Kaca puniki kavalidasi
PONGAH JUARI
Mirib tanpa rasa
kipak-kipek ngekadaya
seledete ngincang
paliate merengang.
makejang ida danene
Limane patigrape
kenehe ngape-ngape
asing gelah anak gampilang
idepne tan kapialang.
Sebenge enteg
mapi-mapi sadu
yan suba makeleteg
pasti malaksana dudu.
(Denpasar, 13-7-2002)
NAH DEPANG SUBA
Gumi carajanine
makejang ida danene
masuluh di banyune
lawat tan adung ring semune
Makejang galak prawira
yan suba mrebutang
mapi ririh tan kapialang
sujatine makejang nista bar
Makejang kacacadin
tusing ada beneh tur patut
pamuput yen selehin
ipun dot mangda katut
Cihnaning kali yuga
beneh pelihe sarora
tegeh endepe tanpa cihna
nah, depang suba.....
32
