5
milha sampun wengi".
"Nah, Marie suba ngekanang raga-raga, Yang tau negakin dogen".
Raris ngrereh I Made Sarati taksi asiki, usan pu put makakencan sewannya, raris barange kagenahang ring pungkur ......... usan sampun matali.
"Raris Dayu munggah! Luh iring Ida suba ditu duri, beli di samping supire negak".
"Dadi disitu sih, De? Disini kenapa kone?
"Aruh, banggayang sampun ngiring Ratu irika Mangda elahan Ratu mlinggih."
"Motore raris ngeder, nganginang. I Made Sarati ping kalih mangkin ipun ka Sasak, nanging Ida, Dayu Priya nambe pisan. Ken kangin pitakonida.
"Linggah pesan margane, oo,De? Linggahan teken margane di Bali. Ento anak Bali, ento, De?"
"Sane encen ndikayang Ratu?"
"Ento apa ane nyuwun kranjang, sing mabaju!"
"Punika? Sasak manawi!"
Malih matolihan I Made, tur mapajar ring Ni Lun Sari, panjeroan ida Dayu Priya,
"Iiiih, Luh, musti inget teken..........."
"Aruh, beli Made konden med ngulgul?"
"Pedih suba I Luh batak ketoang dogen. Ituni dugase oyog-oyog, sing pedihang anak ragane."
"Nggih, kalah, kalah sampun tiang, beli Made Aruh dong koja anake." Dayu Priya nimbal,
