ahulun Andyaka-puri pan asanak reke nrepati anut ing payudhan rahaden mantra atulung ring Angga-nagara amejahi kalih sang prabhu sama apuputnya ring Asmaka arare tuhu.
96. Sinungaken ing sang hari ring Andyaka pinaka stri nira kaprenah madewi rupa nira ngrawit makadi ring Angga-nagara pah mimisanan puniku maka pradnyan ira waneh ksatriya kweh tan ketung anak Raden Arya roro pinaka atri rumuhun.
97. Nenggeha wau prapti ana ring Angga-nagara wenten pangundang pukulun ling ira sri bhupati adhuh gawok hisun tanpe-ngan de nira anjaya ratu anom dahat sureng rana tumulus sane abagus.
98. Angling sri prame-swari mogha tanpa-naha hisun anengguh taruna kulehe papangkan-alit ih kalingane wus arabya kapo akarakah dyah kakwehan ing pawestri ari narendra mesem tur amuwus.
99. Tan wenang luputa eki ulah ing ratu atut mangkana ndatan pahido hisun ing nanak mantri kadya-nggan ing sira Sang Kresna so-dasa-sasra kaye-ku akweh ing arabya nira patih asahur guyu pathik-bhathara anuhun menen sang nrepa-wadhu.
100. Sapa aninda kayeki didine iku tan sawaweng tuwuh dudu wulat ing kalanjon-ing buddhi sang natha gumuyu angucap away wikane andulu ring sira-nak ira walang-hatting-sun yan ing awruh nene pinalampah angapa de ning ndatan asung.
101. Apan ing hutang gurip maran tan angga weh pakewuh rakryan apatih amuwus pathik bhathara ngiring ndan sira sang lwir Manasija mentas wau atirtha wenten wng madhe-alit kampuh ira parijata alus.
