Kaca puniki kavalidasi
Kumpulan Puisi Bali
NAMPAH GERANG
Yan mabading kesiran anginé
Eda san get salah tampi
Wiréh jani langité suwung
Tusing ada kenyit bintang
Apa buin enteran bulan
Gulemé sayan tebel
Nanging sing ada ujan
Sukeh ngintip kenyitan kenyem
Kerana sing ada sisan liang
Kija majalan niltil damuh
Gumi lan isinné buduh
Tulus tiang sedih aduh aduh
Inguh sat taluh maseduh
Kija tiang majalan ..............?!
Encén duluh tiang ...............?!
Rurunge sampun capuh !!!.
Madukan ring keneh inguh !
Jani suba sirahe makudung lengar
33
