139
para istrine munggah ring motore di pungkur, raris I Made ring samping supire macegleh; motore magerung, malih ajepne sampun ngudiding manganginang. I Dayu angeb ring linggah margane, imbangang ring Bali; Ida nyingak purane alit ring delod marga. Made ngaturang indike ne sampun, daweg yuda kumpenine marep ring anake Agung Bali ring Sasak; ipun midartaang indik suradadune keh makelid ring pura punika. Nanging taler irika akeh kanin, keni mimis.
Ring Cakra dangin pasare, jag nyelag kacingak antuk I Dayu pura Merune; kasuter antuk tembok bata barak, mapinti-pinti turah riin, kengin atep pisan mapinti, tan kaseletan antuk luluh wiadin semen; aken tur asri pakatonannya, merune nyeleg, kadi manyaksiang agung kabakten karatuan Baline riin ring Ida Batara. Dajan marga, inang kanten saking margane, wenten bale kambang, kangin-kauh pagenahannya. I Dayu eling ring satuane ring kamandakane, duk dane Sang Patih osek ring pakayunan 'aguling' ring bale kambang dane, doaning tambis telas arumjagate ring panagara Patali sampun katur ring Sang Prabu. Nangken raina mangda katur sarin dahane asiki-asiki.
Motore mrarian, raris gelis I Made tedun ngampakin para istrine jalanan motor punika.
Kenyem sawitrannya istri-istri makekalih; IDayu miwah Mekel Putu Sawitri rupa kadi 'mapinta kasih'.
