-15-
to ia masi bisa majejahitan. Yen banjare nunjuma barung ngae lamak I Mirah musti manggo.
Pangadegne mulus cara langsing, kulitne masi cara kuning. Tabuhne manis kenyemne manis. Kenyemne paling manis pepes baanga I Laba.
"Ra, beli kanti sing nawang-nawang umah." I Laba nyleleg di tampul bale gedene.
"salah padidi." I Mirah sedek nganyinin.
"Beneh sangkala acepok deen Rah." Mirah nyaledet buung. I Laba nyaga aji palihat ane jelap palajahina. "Kenken Rah, nah keto nake pang taen." I Mirah mrasa musti masaut. "Orahin tiang sing pati aku ken drama." "Men apa kademenin." "Apa sing."
"Joged."
"Tusing."
I Mirah kenyem. "Wayang." Tabuhne cara nanjen bubuh anak gelem. "Dija ada."
"Dija sing ada."
Maberiag kedek acepokan. Lengenne I Laba sigita. Mara Makipekan sikunne mantep di tampul bale gedene. "Nah to suba karmapala."
"Nah I Mirah nawang karmapala. Ningehang deen sing nau. Beli sing demen ken karmapala."
