123
Pabesene ento tekek pesan baana muntil teken bapa Nengah Udep; nanging bapa Gede Gasa, buka adanne sajaan gasa pasane; ojog nagih mategenin. Ngrawes lantas adinne teken pajatine, "Mangkin-mangkin bapa, beli makekalih! Sampunang rauhanga dumun rawes belin tiange ring gurun dane I Nyoman Arka. Cendek bakal tekaang tiang sampun sane benjang pianak tiange; dane I Nyoman Arka taler mangda sareng!"
Keto kone Bapa Nengah Udep mutusang; beh ngapak Bapa Gede Gasa teken nyamanne. "Pah, cai I Udep..!" Mara keto dingeha teken pajatine ngencongang kone ia pada macebur, saling maluin pesu; mamuk-amukan-nyen ajaka nyamane, sing randang-rundung milu.
Bin maninne kema lantas Ni Ketut Rijasa ajaka I Nyoman Arka, liu pada anake nututin. Konden napak negak, suba tudinga kone teken Bapa Gasa pianakne, "Nah, edengang nyet nyaine jani! Saja nyai nagih pakidihang? Adi lancang reraman nyaine nagih makidihang?"
Lantas timbala kone rawesne, teken Bapa Nengah. "Enden, beli; nguda ngapak-apak masih beli payu? Ibi sanja masanggup dabdab ngrawes......."
Napi, sautina lantas teken Ni Ketut Rijasa.
"Ooo, dong nika pisarat bapanne nekaang tiang jani? Oo ? Bapa jani nagih ngodag ukudan tiange ? mrasa bapa tahen ngentungin baas agemel, sanun tiange jumah? Mrasa bapa tahen nitipang tiang pipis daweg...... tiange di Blitar masekolah? Tiang ten
