Kaca puniki kavalidasi
YASAN PENJOR
Sekadi ipun
i tiing petung
magenepan wigunannyane
wawangunan, prantos
kriya tangan
madurgama pisan
nanging
sane wenang
kapayasin
dodos penjor
madure
maplengkungan
makober
mabutuh nyuh
wantah ipun sane
beneng pangawake
mamuncuk lengkong
dados slokan jagat
sane lengkong
payasin
(Denpasar, 24-10-2001)
DONGKANG PENTIL
Yening sampun
medal sarwa
medal sarwa
pangreh prajane
pangreh prajane
para nayaka sami
tatkalaning macecingak
malancaran
manureksa
sami pada girang
galak nyentokang
kawisesan
kawigunan
saling sautin
tan papegatan
luir suaran tatamburan
magurnita
tatuwinnyane
sekadi kulkul
gadenan munyi
gadenan takeh
waluya
i dongkang pentil.
(Denpasar, 27-10-2001)
