Kaca puniki kavalidasi
- 57 -
| DURKITA: | Mekel Gede, kuangan buin absik do gen! |
| GEDE KARMA: | Ah, tiang suud maceki! |
| DURKITA: | Timpal-timpale suba pada ngantiang maceki mapenguun guling! |
| GEDE KARMA: | Suud, suud! |
| DURKITA: | I Lanang, I Lukita, I Gunawan sedeng nganti, timpal-timpale uli nguni ngarep-arep nyambi nutur tui tuah nganti mekel Gede dogenan! |
| GEDE KARMA: | Suud! |
| DURKITA: | Mara jani ulesne desan deweke kentasin blabar agung mekel Gede suud maplalian ngalahin timpal-timpale setia! |
| GEDE KARMA: | Tusing ngelah gelar! |
| DURKITA: | Gelar! Satmaka tuara gelah timpal ane medal I Ketut Kenes! ia ada dini anggep mekel tuara ada, masa senglad di ati. Depina ya mekel Gede tuara belanina! Timpalne bareng jele melah! |
| GEDE KARMA: | Sajaan I Lanang ada? ia |
| DURKITA: | Beh iseng kone teken mekel Gede baane makelo tusing taen macepuk maplalian dadi ameja. Buina ia magelar liu tur nantang-nantang mekel Gede ngadu kasugihan! |
