32
Kabecikan titiange ring saug putri-ayu punika saking timpal-timpal titiange para siswa sane saosan wantah kabawos sakadi pasawitrayan biasa kemanten. Sawireh wenten sang putri-ayu sane mula kengin pangaptin titiang ring kelas titiange, titiang seleg pisan ngranjing masekolah. kaon pisan rasanipune yening nenten ngranjing wantah arahina kemanten, sawireh arahina nenten polih ngentenang sang putri-ayu sampun ngawanang inguh bayun titiange. Yening wantah nyidayang mangda nyidayang ngraris iraga sareng kalih atep salami-laminyane, wantah asapunika pangaptin titiang ring Ida Sang Hyang Widhi Wasa.
Yening sampun nampek-nampek ulangan umum sering titiang malajah sareng-sareng ring jero danene, punapi malih titiang sampun kalugra antuk aji-biyang danene ngrauhin ka jeron danene mawuwuh-wuwuh malih seleg titiange nganampeki sang putri-ayu punika. Nanging yadiapin asapunika, durung taler purun titiang terang-terangan nyihnayang daging manah titiange sane tulus ring sang putri-ayu nyihnayang mula titiang sampun galuk demen culuk ring dane. Titiang taler kari keda-keda manah titiange punapike sang putri-ayu taler demen culuk ting titiang?
