83
tukang!"
"Nah, aturin suba Ida, apang Ida nulung I Dayu , Nyen ja cumpuin Dayu, ento suba lautang tekaang!"
Ida Ketut Sraya, ring Geria Sunia, daweg punika sedek sandi pisan-pisan matetambaan. Seringan Ida tan jenek asasih mlinggih ring Geria, santukan bes sering katurun mitulungin anak sungkan wiadin anak sakit. sane doh magenah saking gerianida. Rabin -ida kantun pernah mamingtiga ring Ida Bagus Kumara. Anake Istri punika, sampun lintangan ring pitung rahina ring Geria Sirikan, sareng gisu ngandayang nene pa-tut kamarginin, mangda gelis pinungkan anake alit katempur antuk tamba. Ida Ketut Sraya gelis rauh ring Geria Sirikan, nanging pramanaida sang pacang namban-in rasa telas, ninggal sariranida, antuk kasobidane nyingak prarain anake alit sungkan.
"Sapunapi beli?"
Patelanan ajin anake alit sungkan mataken, kantun rasa wenten ican Ida Sang Hiang Widi, yan asapuniki kan beline?"
"Inggih, adi, sesida-sidaan antuk beli! Boya ja beli, ngodag jiwan anake alit, taler Widine.........Dayu Biang, indayang pahekang, anget-anget, masuwi,......pabayonin beli dumun anake."
Raris Ida manunggalang kayun manjaga ring dulun Anake alit sungkan, raris siwadwarane katepak ping tiga. Swabawan sang sungkan, kantun acum, akikit ru-pa tan mintulin pabayone.
