135
kandaang ipun tan purun ipun rariangkan ring padewe kan kantun buduh paling ring Ida anake ayu, sane pacang kengin 'kutun-pawaregan' ring Geria Sunia. Saru-sarun ipun netesin 'patitis' i janma nanging sujatinnya, ipun netesin paridikanipune 'idup-idupan merasa padem'. Ipun nyisil kukun jarijinnya, punika nyinahang manahnya paling, yening turah ring segara, ocak, tan degdeg; sane mangranaang, tan lian ring pagatik manah miwah atinnya.
Motore pasliwer, wenten mondong minyak, wenten mondong bias, wenten taler gepe mondong pantun saking kangin. Pengina wenten sareng pianaknya samben, katempuh antuk angin-anginan motor punika; wenten pitik pinih alit, sep makelid, kalilig antuk ban motore mokoh, dekdek remuk kadi ulig tendas miwah awaknya. Sepeda tambangan mroda tetiga, wenten madaging janma kekalih, nanging kalintang mokoh - mokoh sang nglinggihin punika; jantos tan kengin antuka-ngukih, nyorog, ring janmane bajang nambang. Biok-biok peluhnya, taler adeng pamargin sepeda punika.
I Made kede ngeton indike punika.
"Kadena aluh anake dadi janma? Jerone di sepedane manjus aji peluh, tiang di sekolahanne ngawai ngarepin murid, selae, telung dasa; pukul satu mara suud ngajahin; meh nikelin kenyel tiange padaang ken jerone. Makejang ngedotang gagaen gurune tulen di praine dogen tinggalina. Yan ngatemel iraga ping dasa, ping solas di sekolahane, masih sing bakat
