7
pianaknē kēto, ngelgel kedēknē toer ngomong kēnē: Jeh
tjening, kenapă dadi tjai ngeling? Ento anē tingalin tjai
dimekanē, dongdjă djalmă sadjaan; ento lawat tjainē.
Indaang tjai kedēk diarep mekanē, pedas lawat tjaine
masih miloe kedēk. Oendoekē né patoeh tekēn oendoek
dewēkē. Jēn tjai mepekardi ală, pedas ală bakal tepoek,
Jēn tjai ngomong djabag, masih djabag pesaotne. Jēn
tjai nemah anak, tjai ketemah ban anakē. Doning kēto,
ingetang pésan selokan lawatē ento, apang mangdéné
tjai bisa rahajoe dadi djalmă. Edă tjai ngaēnang gedeg
basang anak; sesidă-sidajan băn ngawēnang, apang bisă
tjai ngēgarang keneh anak. Jēn soebă kēto ban tjai
melaksană, pedas rahajoe tepoekin tjai.”
4. SALAH TAMPI.
Ketjerită didēsă Ambengan adă Berahmană kelintang miskin, mepesēngan Ida Wajan Padma. Ida medoeē oka, lanang adiri anē kepesĕngin Idă Gedē. Idă Wajan anteng pesan ngadjahin okană, peteng lemah tan mari Ida ngoelik apang dimani poeanē okannē memanggih kerahajoean. Nanging kē Ida Wajan bes gemes tekēn oka, pelih abedik dogēn, okannē ambahină metigtig; apă boein jēn Idă Gedē toesing kajoen meladjah. Kesoeēn-soeēn Idă Gedē ban pepes Idă metigtig, saget metoe kajoennē bakal ngoetang-oetang ragă, ninggal dēsa, apang soewoed memanggih kesakitan boekă kéto. Soebă koné ngilis kajoenē, lantas Idă parek ring biangnē, bakal noenas mepamit, toemoeli matoer medoeloeran tangis: ,,Inggih, biang, sanē mangkin mangdă betjik-betjik biang meling- gih sareng jadji, santoekan titiang noenas mepamit, patjang ngoetang-oetang dēwek, bojă doegi antoek titiang ngiring iadji, tan mari titiang metigtig kewan- ten.” Ditoe biangnē kagiat, peredjani meberējok waspan Idanē, tan dadi antoek Idă ngandegang, sarwi ngeloet okannē, pepasihină, apang boewoeng ngemargiang peka- joenanē kēto. Nanging Ida Gedē ngelengkeng dogén,
