SLEPA MAAN TEKEPNE
Ring jagat cekian
sampun kasub
soca, sampeyan
lan sregat
sane nadosang
majaga
mecari
soca sami tatiga
raja tatiga
enci tatiga
cina tatiga
nanging yan
siki-siki
ipun dados sregat
sampun kaloktah
yan soca sami
kerta raharja
yan sregat
raja ring cinane
manemu byapara
Jagate
duaning adung
wiweka lan upayane
sami-sami sandi
ngaruruh gung-arta
kasenengan kayun
tur nyangsaren
i panjak
(Denpasar, 19-11-2001)
CERUKCUK PUNYAH
I kedis Cerukcuk
mabulu abug
kumise kenjir
tuktuke lanying
matane barak
kawistara
ring wawidangan
jagat paksi
tan kirang-kirang
munyinnyane
binal, pongah
tan ningkesang
tan padaya
tan kengin uning
ring upaya sandi
panglokikane
pangindrajala
jeg kewala mamunyi
cerakcak-cerukcuk
kecrat-kecrit
wantah
kawastonin
cerukcuk punyah
(Denpasar, 20-11-2001)
9
