Kaca puniki kavalidasi
- 61 -
| NANG KEPOD: | Sesubanne joh di belokan nolih buin apisan satmaka ada ane kakutang. Heh, heh, heh,...................... |
| MEN RASNING: | Tenenan tatitne! |
| NANG KEPOD: | Heh, heh, heh, ........ |
| MEN RASNING: | Nanging yen umpama sida ia ngalinin dewek beline mai melahan beli da nganggo kaca mata apang bajangan pangenahe agigis! |
| NANG KEPOD: | Sing, sing ada buka keto! Matanne suba kaliwat lamur buina yan nganggo keker bintange cerik tur terang buin gede kajinang. Heh, heh heh....... |
| MEN RASNING: | Anak prawan pradnyan limanne iying tindakanne becat dueg pesan madedagangan! |
| NANG KEPOD: | O, o, yan pada sida dini bakal tunden ngawarung! |
| MEN RASNING: | Melah masi keto, musti lais! Ngadep teh, kopi, jaja-jaj apa luire!! |
| NANG KEPOD: | Ah, sing keto rerekaanne! nyanan bajang-bajang dogen nganggurin amon sing gedeg basange ngatonang lima krambang-krimbing. Bajang-bajang jani juru baak makejang, melahan ia madangan bakal basa bass wiadin isin pabuan apang luh-luh dogen malanjain. Sing keto melahne? |
