- 29 -
lanang kewanten, wenten taler siswa istri kalih diri ring kelas titiange punika. Sajeroning siswa istri sane kalih diri punika, sane adiri sayewakti ngenyudin pisan ring manah titiange. Sang istri ayu punika mula jegeg pisan. kulit selem-selem manis, kenying manis kadulurin antuk sujenan ring pipinnyane sane ring tengen, untu petak rata tumbuhipune, adeg langsing lanjar mageleran, rambut selem tebel panjang magelohan, pamargi alon lemuh, tutur sapa alus, umpamiang titiang sakadi widiadari tedun saking kahayang.
Saking ngawit titiang ngranjing ring kelas punika, titiang meled pisan mangda nyidayang masocapan minekadi ngraris masawitrayan sareng sang putri ayu punika. Sapunapi antuk madue lek ring manah, durung purun jeg nerojog nganampekin sang truni sane mula durung pisan uningin titiang. Yening jagi ngrereh kanti ring timpal-timpal titiange watek trunane saosan, titiang nenten purun, lek jagi kaanggen gegonjakan antuk timpal-timpal titiange punika. Inggih tan saos wantah becikan aptiang kamanton ring Ida Sang Hyang Widhi Wasa, dumadak wenten puna-
