127
Pasare sayan sue sayan umung antuk janmane lanang-istri, luh-moani, gama Tirta miwah Sasak madolan wiadin matetumbasan.
Ring bucu kaler kangin, dane Mekel Putu Sawitri, kairing antuk anak alit makta woh-wohan, miwah nenteng ayam tigang siki.
"Sarda!", asapunika dane ngenken anake alit. "Kema ditu meli bulung. Pilihin malahang! Gencangin majalan, ngrered sajaane."
Sampun tegep tatumbasanne raris Mekel Sawitri makaon saking pasar kairing antuk I Sarda, nenteng ayam miwah nyangkol bulung, jejanganan miwah saluirnya. Wau rauh ring jero, Wak Ali gelis ngambilin mekelnya, raris ipun matur.
"Mekel lanang, saking iketuni ngrerehin konci lemari, tan panggihin dane........!"
"Aruh pelih baan tiang, beli, bakat aban tiang ka peken serege."
"Beli ukuh ngalih dasi, uling tuni bindeng alih serege. Kaden cerik-cerike ngengkebang!.....Putu, dija I Dayu katurin sirep nyanan?"
"Dija? Sangkal dija?"
"Men? Anak anom, sing di kamar tamiune Ida aturin; sing keto, Tu?"
"Merika sih beli, papagin tamiune sampun, gagaen anak luh ekanang beli."
